Yekile 15:8 - BAEBOLO ANZƐƐ BULUKU NWUANZANWUANZA

⁸ Nyamenle anyunlunyia ne nee ye tumi ne manle esike ngome yile sua ne, mɔɔ awie biala ɛngola nu wolo a, kyesɛ amaneɛnwunlɛ ngakyile nsuu ne mɔɔ li amozi, mɔɔ Nyamenle soanvolɛma nsuu ne lɛ la abo ɛdu.

Yekile 15:8 ပူးပေါင်းရင်းမြစ်များ

Edwɛndolɛ Buluku ne 29:9

Ɛdɛnkɛma ane maa weɛlɛ wo mgbemgbene nu; ɔkpolo mbaka nya ɔgua; na bɛtea nu wɔ ye Ɛzonlenlɛ Sua ne anu kɛ, “Anyunlunyia ɛha Nyamenle!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:18

Na esike hedale Boka Saenae azo, ɔboalekɛ Ɛdɛnkɛma dwule zo kɛ senle la, na esike ne hɔle anwuma kɛ fonlomo esike la, na boka mumua ne kpusule kpole bie.

Ayezaya Buluku ne 6:4

Na mɔɔ hanle edwɛkɛ ne la ane ne manle Ɛzonlenlɛ Sua ne adiabo ne kpusule, na esike rayile sua ne.

Gyɛlɛmaya Buluku ne 15:1

Akee Ɛdɛnkɛma zele me kɛ, “Saa Mosisi nee Samoɛle bɔbɔ bagyinla me nyunlu kpa kyɛlɛ a, menrɛva menli ɛhye mɔ anwo edwɛkɛ menrɛhyɛ bɛ ɛlɛ. Ye bɛ fi me nye zo,

Gyɛlɛmaya Awolɛyelɛ 3:44

wɔva amungu wɔheda ɛ nwo, yemɔti ɛnde yɛ nzɛlɛlɛ biala.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Wulo 11:33

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

2 Tɛs 1:9

Bɛbadea menli zɔhane mɔ na bɛaye bɛ bɛavi Awulae anye zo nee ye anyunlunyia tumi ne abo, na bɛazɛkye bɛ ɛzɛkyelɛ mɔɔ ɛnlɛ awieleɛ la.

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 21:11

na ɔlɛta wɔ Nyamenle anyunlunyia nu. Sua bɔdenle ne ta memeamemea kɛ ezukoa bolɛ ne mɔɔ bɛfɛlɛ ye “gyasepa” la, na ɔ nye le kɔngyekɔngye zɛhae.