Yekile 15:5 - BAEBOLO ANZƐƐ BULUKU NWUANZANWUANZA

⁵ Ɛhye anzi memanle me nye zo na menwunle kɛ bɛbuke Ɛzonlenlɛ Sua ne mɔɔ wɔ anwuma lɔ la, na Nyamenle daselɛlilɛ Ndanlɛ Sua ne wɔ nu.

Yekile 15:5 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:21

Akee ɛbava awolɛ ndɛbandɛba nwiɔ ne mɔɔ mebava meamaa wɔ la wɔagua ɛlɛka ne anu na wɔava ɔ ti ne wɔadua zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 38:21

Ninyɛne mɔɔ bɛvale bɛyɛle Ɛdɛnkɛma Ndanlɛ Sua ne anu, ɛleka mɔɔ awolɛ ndɛbandɛba nwiɔ ne mɔɔ bɛhɛlɛ Nyamenle Mɛla Bulu ne wɔ zo la wɔ la, bɛmɛ ɛne. Mosisi a hanle kɛ bɛhɛlɛ bɛ dodo a, yɛɛ Livaema mɔɔ sɛlɛvolɛ Aalɔn ara Yetamaa a nea bɛ nwo zo la a hɛlɛle a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:50

Maa Livaema ne ɛnlea me Ndanlɛ Sua ne, nuhua ninyɛne kɔsɔɔti nee debie biala mɔɔ fane sua ne anwo la azo. Bɛmɛ yɛɛ bɛbazoa Ndanlɛ Sua ne nee nuhua ninyɛne ne mɔ a, bɛbazonle nuhua na bɛayɛ bɛ azokoɛleɛ nwolɛ bɛayia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53

Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

Edwɛkpa ne kɛmɔ Mateyu hɛlɛle la 27:51

Ɛkɛ ne ala Ɛzonlenlɛ Sua ne anu mgbɛnu ɛdanlɛ ne dele ebule nwiɔ, ɔvi anwuma ɔpenle aze. Azɛlɛ kpusule, awolɛ kpukekpukele,

Kɛlata mɔɔ bɛhɛlɛle bɛhɔmanle Hibuluma la 8:5

Na mɔɔ bɛyɛ la le gyima mɔɔ bɛyɛ ye wɔ anwuma lɔ la sɔhovolɛ. Ɔluakɛ mɔɔ Mosisi bazi ndanlɛ sua ne la, Nyamenle zele ye kɛ, “Bɔ mɔdenle kɛ ɛkɛyɛ debie biala ɛkɛmaa ɔkɛzɔho mɔɔ bɛvale bɛhilele wɔ wɔ boka ne azo lɔ la.”

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 13:6

Ɔdendɛle ɛtane ɔtiale Nyamenle, ɔbɔle ye duma ɛtane, na ɔhanle munzule edwɛkɛ ɔtiale ɛleka mɔɔ ɔde, nee bɛdabɛ mɔɔ bɛwɔ anwuma lɔ la amuala.