Yekile 16:9 - BAEBOLO ANZƐƐ BULUKU NWUANZANWUANZA

⁹ Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.

Yekile 16:9 ပူးပေါင်းရင်းမြစ်များ

2 Arl 6:33

Ɔ nloa ampe bɔbɔ yɛɛ belemgbunli mumua ne yele ɔ nyunlu a, na ɔzele kɛ, “Ngyegyelɛ ɛhye vi Ɛdɛnkɛma. Duzu ati a ɔwɔ kɛ eza mekendɛ dedee ɛ?”

2 Edk 28:22

Mɔɔ ye amaneɛnwunlɛ ne yɛle kpole la, Belemgbunli Ehaze akee arɛle vile Ɛdɛnkɛma bɔkɔɔ.

Ayezaya Buluku ne 1:5

Fane nyɛ yɛɛ bɛkpondɛ kɛ bɛtea bɛ kolaa na bɛagyakyi atuadelɛ a? Bɛ ti kanrɛlɛ mumua ne ɛnde kpɔkɛ, yɛɛ bɛ ahonle ɛwu.

Ayezaya Buluku ne 8:21

Menli ne bava ɛhɔne aluolua azɛlɛ ne azo, bɛ rɛle abɔ bɛ nwo. Saa ɛhɔne ɛlɛku bɛ a bɛbava ɛya na bɛawa bɛ belemgbunli ne nee bɛ Nyamenle ne amonle. Bɛbanlea anwomanyunlu,

Gyɛlɛmaya Buluku ne 13:6

Mekɛ guale nu la Ɛdɛnkɛma zele me kɛ, “Sia kɔ Yufileti ne anloa kɔye abɛlako ne mɔɔ memanle ɛvale ɛhɔveale lɔ la.”

Gyɛlɛmaya Buluku ne 5:3

O Ɛdɛnkɛma, wɔmɔ ɛkulo nɔhalɛ. Ɛdeanle bɛ, na yɛanyɛ bɛ nyane; ɛhanle bɛ senle, noko bɛangakyi. Bɛsolo bɔkɔɔ; bɛtɛnunle bɛ nwo.

Yizikeɛle Buluku ne 24:13

Wɔ adwɔmane ɛbɛla mgbane mgbane ne a le nrɛnlana ne mɔɔ andu la. Kɛmɔ anrɛɛ ɔwɔ kɛ metu ɛ nwo evinli ne amuala, noko ɛ nwo anvie, na ɛ nwo evinli ne bie tɛbɔ ɛkɛ ne la, ɛ nwo ɛnrɛvie ɛlɛ, kyesɛ mewola me ɛya kpole ne megua ɛ nwo zo na me kunlu adwo.

Edwɛkpa ne kɛmɔ Luku hɛlɛle la 13:3

Ɔnle zɔhane. Meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.

Edwɛkpa ne kɛmɔ Luku hɛlɛle la 13:5

Ɔnle zɔhane. Na meka meahile bɛ, saa bɛdabɛ noko bɛanzia bɛanvi bɛ ɛtane ne mɔ anwo a, bɛ muala bɛbawu kɛ menli zɔhane mɔ ala la.”

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 16:21

Ezuawolɛ mgbole mɔɔ ko to tone nu tɔno ɛya la dɔle bilididi guale menli nwo zo. Yemɔti menli bɔle Nyamenle sasa, ɔboalekɛ nyane ɛhye bole zolɛ.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.