Yekile 16:1 - BAEBOLO ANZƐƐ BULUKU NWUANZANWUANZA

¹ Akee mendele ɛnelɛ kpole bie wɔ Ɛzonlenlɛ Sua ne anu kɛ ɔlɛka yeahile Nyamenle soanvolɛma nsuu ne kɛ, “Bɛhɔ, bɛhɔwola Nyamenle ɛya ne mɔɔ wɔ dwora ne mɔ anu la bɛgua azɛlɛ ne azo!”

Yekile 16:1 ပူးပေါင်းရင်းမြစ်များ

Edwɛndolɛ Buluku ne 79:6

Wola wɔ ɛya ne gua maanle maanle mɔɔ ɛnze wɔ, nee arelemgbunli maanle mɔɔ ɛnzonle wɔ la anwo zo.

Gyɛlɛmaya Buluku ne 10:25

Wola wɔ ɛya ne gua maanle maanle mɔɔ ɛnze wɔ, nee menli mɔɔ ɛnzonle wɔ la anwo zo; bɛhu wɔ menli ne; bɛbɔ Gyekɔbo abo zo amra abo zo tɔɔ; bɛmaa bɛ maanle ne ɛdɔ mgbane.

Yizikeɛle Buluku ne 10:2

Nyamenle zele nrenya ne mɔɔ wula lenen tɛladeɛ ne la kɛ, “Kɔwolo ehwili ne mɔ mɔɔ wɔ tease abɔdeɛ ne mɔ abo la avinli na fula samɛnlankɛ ne bie kɔzande ye wɔ suakpole ne azo.” Ɔkɔ la me nye gyi ɔ nwo.

Yizikeɛle Buluku ne 22:31

Yemɔti mewola me ɛya ne megua bɛ nwo zo. Meva me ɛya senle ne meyela bɛ; memaa bɛ ɛbɛla ne ɛbu ɛzia bɛ, medame, Awulae Nyamenle a mese a.”

Zɛfanaya Buluku ne 3:8

“Zɔhane ati bɛhendɛ me bɛmaa ɔhɔdwu kenle mɔɔ menwɔdwazo bɛ nwo zo la. Mebɔ kpɔkɛ kɛ meboɔboa maanle maanle kɔsɔɔti nee bɛ arelemgbunli anloa meawola me ɛya kpole ne meagua bɛ nwo zo. Ɔluakɛ me ɛya kpole ne senle ne bayela ewiade amuala yeamaa yeadɔ nzonle.

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 14:15

Nyamenle soanvolɛ ko noko vi Ɛzonlenlɛ Sua ne anu vindele na ɔdeanle nu ɔzele mɔɔ de amungu ne azo la kɛ, “Fa wɔ ɛdedadeɛ ne te bɛyɔba ne; ɛbuhenle ne ɛdwu, ɔluakɛ azɛlɛ ye azo bɛyɔba ne ɛwie bolo.”

Yekile 14:18

Akee Nyamenle soanvolɛ ko, mɔɔ yemɔ a ɔnea senle ne la vi azukponle ne abo vindele. Ɔdeanle nu ɔzele mɔɔ lɛ ɛdedadeɛ nlane ne la kɛ, “Ewiade vanye ma ne ɛbolo na fa wɔ dadeɛ ne te bɛ muala!”

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 16:17

Akee Nyamenle soanvolɛ ne mɔɔ tɔ zolɛ nsuu la wolale ye ɛdeɛ ne guale anwoma ne anu. Na ɛnelɛ kpole bie vi belemgbunli ebia kpole ne mɔɔ gyi Ɛzonlenlɛ Sua ne anu la anwo zele kɛ, “Bɛyɛ bɛwie!”

1 Sam 15:18

yɛɛ ɔzoanle wɔ kɛ, ‘Kɔ kɔzɛkye Amalɛkema ɛtanevolɛma. Ɛ nee bɛ ɛho toonwo kɔkpula kɛ bɛ bo zo kɛbɔ tɔɔ la.’

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”