Yekile 17:1 - BAEBOLO ANZƐƐ BULUKU NWUANZANWUANZA

¹ Nyamenle soanvolɛma nsuu ne mɔɔ dedɛ dwora ne mɔ la anu ko rale me nwo ɛkɛ na ɔzele me kɛ, “Bɛla maa mengile wɔ kɛ bɛsi bɛadea tuutuunli ne mɔɔ ɛlie duma la, meka suakpole ne mɔɔ ɛlie duma mɔɔ bɛhye ye wɔ azudenle ne mɔ anloa la.

Yekile 17:1 ပူးပေါင်းရင်းမြစ်များ

Ayezaya Buluku ne 1:21

Nea kɛ nɔhavoma suakpole ne ɛnɛ ɛhakyi tuutuuma suakpole a. Anrɛɛ bɛdi pɛlepɛle wɔ zolɛ! Anrɛɛ tenleneyɛlɛ ɛyi ye tɛkɛɛ, na ɛnɛ, ahɔdiawu ɛyi ye tɔ.

Ayezaya Buluku ne 57:3

Bɛhwe bɛbikye, bɛmɛ nyɛne mraalɛ amra mrenya, bɛmɛ tuutuu nee agyalɛ mɛlatovoma abo zo amra.

Gyɛlɛmaya Buluku ne 2:20

“Mekɛ tendenle mɔɔ ɛze ɛhɔ la, bɛdele nyɛma, bɛdɛlale anhwe, na bɛhanle kɛ, ‘Yɛnrɛzonle wɔ!’ Ɛhɛe, boka tendenle biala azo nee baka buzuu biala abo, bɛbutule kɛ tuutuu.

Gyɛlɛmaya Buluku ne 51:13

O bɛmɛ mɔɔ bɛzua azule dɔɔnwo, mɔɔ nuhua le anwonyia ngome la, bɛ awieleɛ ɛra; bɛpɛ bɛ ɛbɛla nyɛma ne azo.

Yizikeɛle Buluku ne 31:4

Ɔnyia nzule ɔnyi ɔyɛ kpole; azɛlɛ bo nzule maa ɔnyi tendenle. Azule se dua ɛleka mɔɔ bɛlua bɛ la, na ɔdoɔloa kpɔkɛ ne anu mbaka bo.

Edwɛkpa ne kɛmɔ Luku hɛlɛle la 24:32

Na bɛhanle bɛhilele bɛ nwo ngoko kɛ, “Mekɛ mɔɔ ɔlɛtendɛ wɔ adenle ne anu na ɔlɛkilehile yɛ Nyamenle Edwɛkɛ ne anu la ɛnee ɔle kɛ asɛɛ bɛwuda senle yɛ ahonle nu la.”

Edwɛkpa ne kɛmɔ Luku hɛlɛle la 9:30

Na nea, menli nwiɔ nee ye dendɛle, bɛmɛ a le Mosisi nee Yilaegya.

Yekile 1:1

Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 16:19

Suakpole ne anu hyɛle nsa, yɛɛ maanle maanle azuamgbole ne mɔ kɔsɔɔti bɔle tɔɔ. Nyamenle hakyele mɔɔ suakpole Babelɔn ɛyɛ la, na ɔkpokpole ye ɛya ne kɔsɔɔti ɔguale ɔ ti zo.

Yekile 18:1

Ɛhye anzi menwunle kɛ Nyamenle soanvolɛ ko noko vi anwuma ɛlɛdwu aze. Ɔlɛ tumi kpole, na kɛ ɔ nwo si ta la manle ewiade ye amuala yɛle wienyi.

Yekile 19:2

Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 19:9

Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 21:15

Nyamenle soanvolɛ ne mɔɔ dendɛle hilele me la lɛ ezukoa nvutuke baka ɛzuzudeɛ kɛ ɔfa yeazuzu suakpole ne, anuhɔlɛ ne mɔ, yɛɛ ye bane ne mɔ.

Yekile 21:9

Nyamenle soanvolɛma nsuu ne mɔɔ lɛ amaneɛnwunlɛ dwora nsuu ne la anu ko rale me nwo ɛkɛ na ɔzele me kɛ, “Bɛla maa mengile wɔ Atɔfolɛ ne, mɔɔ le Boaneralɛ ne aye ne.”

Yekile 4:1

Ɛhye anzi, mendole me nye, na menwunle kɛ bɛbuke anlenkɛ bie wɔ anwuma lɔ. Na ɛnelɛ ne mɔɔ dielie kɛ aweɛne tendenle, mɔɔ lumuale dendɛle hilele me la zele me kɛ, “Fo bɛla anwuma ɛke maa mengile wɔ mɔɔ bazi ɛhye anzi la.”