Yekile 16:4 - BAEBOLO ANZƐƐ BULUKU NWUANZANWUANZA

⁴ Nyamenle soanvolɛ ne mɔɔ tɔ zolɛ nsa la wolale ye dwora ɛdeɛ ne anu ɛya ne guale azule nee nzubula nu, na bɛhakyile mogya.

Yekile 16:4 ပူးပေါင်းရင်းမြစ်များ

Edwɛndolɛ Buluku ne 78:44

Ɔhakyile bɛ azule ne mɔ mogya, mɔɔ ɛnee bɛngola nuhua nzule no a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:5

Ɛdɛnkɛma zele Mosisi kɛ, “Ka kile Aalɔn kɛ, ‘Fa wɔ kpɔma ne tende azule ne mɔ, azudenle mɔɔ bɛdudu, nee nzubula ne mɔ azo ye ahɛlɛne maa bɛva Yigyibiti azɛlɛ ne.’ ”

Ayezaya Buluku ne 50:2

“Kɛmɔti ɛ, membale la ɛnee awie ɛnle ɛkɛ ɔ? Menvɛlɛle la, ɛnee awie ɛnle ɛkɛ mɔɔ die zo ɔ? Asoo me sa ɛyɛ ezinraa mɔɔ yemɔti mengola memkpɔne bɛ a? Anzɛɛ menlɛ tumi mɔɔ mefa medie bɛ ngoane ɔ? Bɛnlea, metendɛ a nyevile sesa; memaa azule ne mɔ kakyi ɛsɛlɛ, fɛlɛ mɔɔ wɔ nu la ɛnnyia nzule, nzuhɔne maa bɛwu na bɛbɔ.

Yizikeɛle Buluku ne 35:8

Bɛ awoka mgbole ne mɔ azo bayɛ avunli ngome, na dɔɔnwo noko adɔ dadeɛ nloa agua bɛ awoka ngyikyi ne mɔ azo, mbɔnza ne mɔ anu, nee bɛ awoka ne mɔ avinli ahuma ne mɔ anu.

Hozia Buluku ne 13:15

Yifelaem banyi bokoboko kɛ baka ndɔ, noko mebamaa medame Ɛdɛnkɛma, me aduduleɛ anwoma wuluwulu ne adwazo ɛsɛlɛ ne azo abɔ asesa bɛ azɛlɛ bo nzule nee bɛ bula ne mɔ; ɔbaminli debie biala mɔɔ sonle bolɛ wɔ ye gya nu la abo zo.

Yekile 11:6

Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 16:5

Mendele kɛ Nyamenle soanvolɛ ne mɔɔ nea nzule zo la se, “O Nwuanzanwuanzanli mɔɔ ɛnee ɛwɔ ɛkɛ na ɛwɔ ɛkɛ dahuu a, wɔli pɛlepɛle bɔkɔɔ wɔ wɔ ndɛnebualɛ nu.