Yekile 14:2 - BAEBOLO ANZƐƐ BULUKU NWUANZANWUANZA

² Na mendele ɛnelɛ bie vi anwuma mɔɔ dielie kɛ azule mɔɔ lua awolɛ zo ɛlɛsonyi agua na ɔlɛkulu kɛ bokile ezule la. Eza ɛnelɛ ne mɔɔ mendele la le kɛ menli dɔɔnwo ɛlɛbɔ getaa,

Yekile 14:2 ပူးပေါင်းရင်းမြစ်များ

2 Sam 6:5

Na Devidi nee Yizilayɛma kɔsɔɔti bubule nya vale bɛ anwosesebɛ dole edwɛne, zile agole, bɔle getaa, akɛya, aweɛne, sɔnwosɔnwo yɛɛ ahenle yele Ɛdɛnkɛma ayɛlɛ.

2 Edk 20:28

Bɛbɔle getaa mgbole nee ngyikyi nee aweɛne ndendenle toonwo bɛrawolole Ɛdɛnkɛma Ɛzonlenlɛ Sua ne anu.

Edwɛndolɛ Buluku ne 147:7

Bɛva moyɛlɛ bɛdo edwɛne bɛmaa Ɛdɛnkɛma; bɛva getaa bɛbɔ edwɛne bɛmaa Ɛdɛnkɛma!

Edwɛndolɛ Buluku ne 149:3

Bɛzi agole bɛye ye ayɛlɛ; bɛva ahenle nee getaa bɛye ye ayɛlɛ!

Edwɛndolɛ Buluku ne 33:2

Bɛva getaa kpole bɛye Ɛdɛnkɛma ayɛlɛ, bɛva nyɛma bulu getaa bɛbɔ agole!

Edwɛndolɛ Buluku ne 43:4

Akee mebahɔ Nyamenle azukponle ne anwo, meahɔ me Nyamenle, me anyelielɛ kpole ne ɛkɛ; na meava getaa kpole meado edwɛne meaye wɔ ayɛlɛ, O Nyamenle, me Nyamenle.

Edwɛndolɛ Buluku ne 57:8

Dwazo, me ɛkɛla! Bɛdwazo, me getaa mgbole nee ngyikyi! Mefa ayɛlɛyelɛ meamaa mangyee ye akpudwu.

Edwɛndolɛ Buluku ne 92:3

wɔ mekɛ mɔɔ bɛlɛbɔ fulutu nee getaa mgbole, na bɛlɛbɔ getaa ngyikyi la.

Edwɛndolɛ Buluku ne 93:4

Wɔmɔ Ɛdɛnkɛma mɔɔ ɛwɔ anwuma, ɛle bedevinli ɛtɛla azule dɔɔnwo ɛhululɛ ne mɔ ane, ɛle bedevinli ɛtɛla nyevile azɛlɛkye.

Edwɛndolɛ Buluku ne 98:5

Bɛva getaa bɛdo ayɛlɛyelɛ edwɛne bɛmaa Ɛdɛnkɛma, bɛbɔ getaa na bɛbɔ agole!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:16

Kenle nsa ne azo nwonlomɔ ne, ezule hulule na maanle nu vedevedele. Amungu kumɔɔnwo hedale boka ne azo, bɛwule aweɛne tendenle ne anu tendenle bie, na menli ne mɔɔ wɔ azokoɛleɛ ɛkɛ ne la amuala anwo wozole bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:18

Mɔɔ menli ne kɔsɔɔti dele ɛhululɛ nee ye ɛvedevedelɛ ne nee aweɛne tendenle ne ane, na bɛnwunle boka ne azo esike ne la, ɛzulolɛ hanle bɛ na bɛ nwo wozole bɛ.

Ayezaya Buluku ne 17:13

Maanle maanle ne mɔ tea, bɛ ne kulu kɛ azule mɔɔ lua awolɛ zo la. Noko ɔbahwi bɛ nyunlu, na bɛbagua ndwɛlɛ aze, bɛanriandi kɛ awoka zo abonle mɔɔ anwoma ɛlɛbɔ ye ahɔ, anzɛɛ munlutu mɔɔ ɛlɛdi akyima wɔ ahumuakyima nu la.

Yizikeɛle Buluku ne 43:2

Na nea, Yizilayɛ Nyamenle ne anyunlunyia vi aduduleɛ rale. Ye ɛralɛ ne anu alɛra le kɛ azule dɔɔnwo mɔɔ ɛlɛse la ane, ye anyunlunyia ne manle azɛlɛ ye azo dale wienyi.

Zɛkalaya Buluku ne 9:14

Akee Ɛdɛnkɛma bavinde bɛ ti zo anwuma; ɔbatoto ye ɛda ne kɛ ɛsɛlɛmanye; Awulae Nyamenle ne babɔ aweɛne tendenle ne anu, na yealua nyiakɛ ahumuakyima ne anu yeara.

1 Kɔl 13:1

Saa mekola menli nee anwuma soanvolɛma aneɛ ngakyile ne mɔ ka, na menlɛ ɛhulolɛ a, me ɛdendɛlɛ le kɛ ɛlawule anzɛɛ awa mɔɔ ɛlɛyɛ alɛra la.

Yekile 1:10

Awulae kenle ne, Sunsum ne rale me nwo zo, na mendele ɛnelɛ kpole bie mɔɔ le kɛ aweɛne tendenle la kɛ ɔlɛtendɛ me nzi nehane.

Yekile 1:15

ɔ gyakɛ anwo ta kɛ ayera mɔɔ bɛdu nu na bɛhwi nwolɛ la, na ɔ ne dielie kɛ azule mɔɔ lua awolɛ zo la.

Yekile 11:12

Nyamenle kpɔmanvolɛma nwiɔ ne dele kɛ ɛnelɛ kpole bie vi anwuma, ɔse, “Bɛrɛla anwuma ɛke!” Na mɔɔ bɛ kpɔvolɛma ne mɔ anye gyi bɛ nwo ala la, amungu ravale bɛ hɔle anwuma.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 18:22

Bɛdabɛ mɔɔ bɛbɔ getaa, dono nee edwɛnedolɛma; bɛdabɛ mɔɔ bɛbɔ fulutu nee aweɛne ndendenle la amuala, bɛnrɛde bɛ ne wɔ ɛkɛ ne bieko. Bɛnrɛnwu dwinvolɛ biala wɔ ɛkɛ ne bieko; abɛlɛ melahyinli mgbole ne mɔ amuala bagyinla!

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”

Yekile 8:7

Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.