Yekile 15:4 - BAEBOLO ANZƐƐ BULUKU NWUANZANWUANZA

⁴ Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 15:4 ပူးပေါင်းရင်းမြစ်များ

Edwɛndolɛ Buluku ne 105:7

Yemɔ a ɔle Ɛdɛnkɛma yɛ Nyamenle a; ye ndɛnebualɛ wɔ ɛkɛ maa ewiade amuala.

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 22:23

“Bɛmɛ mɔɔ bɛsulo Ɛdɛnkɛma, bɛye ye ayɛlɛ; bɛmɛ Gyekɔbo abo zo amra amuala, bɛwula ye anyunlunyia, yɛɛ bɛmɛ Yizilayɛma amuala, bɛva enililɛ bɛzulo ye.

Edwɛndolɛ Buluku ne 22:27

Ewiade amra amuala bahakye Ɛdɛnkɛma na bɛazia bɛara ɔ nwo ɛkɛ; maanle maanle kɔsɔɔti badu agua ɔ nyunlu azonle ye.

Edwɛndolɛ Buluku ne 22:3

Noko wɔmɔ a ɛle nwuanzanwuanza, mɔɔ Yizilayɛma ye wɔ ayɛlɛ a.

Edwɛndolɛ Buluku ne 86:9

Maanle maanle kɔsɔɔti mɔɔ wɔbɔ bɛ la babɔ bɛ ti aze amaa wɔ, O Awulae, na bɛaye wɔ duma ne ayɛlɛ.

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Edwɛndolɛ Buluku ne 97:8

Zayɔnoma te na bɛdi fɛlɛko, yɛɛ Dwudama anye die wɔ wɔ ndɛnebualɛ ne mɔ ati, O Nyamenle.

Edwɛndolɛ Buluku ne 99:5

Bɛhanvo Ɛdɛnkɛma yɛ Nyamenle ne; bɛzonle ye wɔ ɔ gyakɛ abo! Ɔle nwuanzanwuanza.

Edwɛndolɛ Buluku ne 99:9

Bɛhanvo Ɛdɛnkɛma yɛ Nyamenle ne, bɛzonle ye wɔ ye boka nwuanzanwuanza ne azo; ɔluakɛ Ɛdɛnkɛma yɛ Nyamenle ne le nwuanzanwuanza.

Ayezaya Buluku ne 24:15

Yemɔti bɛdabɛ mɔɔ bɛwɔ aduduleɛ la, bɛwula Ɛdɛnkɛma anyunlunyia, na bɛdabɛ mɔɔ bɛde ɛnweanloa la ɛye Ɛdɛnkɛma, Yizilayɛ Nyamenle ne ayɛlɛ.

Ayezaya Buluku ne 25:3

Yemɔti maanle maanle mɔɔ anwo yɛ se la baye wɔ ayɛlɛ; bɛbazulo wɔ wɔ maanle maanle mɔɔ ati yɛ se la azuamgbole zo.

Ayezaya Buluku ne 26:9

Nɔɔzo biala me ɛkɛla anwo dɔ wɔ, me sunsum mɔɔ wɔ me nu la kpondɛ wɔ. Ɔluakɛ saa wɔ ndeanlɛ ba ewiade a, ewiade amra sukoa pɛlepɛlelilɛ.

Ayezaya Buluku ne 45:23

Meha medame me ngome me nwo mebɔ ɛwɔkɛ, me nloa ɛvula edwɛkɛ mɔɔ le tenlene, menrɛhwe menrɛzia: Awie biala bahoto me, awie biala babɔ ɛwɔkɛ wɔ me nyunlu.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Ayezaya Buluku ne 60:5

Akee bɛbanwu bɛ na bɛali fɛlɛko, Bɛ ahonle nu bayɛ wuluwulu na bɛ nye alie, Ɔluakɛ nyevile nzi ninyɛne kɔsɔɔti bayɛ bɛ ɛdeɛ, Maanle maanle ne mɔ anwonyia bayɛ bɛ ɛdeɛ.

Gyɛlɛmaya Buluku ne 10:7

Maanle maanle Belemgbunli, nwane a ɛnzulo wɔ a? Enililɛ le wɔ ɛdeɛ. Maanle maanle ne mɔ anu nrɛlɛbɛvolɛma o, bɛ nuhua arelemgbunli o, ko bɔbɔ nee wɔ ɛnzɛ.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 5:22

Duzu ati a bɛnzulo me ɛ? Duzu ati a bɛgyi me nyunlu a bɛ nwo ɛnwozo bɛ a? Menvale ɛnwea mengyale nyevile ɛweɛne mɔɔ ɔngola ye bɔ tɛla ɛlɛ la. Azɛlɛkye ne mɔ bu na bɛngola bɛndɛla ɛweɛne ne, bɛkulu mgbole na bɛngola bɛnli ɛweɛne ne bɔtɛla.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Habakɛke Buluku ne 1:12

Asoo ɛnle damɛnlangoate ɔ, O Ɛdɛnkɛma me Nyamenle, me Nwuanzanwuanza Ko? Yɛnrɛwu. O Ɛdɛnkɛma me Bodane, wɔye Babeloniama kɛ ɛdua bɛ nwo zo wɔadea yɛ, wɔahwe yɛ nzo.

Zɛkalaya Buluku ne 14:16

Akee awie biala mɔɔ wɔ maanle maanle ne mɔ mɔɔ ɛra Gyɛlusalɛm anwo zo ɛlɛ la anu, mɔɔ kɛvi ɛsalɛ la bahɔ Gyɛlusalɛm ɛvolɛ biala ahɔzonle Belemgbunli ne, Tumivolɛ Ɛdɛnkɛma, na yeali ye Kpɔda Bo Ɛdɛnlanlɛ Ɛvoyia ne.

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

1 Pit 1:16

Nyamenle Edwɛkɛ ne se, “Ɔwɔ kɛ bɛmaa bɛ nwo te, ɔboalekɛ mele nwuanzanwuanza.”

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 16:5

Mendele kɛ Nyamenle soanvolɛ ne mɔɔ nea nzule zo la se, “O Nwuanzanwuanzanli mɔɔ ɛnee ɛwɔ ɛkɛ na ɛwɔ ɛkɛ dahuu a, wɔli pɛlepɛle bɔkɔɔ wɔ wɔ ndɛnebualɛ nu.

Yekile 16:7

Na mendele ɛnelɛ bie vi azukponle ne anwo ɛkɛ, ɔse, “Awulae Nyamenle Bedevinli, wɔ ndɛnebualɛ le nɔhalɛ, ɔle fɔɔnwo amgba!”

Yekile 19:2

Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 19:8

Bɛmaa ye lenen ɛdanlɛ kɛnlɛma anye nwohyee kɛ ɔheda.” (Ɛdanlɛ kɛnlɛma ne a le Nyamenle menli ne ɛbɛla kpalɛ mɔɔ bɛbɔle la.)

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”

1 Sam 2:2

“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.