Yekile 13:7 - BAEBOLO ANZƐƐ BULUKU NWUANZANWUANZA

⁷ Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 13:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Ayezaya Buluku ne 10:15

Ɛdɛnkɛma ɛlɛbiza kɛ, “Asoo akuma baha kɛ ɔ nwo yɛ se tɛla ahenle mɔɔ ɛlɛfa ye abu baka la? Asoo sɛlada bamemaa ɔ nwo zo ahile ahenle mɔɔ ɛlɛfa ye apɛ baka la? Asoo baka anzɛɛ kpɔma kola sonla zo maa? Sonla a maa baka anzɛɛ kpɔma zo a.”

Ayezaya Buluku ne 37:26

“Asoo ɛtɛtele kɛ mengyehyɛle ɛhye mendole ɛkɛ ne dɛba, yɛɛ memaa yeyɛ zɔhane a? Memanle wɔ anwosesebɛ kɛ ɛva ɛbutubutu azuamgbole mɔɔ bɛbɔ nwolɛ bane la anye aze ɛyɛ bɛ azuadu.

Gyɛlɛmaya Buluku ne 25:9

bɛnlea, meto me sa meavɛlɛ sɔlɔ mbusua ekpunli ne mɔ amuala nee me sonvolɛ Babelonia Belemgbunli Nɛbukadenɛza, meamaa bɛ nee azɛlɛ ɛhye azo amra nee maanle maanle mɔɔ zuozua ye la amuala anu amra araho. Mebazɛkye maanle ɛhye nee maanle maanle mɔɔ zuozua ye la bɔkɔɔ mɔɔ awie dwu nu a ɔbɔ mgbatike, na meagua bɛ nyunlu aze mɔɔ ɛnlɛ awieleɛ a.

Daneɛle Buluku ne 12:1

Nyamenle soanvolɛ ne mɔɔ wula Lenen tɛladeɛ ne la hanle kɛ, “Mekɛ zɔhane Nyamenle soanvolɛ Maekeɛle mɔɔ nea wɔ menli ne mɔ anwo zo la badwazo. Mekɛ zɔhane amaneɛnwunlɛ mɔɔ bie ɛtɛsile ɛlɛ la basisi, noko bɛbalie wɔ menli ne mɔ anu biala mɔɔ bɛkɛnwu kɛ bɛhɛlɛ ye duma wɔ Nyamenle buluku ne anu la ngoane.

Daneɛle Buluku ne 7:21

“Mekanwu ye la ɛnee nane mɛne ɛhye nee Anwuma Anwumanli ne menli ne ɛho na yeli bɛ nwo zo konim.

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Edwɛkpa ne kɛmɔ Luku hɛlɛle la 4:6

na ɔzele ye kɛ, “Mebava tumi ɛhye nee anwonyia ɛhye mɔ amuala meamaa wɔ. Bɛva bɛ muala bɛwula me sa nu, na mekola mefa memaa awie biala mɔɔ mekulo la.

Dw 19:11

Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Yekile 10:11

Na bɛzele me kɛ, “Ɔwɔ kɛ ɛkɔbɔ Nyamenle Edwɛkɛ ne mɔɔ fane maanle maanle, aneɛ aneɛ, menli ngakyile, nee arelemgbunli nwo la nolo bieko.”

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 11:7

Saa bɛwie nrɛlaleɛ ne ka a, nane ne mɔɔ vi azɛlɛ kuma ne mɔɔ ɛnlɛ ɔ bo la anu la bavinde na ɔ nee bɛ araho. Ɔbali bɛ nwo zo konim na yeahu bɛ,

Yekile 12:17

Nane anwo ɛzulolɛ ne vale raalɛ ne anwo ɛya kpole na ɔhɔle kɛ ɔkadoa ɔ mra mɔɔ ɛha, mɔɔ di Nyamenle mɛla ne azo na bɛdie nɔhalɛ ne mɔɔ Gyisɛse ɛye ɛhile la bɛdi la ɔ nee bɛ ahɔho.

Yekile 17:15

Nyamenle soanvolɛ ne eza zele me kɛ, “Azule ne mɔ mɔɔ ɛnwunle kɛ tuutuunli ne de ɔ nloa la le maanle maanle, menli, aneɛ ngakyile, yɛɛ mbusua kɔsɔɔti.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.