Yekile 14:7 - BAEBOLO ANZƐƐ BULUKU NWUANZANWUANZA

⁷ Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 14:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Nihɛmaya Buluku ne 9:6

Na Yizilayɛma amuala yɛle nzɛlɛlɛ ɛhye: “Wɔmɔ Ɛdɛnkɛma, ɛ ngomekye ala yɛɛ ɛle Ɛdɛnkɛma a; wɔmɔ yɛɛ ɛbɔle anwuma nee anwomanyunlu nwɔlɔra a. Wɔmɔ yɛɛ ɛbɔle azɛlɛ nee zolɛ ninyɛne, nyevile nee nuhua ninyɛne a; wɔmɔ yɛɛ ɛmanle bɛ kɔsɔɔti ngoane a. Anwuma tumivolɛma kɔsɔɔti bɔ bɛ ti aze sonle wɔ.

Edwɛndolɛ Buluku ne 115:15

Ɛdɛnkɛma ɛyila bɛ, yemɔ mɔɔ ɔbɔle anwuma nee aze.

Edwɛndolɛ Buluku ne 124:8

Yɛ moalɛ vi Ɛdɛnkɛma mɔɔ bɔle anwuma nee aze la.

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Edwɛndolɛ Buluku ne 36:1

Ɛtane tendɛ kile amumuyɛnli ne wɔ ye ahonle nu; ɔkpo Nyamenle yɛɛ ɔnzulo ye adenle biala anu.

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Edwɛndolɛ Buluku ne 95:5

Nyevile ne le ye ɛdeɛ, ɔdaye yɛɛ ɔyɛle a; ɔvale ɔ sa a ɔhyehyɛle azɛlɛ resee ne a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Ayezaya Buluku ne 40:3

Ɛnelɛ bie tea nu: “Bɛdu adenle wɔ fienemgbole nu lɔ bɛmaa Ɛdɛnkɛma! Bɛdenrɛ adenle ne mɔɔ la ɛsɛlɛ ne azo la bɛmaa yɛ Nyamenle ne.

Ayezaya Buluku ne 40:6

Ɛnelɛ bie se, “Tea nu bɔ nolo ne!” Membizale kɛ, “Duzu nolo a membɔ a?” Ɔzele kɛ, “Bɔ nolo kɛ menli kɔsɔɔti le kɛ ndile, bɛ kɛnlɛma kɔsɔɔti le kɛ ɛbɔ nu ndotolo.

Ayezaya Buluku ne 40:9

O, wɔmɔ mɔɔ ɛlɛ amaneɛ fɛlɛko ɛbabɔ Zayɔn a, fo kɔ boka tendenle ne azo; wɔmɔ mɔɔ ɛlɛ amaneɛ fɛlɛko ɛbabɔ Gyɛlusalɛm a, fa wɔ anwosesebɛ muala kpogya ɛ ne zo ka. Kpogya ɛ ne zo, mmasulo! Ka kile Dwuda azuamgbole ne mɔ kɛ, “Bɛnlea, bɛ Nyamenle ne ɛne!”

Ayezaya Buluku ne 42:12

Bɛmaa bɛwula Ɛdɛnkɛma anyunlunyia, na bɛbɔ ye ayɛlɛyelɛ ne nolo bɛhile ɛnweanloa amra.

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Ayezaya Buluku ne 58:1

Ɛdɛnkɛma zele me kɛ, “Tea nu, tea nu kpalɛ, maa ɛ ne ɛlielie kɛ aweɛne tendenle ne; ka me menli ne, Gyekɔbo abo zo amra ne mɛladonlɛ nee bɛ ɛtane ne mɔ kile bɛ.

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Yizikeɛle Buluku ne 7:2

Ɔse, “Wɔmɔ, o sonla ra, mɔɔ medame Awulae Nyamenle melɛ ye meka meahile Yizilayɛma la ɛne: Yewie! Azɛlɛ ye muleɛ nna ne amuala ɛzɛkyelɛ ala ɛne!

Yizikeɛle Buluku ne 7:6

Bɛnlea, kɛ ɔlɛba ɛ! Yewie! Awieleɛ ne ɛra. Ye kɔsɔɔti gua bɛ nwo zo.

Daneɛle Buluku ne 8:19

Ɔzele me kɛ, “Mekile wɔ ninyɛne mɔɔ basisi awieleɛ mekɛ ne, kɛmɔ ɛnyelɛzodeɛnwunlɛ ne kile la.

Hozia Buluku ne 8:1

Ɛdɛnkɛma se, “Bɛwu aweɛne tendenle ne anu. Agbɔvolɛ ɛlɛba arali me azɛlɛ ye mutule kɛ ahɔleɛ! Ɔluakɛ menli ne ɛtulu me ngyekyeleɛ ne mɔɔ me nee bɛ kyekyele la na bɛbulu me mɛla ne azo.

Malakae Buluku ne 2:2

Saa bɛnrɛdie me edwɛkɛ, bɛnrɛva bɛnrɛzie bɛ ahonle nu kɛ bɛwula me duma ne anyunlunyia a, mebamaa munzule ara bɛ nwo zo na meamaa bɛ nyilalɛ ahakyi munzule. Nɔhalɛ, memaa bɛ nyilalɛ ɛhakyi munzule dɛbadɛba, ɔboalekɛ bɛambu me edwɛkɛ ne bie.

Edwɛkpa ne kɛmɔ Mateyu hɛlɛle la 25:13

Na Gyisɛse dwulale ye edwɛkɛ ne kɛ, “Yemɔti bɛzinza, ɔboalekɛ bɛnze kenle ko ne anzɛɛ dɔnehwele ko ne mɔɔ Awulae bara la.”

Edwɛkpa ne kɛmɔ Luku hɛlɛle la 17:18

Duzu ati a ɛyɛvolɛ ye ala a ɛzia ɛra bayɛ Nyamenle mo a?”

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Dwɔhyua Buluku ne 7:19

Na Dwɔhyua zele ye kɛ, “Me ra nrenya, ka nɔhalɛ ne na fa anyunlunyia maa Ɛdɛnkɛma mɔɔ le Yizilayɛ Nyamenle ne, na ye ye ayɛlɛ; to mɔɔ wɔyɛ la kpaa nu. Ka mɔɔ wɔyɛ la kile me. Mmafa ɛfea me.”

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.

Yekile 18:10

Bɛ ahonle badu wɔ ye amaneɛnwunlɛ ne ati na bɛagyinla amozi bɛaha kɛ, “Ɔyɛ ɛzulolɛ! Ɔyɛ nwanwane! Sua bɔdenle mɔɔ le kɛ Babelɔn! Bɛva dɔnehwele ko ala bɛdea wɔ, bɛbɔ wɔ tɔɔ!”

Yekile 18:17

Yemɔ a dɔnehwele ko ala ye anwonyia ne amuala ɛminli la!” Menli mɔɔ ka meli nee bɛdabɛ mɔɔ bɛyɛ gyima wɔ nu nee adendulɛma nee bɛdabɛ mɔɔ nyevile nye a bɛdidi la amuala gyinlanle amozi moa moa,

Yekile 18:19

Bɛvale bɛ sa bɛguale bɛ ti zo bɛzunle bɛweweɛle bɛ nwo aze bɛhanle kɛ, “Ɔyɛ ɛzulolɛ! Ɔyɛ nwanwane, ɔbo suakpole ne anwo zo! Yemɔ ala a ɔle suakpole mɔɔ nyevile nu amra kɔ zolɛ a bɛnyia anwonyia a! Dɔnehwele ko ala yeyɛ suadu.”

Yekile 19:5

Ɛnelɛ bie vi belemgbunli ebia kpole ne anwo hanle kɛ, “Bɛmaa menli muala, mgbole nee ngyikyi, nee sonvolɛma mɔɔ sonle yɛ Nyamenle ne la ɛye yɛ Nyamenle ne ayɛlɛ!”

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,

Yekile 8:10

Nyamenle soanvolɛ ne mɔɔ tɔ zolɛ nsa la bɔle ye aweɛne tendenle ne anu. Na ɛwɔlɔra kpole bie, mɔɔ ɛlɛsɔ kɛ tɛkɛ la dule vi anwomanyunlu radɔle azudenle, nzubula nee tandane nu.

1 Sam 6:5

Yemɔti bɛyɛ mutulemutule ne nee ahila ne mɔ mɔɔ zɛkyele bɛ maanle ne la ananze bɛwula Yizilayɛ Nyamenle ne anyunlunyia, na wɔannea a ɔkɛgyakyi bɛ nee bɛ awozonle ne mɔ nee bɛ maanle ne kakɛdualɛ.