“Me nye gyi ɛhye anwo la, mendele mgbole mɔɔ mɛne ne ɛlɛkeha la. Mekanlea la, menwunle kɛ bɛhu nane ne bɛzɛkye ye, na bɛvuandi ye bɛdo senle nu kɛ bɛyela ye.
Eza mekulo kɛ mete mɛne bulu ne mɔɔ gyigyi ɔ ti zo, mɛne ne mɔ mɔɔ nsa dudule guale aze, mɛne ekyi ne mɔɔ vile na ɔlɛ ɛnyelɛ nee ɛnloanlɛ kɛ sonla, na ɔhanle mgbole la anwo edwɛkɛ. Duzu ati a yemɔ ɔlɛ tumi ɔtɛla ɛhendeɛ ne mɔ a?
Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.
Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.
kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.
Na bɛmanle raalɛ ne kɔleɛ ndɛbalɛ mgbole nwiɔ, amaa yeahola tu ɔvi ɛwɔlɛ ne anwo ɛkɛ yeahɔ ɛsɛlɛ zo lɔ, ɛleka mɔɔ bɛbanlea ye gyɛlɛɛnye ɛvolɛ nsa nee foa la, amaa nane ne angola ɔ nwo zo kɔ bieko.
Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).