Yekile 16:8 - BAEBOLO ANZƐƐ BULUKU NWUANZANWUANZA

⁸ Nyamenle soanvolɛ ne mɔɔ tɔ zolɛ nna la noko wolale ye ɛdeɛ ne guale sɛnzɛne ne azo manle ɔnyianle adenle ɔvale ye wuluwulu ne ɔyelɛyelale menli.

Yekile 16:8 ပူးပေါင်းရင်းမြစ်များ

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Dwona Buluku ne 4:8

Sɛnzɛne ne kpogyale ɔ nwo zo la, Nyamenle manle aduduleɛ anwoma wuluwulu bie bɔle. Na ewia katekate bie vile bɔle Dwona ati mgbandanlama ne azo manle ɔ nwo yɛle ye bɛtɛɛ. Ɛnee akee Dwona akunlu a anrɛɛ yewu. Na ɔhanle kɛ, “Saa menwule bɔbɔ a anrɛɛ ɔle kpalɛ.”

Edwɛkpa ne kɛmɔ Mateyu hɛlɛle la 13:6

Na mɔɔ ewia bɔle la, bɛyelale, ɔluakɛ bɛ ndinli ne mɔ andwu azɛlɛ bo kpalɛ.

Edwɛkpa ne kɛmɔ Luku hɛlɛle la 21:25

“Sɛkɛlɛneɛ ɛzulolɛ basisi sɛnzɛne ne, siane ne nee nwɔlɔra ne mɔ anyunlu. Maanle maanle arɛle babɔ, na bɛ ti akunlu azɛkye nyevile ne ɛzɛkyelɛ nee ye ɛhululɛ nwo.

Ɛzoanvolɛma Gyima ne 2:20

Sɛnzɛne ne bayɛ awozinli, na siane ne ayɛ yɔɔnwo kɛ mogya, kolaa na Awulae anyunlunyia kenle kpole ne adwu.

Yekile 14:18

Akee Nyamenle soanvolɛ ko, mɔɔ yemɔ a ɔnea senle ne la vi azukponle ne abo vindele. Ɔdeanle nu ɔzele mɔɔ lɛ ɛdedadeɛ nlane ne la kɛ, “Ewiade vanye ma ne ɛbolo na fa wɔ dadeɛ ne te bɛ muala!”

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 7:16

Ɛhɔne nee nzuhɔne ɛnrɛhu bɛ bieko, ewia ɛnrɛbɔ bɛ, anzɛɛ wuluwulu kpole biala ɛnrɛhu bɛ bieko.

Yekile 8:12

Akee Nyamenle soanvolɛ ne mɔɔ tɔ zolɛ nna la bɔle ye aweɛne tendenle ne. Sɛnzɛne ne anu hyɛle nsa, bɛbɔle ko, na ye ɛdalɛ ne nlunle; siane ne anu hyɛle nsa, yɛɛ nwɔlɔra ne mɔ anu hyɛle nsa na bɛ nuhua ngoko nlunle. Yemɔti alehyenlɛ nu hyɛle nsa mɔɔ sɛnzɛne ɛnvinde ko anu a, yɛɛ aledwolɛ noko anu hyɛle nsa mɔɔ siane nee nwɔlɔra ɛnda ko anu a.

Yekile 9:2

Ɛwɔlɔra ne bukele azɛlɛ kuma ne anlenkɛ ne, na esike mungumungu mɔɔ le kɛ sendɔlɔra esike la vi nu vindele; ɛhye hedale sɛnzɛne ne anye na maanle nu yɛle kisii.