Yekile 17:11 - BAEBOLO ANZƐƐ BULUKU NWUANZANWUANZA

¹¹ Na nane ne mɔɔ mekɛ bie ɛnee de aze, na kɛkala yewu la a le belemgbunli ne mɔɔ tɔ zolɛ mɔtwɛ la; na ɔdaye noko ɔbara yeamaa bɛazɛkye ye kɛ arelemgbunli nsuu ne mɔ la.

Yekile 17:11 ပူးပေါင်းရင်းမြစ်များ

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 13:12

Tumi kpole ne mɔɔ alumua nane ne lɛ la yɛɛ ɔfa ɔyɛ gyima a. Na ɔmanle bɛdabɛ mɔɔ bɛde azɛlɛ ye azo la amuala zonlenle alumua nane ne mɔɔ bɛbɔle ye hanlɛ na hanlɛ ne ɛhɔ la.

Yekile 13:3

Nane ne ati ne mɔ ko zɔho debie mɔɔ bɛbɔle ye hanlɛ kpole bie na hanlɛ ne ɛhɔ la. Ɔ nwo yɛle ewiade amra amuala ɛzulolɛ na bɛdule bɛdoale ye.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.