Yekile 13:6 - BAEBOLO ANZƐƐ BULUKU NWUANZANWUANZA

⁶ Ɔdendɛle ɛtane ɔtiale Nyamenle, ɔbɔle ye duma ɛtane, na ɔhanle munzule edwɛkɛ ɔtiale ɛleka mɔɔ ɔde, nee bɛdabɛ mɔɔ bɛwɔ anwuma lɔ la amuala.

Yekile 13:6 ပူးပေါင်းရင်းမြစ်များ

Dwobu Buluku ne 3:1

Nzinlii Dwobu bukele ɔ nloa na ɔwale kenle ko ne mɔɔ bɛwole ye la amonle.

Edwɛndolɛ Buluku ne 73:9

Bɛtendɛ bɛtia anwuma, bɛka mgbole wɔ azɛlɛ ye azo ɛleka biala.

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 7:8

Mɔɔ melɛnea mɛne ne mɔ kpalɛ la, menwunle kɛ mɛne ekyi bie ɛlɛfinde alumua mɛne ɛdeɛ ne mɔ avinli. Ɔdudule alumua mɛne ne mɔ nsa ɔguale. Na nea, mɛne ɛhye lɛ ɛnyelɛ nee ɛnloanlɛ kɛ sonla la na ɔlɛka mgbole.

Edwɛkpa ne kɛmɔ Mateyu hɛlɛle la 12:34

Bɛmɛ ɛkyelebenle mralɛ! Bɛnle kpalɛ la ati bɛngola bɛnga edwɛkɛ kpalɛ. Ɔluakɛ mɔɔ ɛyi ɛbulu zo wɔ bɛ ahonle ne mɔ anu la a finde bɛ nloa a.

Edwɛkpa ne kɛmɔ Mateyu hɛlɛle la 15:19

Ɔluakɛ ahonle nu yɛɛ adwenle ɛtane mɔɔ le kɛ sonla ɛhunlɛ, awuvolɛvalɛ, adwɔmanebɔlɛ, awule ɛyɛlɛ, daselɛ adalɛ ɛlilɛ, yɛɛ nwondomgbɔ ɛpɛlɛ vi ba a.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Wulo 3:13

Bɛ nloa deda nwolɛ kɛ sɛka mɔɔ ɛbubu, adalɛ yɛɛ vi bɛ nloa anu finde a. Bɛ nloa edwɛkɛ yɛ nla tɛla ɛwɔlɛ gye.

Kɔlɔ 1:19

Ɔluakɛ Nyamenle ɔdaye ɔhulole yɛɛ ɔvale ye su ne amuala ɔwulale Ralɛ ne nu a.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,

Kɛlata mɔɔ bɛhɛlɛle bɛhɔmanle Hibuluma la 9:2

Bɛzile ndanlɛ sua ko, ye findezo mgbɛnu ne bɛfɛlɛ ye Ɛleka Nwuanzanwuanza. Ɛkɛ a kɛnlaneɛ baka ne, ɛkponle ne nee kpanwo ne mɔɔ bɛfa bɛbɔ azu bɛmaa Nyamenle la wɔ a.

Kɛlata mɔɔ bɛhɛlɛle bɛhɔmanle Hibuluma la 9:24

Ɔluakɛ Kelaese angɔ Ɛzonlenlɛ Sua mɔɔ menli a ɛzi na ɔle anwuma lɔ ɛdeɛ ne sɔhovolɛ la anu. Yehɔ anwuma lɔ, na ɛkɛ ne yɛɛ ɔfinde Nyamenle anyunlu dahuu ɔkpa yɛ ti kyɛlɛ a.

Yekile 11:12

Nyamenle kpɔmanvolɛma nwiɔ ne dele kɛ ɛnelɛ kpole bie vi anwuma, ɔse, “Bɛrɛla anwuma ɛke!” Na mɔɔ bɛ kpɔvolɛma ne mɔ anye gyi bɛ nwo ala la, amungu ravale bɛ hɔle anwuma.

Yekile 12:12

Zɔhane ati bɛmɛ anwumaneamra, nee bɛdabɛ mɔɔ bɛwɔ zolɛ la amuala, bɛli fɛlɛko! Na bɛmɛ azɛlɛ nee nyevile, bɛ gyakɔ! Ɔluakɛ Abɔnsam ɛdwu ɛra bɛ nwo lɔ, na ɛya kpole wɔ ye nuhua, ɔboalekɛ ɔze kɛ ye mekɛ ɛha ekyi bie ala.”

Yekile 15:5

Ɛhye anzi memanle me nye zo na menwunle kɛ bɛbuke Ɛzonlenlɛ Sua ne mɔɔ wɔ anwuma lɔ la, na Nyamenle daselɛlilɛ Ndanlɛ Sua ne wɔ nu.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.

Yekile 4:1

Ɛhye anzi, mendole me nye, na menwunle kɛ bɛbuke anlenkɛ bie wɔ anwuma lɔ. Na ɛnelɛ ne mɔɔ dielie kɛ aweɛne tendenle, mɔɔ lumuale dendɛle hilele me la zele me kɛ, “Fo bɛla anwuma ɛke maa mengile wɔ mɔɔ bazi ɛhye anzi la.”

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 5:13

Na mendele kɛ abɔdeɛ biala mɔɔ wɔ anwuma nee aze, ɛbolɔ nee nyevile nu nee debie biala mɔɔ lɛ ngoane mɔɔ wɔ aleɛabo la amuala se, “Ayɛlɛyelɛ, enililɛ, anyunlunyia nee tumi ɛyɛ mɔɔ de belemgbunli ebia kpole ne azo la nee Boaneralɛ ne ɛdeɛ wɔ melɛ mɔɔ ɛnlɛ awieleɛ!”

Yekile 7:15

Ɛhye ati yɛɛ bɛgyigyi Nyamenle belemgbunli ebia kpole ne anwo na bɛsonle ye alehyenlɛ nee aledwolɛ wɔ ɔdaye ye Ɛzonlenlɛ Sua ne anu a. Mɔɔ de belemgbunli ebia kpole ne azo la banlea bɛ nwo zo.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.