Yekile 15:3 - BAEBOLO ANZƐƐ BULUKU NWUANZANWUANZA

³ Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 15:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

1 Edk 6:49

Aalɔn nee ɔ bo zo amra a bɔle ɛyelalɛ nee ɛyɛlɛ evuanlɛ ɛkpunlɛ azu wɔ azukponle ne mɔ azo na bɛyɛle Nwuanzanwuanza Nu Nwuanzaanwu Ɛleka ne gyima ne a. Bɛluale Nyamenle sonvolɛ Mosisi ngyehyɛlɛ ne azo bɛyɛle mgbɔdalɛ nzɛlɛlɛ bɛmanle Yizilayɛma amuala.

2 Edk 24:6

Yemɔti belemgbunli ne manle bɛvɛlɛle Sɛlɛvolɛ Kpanyinli Gyɛhɔyada bɛrale, na ɔzele ye kɛ, “Duzu ati a ɛtɛmanle Livaema ɛtɛkɔdieliele adwule ne mɔɔ Ɛdɛnkɛma sonvolɛ, Mosisi, hyehyɛle dole ɛkɛ kɛ bɛlie wɔ menli ne mɔ ɛkɛ bɛva bɛyɛ Ɛdɛnkɛma Ndanlɛ Sua ne boɛ la bɛtɛfile Dwudama nee Gyɛlusalɛm amra ɛkɛ ne a?”

Nihɛmaya Buluku ne 9:14

Ɛhilele bɛ kɛ bɛzie Ɛnwomenlelielɛ Kenle ne nwuanzanwuanza, na ɛluale wɔ sonvolɛ Mosisi anwo zo ɛvale mɛla ne ɛmanle bɛ.

Dwobu Buluku ne 36:24

Bɛhakye kɛ bɛkɛhanvo ye gyima ne, mɔɔ menli ɛdo nwolɛ edwɛne la.

Dwobu Buluku ne 5:9

yemɔ mɔɔ ɔyɛ ninyɛne mgbole, mɔɔ ɛnlɛ nvedenu, ye nwanwane nyɛleɛ ɛnlɛ ɔ nloa.

Edwɛndolɛ Buluku ne 100:5

Ɔluakɛ Ɛdɛnkɛma le kpalɛ; ye ɛhulolɛ kpundii ne wɔ ɛkɛ ne dahuu, yɛɛ ye nɔhalɛlilɛ dwu awolɛndoazo muala anwo zo. Gyɛ 33.11

Edwɛndolɛ Buluku ne 105:5

O bɛmɛ ye sonvolɛ Ebileham abo zo amra, Gyekɔbo abo zo amra, mɔɔ yekpa nu yeye bɛ a, bɛhakye nwanwane gyima mɔɔ yeli la; ye nwanwane sɛkɛlɛneɛ nee ye ndɛnebualɛ ne mɔ.

Edwɛndolɛ Buluku ne 111:2

Ɛdɛnkɛma gyima ne mɔ le mgbole, bɛdabɛ mɔɔ bɛ nye die nwolɛ la sukoa.

Edwɛndolɛ Buluku ne 111:7

Ɔyɛ ye debie biala nɔhalɛ nu, ɔle fɔɔnwo; sonla fa ɔ rɛle wula mɔɔ ɔkɛha la anu a ɔyɛ boɛ.

Edwɛndolɛ Buluku ne 139:14

Meye wɔ ayɛlɛ, ɔluakɛ ɛ nwo yɛ ɛzulolɛ nee nwanwane. Wɔ gyima yɛ nwanwane! Ɛze me kpalɛ bɔkɔɔ.

Edwɛndolɛ Buluku ne 145:17

Ɛdɛnkɛma di pɛlepɛle wɔ ye ndenle kɔsɔɔti anu, yɛɛ ɔ ti akunlu le kɛnlɛma wɔ ye nyɛleɛ kɔsɔɔti anu.

Edwɛndolɛ Buluku ne 145:6

Menli babɔ wɔ tumi gyima mgbole ne mɔ nolo, na medame mebabɔ wɔ kpoleyɛlɛ ne nolo.

Edwɛndolɛ Buluku ne 18:30

Nyamenle ɛhye, ye nyɛleɛ di munli, ye edwɛkɛ ɛnli mgbanwo! Ɔle enyinlike ɔmaa bɛdabɛ mɔɔ bɛtane ye la.

Edwɛndolɛ Buluku ne 78:12

Ɔyɛle nwanwane ninyɛne ɔhilele bɛ nlenya mɔ wɔ Zowan fienemgbole nu, wɔ Yigyibiti azɛlɛ zo.

Edwɛndolɛ Buluku ne 92:5

O Ɛdɛnkɛma, wɔ gyima le mgbole! Wɔ adwenle nu pi!

Edwɛndolɛ Buluku ne 99:4

Belemgbunli bedevinli, pɛlepɛlelilɛ kulovolɛ, wɔmaa pɛlepɛlelilɛ ɛlie ebia; wɔmaa pɛlepɛlelilɛ nee tenleneyɛlɛ ɛra Yizilayɛ.

Ayezaya Buluku ne 33:22

Ɔluakɛ Ɛdɛnkɛma a le yɛ ndɛnebuavolɛ a, Ɛdɛnkɛma a sie yɛ a, Ɛdɛnkɛma a le yɛ belemgbunli a; ɔbalie yɛ ngoane.

Ayezaya Buluku ne 45:21

Bɛha bɛ tendile ne bɛdo gua; bɛ muala bɛva adwenle! Nwane a dɛbadɛba ne hanle ɛhye a? Nwane a vale dole gua wɔ mɔmoane a? Medame Ɛdɛnkɛma a menganle a, yɛɛ ɛye me a nyamenle bieko ɛnle ɛkɛ. Mele Nyamenle tenlene yɛɛ medie ngoane, ɛye me a bieko ɛnle ɛkɛ.

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Daneɛle Buluku ne 9:11

Yizilayɛma kɔsɔɔti ɛdo wɔ mɛla ne, bɛhakyi bɛ nzi bɛzi wɔ, na bɛkpo kɛ bɛnrɛdie ɛ ne. Ɔlua zolɛ munzule ne nee ndane ne mɔ mɔɔ bɛhɛlɛ wɔ wɔ sonvolɛ Mosisi Mɛla ne anu la ɛha yɛ, ɔboalekɛ yɛyɛ ɛtane yɛtia wɔ.

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Maeka Buluku ne 7:20

Ɛbahile wɔ nɔhalɛlilɛ ne nee wɔ ɛhulolɛ kpundii ne mɔɔ ɛlɛ ye wɔ yɛ nlenya mɔ, Gyekɔbo nee Ebileham anwo la wɔ bɛ bo zo amra anwo zo, kɛmɔ wɔ ɛwɔkɛ ne mɔɔ ɛbɔle la de la.

Zɛfanaya Buluku ne 3:5

Noko Ɛdɛnkɛma mɔɔ de bɛ avinli la di pɛlepɛle, ɔnli ɛtane. Nwonlomɔ biala ɔkile ye pɛlepɛlelilɛ ne, yɛɛ ɔmaa alehyenlɛ kpalɛ to bɛ dahuu; noko akee menli agbamgbanvolɛ ne ɛnze nyiane deɛ holɛ.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Mɛla 31:30

Akee Mosisi dole edwɛne ne toonwo ɔdwulale, na Yizilayɛma amuala diele ye.

Mɛla 32:3

Ɔluakɛ mebabɔ Ɛdɛnkɛma duma ne nolo, meahile yɛ Nyamenle ne ye bedevinli ne!

Mɛla 34:5

Yemɔti Ɛdɛnkɛma sonvolɛ Mosisi wule Mowabe azɛlɛ zo, kɛmɔ Ɛdɛnkɛma hanle la.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

Kɛlata mɔɔ bɛhɛlɛle bɛhɔmanle Hibuluma la 3:5

Mosisi lile nɔhalɛ kɛ ɔle akɛlɛ wɔ Nyamenle sua nu, na ɔlile ninyɛne mɔɔ Nyamenle baha nwolɛ bie wɔ kenle bie la anwo daselɛ.

Dwɔhyua Buluku ne 22:5

Bɛnlea boɛ na bɛli mɛla ne mɔɔ Mosisi ɛva ɛmaa bɛ la azo. Bɛhulo Ɛdɛnkɛma bɛ Nyamenle ne, bɛyɛ ye ɛhulolɛdeɛ, bɛli ye mɛla ne mɔ azo, bɛli nɔhalɛ bɛmaa ye, na bɛva bɛ ahonle nee bɛ ɛkɛla muala bɛzulo ye.”

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 11:17

bɛhanle kɛ, “Awulae Nyamenle Bedevinli mɔɔ ɛnee ɛwɔ ɛkɛ na ɛwɔ ɛkɛ kɛkala a! Yɛyɛ wɔ mo kɛ wɔmaa wɔ tumi ne zo na wɔbɔ ɔ bo kɛ ɛdi belemgbunli a!

Yekile 14:3

na bɛlɛto edwɛne fofolɛ bie wɔ belemgbunli ebia kpole ne anyunlu wɔ tease abɔdeɛ nna ne nee mgbanyima ne mɔ anwo ɛkɛ. Bɛdabɛ menli apenle ngoko ɛya ko abulanla nee nna ɛhye, mɔɔ bɛlie bɛ ngoane bɛvi azɛlɛ ye azo la ala a ɛhola ɛzukoa edwɛne ne a.

Yekile 14:8

Nyamenle soanvolɛ ko noko ɔdaye ɔdoa ye na ɔse, “Yebɔ! Suakpole Babelɔn mɔɔ ɛlie duma la ɛbɔ bɔkɔɔ! Ɔmanle maanle maanle kɔsɔɔti anu amra zukoale ye na bɛvale adwɔmanebɔlɛ bɛhakyile nza bɛnlonle!”

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”

Yekile 19:2

Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”