Yekile 14:4 - BAEBOLO ANZƐƐ BULUKU NWUANZANWUANZA

⁴ Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Yekile 14:4 ပူးပေါင်းရင်းမြစ်များ

Edwɛndolɛ Buluku ne 45:14

Bɛva ye bɛhɔ belemgbunli ne ɛkɛ, ye avoanlema mɔɔ ravale ye la doa ye.

Edwɛndolɛ Buluku ne 74:2

Kakye wɔ menli ne mɔɔ mɔmoane ɛvale bɛ ɛyɛle wɔ ɛdeɛ, na wɔlie bɛ wɔyɛ bɛ wɔ agyadeɛ, abusua ekpunli la. Kakye Zayɔn Boka mɔɔ wɔdɛnla zolɛ ɛlɛ la.

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Sɔlɔmɔn Edwɛne 6:8

Belemgbunli gya mraalɛ abulasia, ye mgbɔnla abulatwɛ, yɛɛ sonvolɛ mraalɛ dɔɔnwo mɔɔ bɛnze bɛ nloa.

Gyɛlɛmaya Buluku ne 2:3

Ɛnee Yizilayɛ anwo te wɔ medame Ɛdɛnkɛma me nyunlu, Ɔle me bɛyɔba ma mɔɔ lumua a. Awie biala mɔɔ lile bie la lile fɔlɛ; munzule dole ye, Medame Ɛdɛnkɛma a mese a.’ ”

Emɔzo Buluku ne 6:1

Munzule ɛha bɛdabɛ mɔɔ bɛ nwo ɛdɔ bɛ wɔ Zayɔn, nee bɛdabɛ mɔɔ bɛdwenle kɛ bɛ nwo le kɔlɔnwo wɔ Samɛlea la, bɛmɛ mgbolema mɔɔ bɛwɔ Yizilayɛ, mɔɔ menli ba bɛ ɛkɛ babiza moalɛ la!

Edwɛkpa ne kɛmɔ Mateyu hɛlɛle la 19:12

Ɔluakɛ ndenle dɔɔnwo wɔ ɛkɛ ne mɔɔ ɔlua zo mrenya dɔɔnwo ɛnrɛgya mraalɛ a: bie mɔ wɔ ɛkɛ a, bɛvale bɛwole bɛ; bie mɔ, ɔlua menli nwo zo yɛɛ ɔrale ye zɔhane a, yɛɛ bie mɔ noko, Anwuma Belemgbunlililɛ ne ati bɛ nye ɛnlie agyalɛ nwo. Bɛmaa mɔɔ kɛhola ye yɛ la ɛlie ngilehilelɛ ɛhye ɛdo nu.”

Edwɛkpa ne kɛmɔ Mateyu hɛlɛle la 25:1

“Mekɛ ne anu Anwuma Belemgbunlililɛ ne bayɛ kɛ mbɛlɛra bulu bie mɔɔ kenle ko vale bɛ ahɛnlaneɛ kɛ bɛkayia atɔfolɛ nrenya ne ade la.

Edwɛkpa ne kɛmɔ Mateyu hɛlɛle la 8:19

Mɛla kilehilevolɛ bie rale ɔ nwo ɛkɛ ne razele ye kɛ, “Kilehilevolɛ, ɛleka biala mɔɔ ɛkɔ la me nee wɔ kɛhɔ.”

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 13:37

Pita bizale ye kɛ, “Awulae, duzu ati a menrɛhola wɔ toa kɛkala ɛ? Meziezie me nwo kɛ saa ewule bɔbɔ a menwɔwu menwɔmaa wɔ.”

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

1 Kɔl 7:28

Na saa ɛgya bie noko a, ɛnee ɛtɛyɛle ɛtane, yɛɛ saa raalɛ mɔɔ bɛtɛgyale ye la kɔ agyalɛ a, ɛnee ɔtɛyɛle ɛtane. Ewiade ye anu edwɛkɛ dɔɔnwo maa nwuvolɛ nwo kyele bɛ kpalɛ, na ɛhye yɛɛ mekulo kɛ ɔkpa bɛ ti a.

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:14

Sunsum ne di agyinlanu kɛ yɛbanyia mɔɔ Nyamenle ɛva ɛbɔ ye menli ɛwɔkɛ la; eza ɔmaa yɛsi pi kɛ Nyamenle bamaa menli mɔɔ le ye ɛdeɛ la anyia bɛ ti bɔkɔɔ. Bɛmaa yɛye ye anyunlunyia ne ayɛlɛ!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

Kɛlata mɔɔ bɛhɛlɛle bɛhɔmanle Hibuluma la 12:23

Bɛra anyelielɛ ayia ne mɔɔ Nyamenle amra mgbanyinli ne mɔ mɔɔ bɛhɛlɛ bɛ aluma wɔ anwuma lɔ la a kɔ la bie. Bɛra Nyamenle mɔɔ le menli kɔsɔɔti ndɛnebuavolɛ la ɛkɛ, yɛɛ bɛra fɔɔnwoma mɔɔ bɛmaa bɛ sunsum ɛli munli la ɛkɛ.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.

Yekile 3:4

Noko menli ekyi bie wɔ Saadese ɛkɛ ne mɔɔ bɛli bɛ nwo eni a. Bɛtɛyɛle bɛ ndanlɛ ne mɔ evinli. Bɛbayɛ fufule, na bɛ nee me alua, ɔluakɛ bɛfɛta.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.