Yekile 13:4 - BAEBOLO ANZƐƐ BULUKU NWUANZANWUANZA

⁴ Menli zonlenle nane anwo ɛzulolɛ ne mɔɔ le kɛ ɛlɛnrɛne la, ɔluakɛ yemɔ a yeva tumi yemaa nane ɛhendeɛ ne a. Bɛzonlenle nane ne ɔdaye, na bɛhanle kɛ, “Nwane a nee nane ye sɛ a? Nwane a kɛhola kɛgyinla ɔ nyunlu a?”

Yekile 13:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:11

“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?

Ayezaya Buluku ne 46:5

“Nwane a bɛkɛva ye bɛkɛdo me nwo, mɔɔ le kɛ medame na ɔ nee me sɛ a?

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Mɛla 9:2

Menli mɔɔ wɔ maanle ne anu la le Anakema, kɛmɔ bɛdabɛ bɛze la, bɛle menli kakanyinli, yɛɛ menli ka bɛ nwo edwɛkɛ kɛ awie biala ɛngola bɛ.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

Yekile 12:3

Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 13:11

Akee menwunle kɛ nane ko noko vi azɛlɛ bo ɛlɛfinde ara. Ɔlɛ mɛne nwiɔ kɛ boane ɛdeɛ ne la, noko ɔtendɛ a ɔ ne le kɛ nane anwo ɛzulolɛ ne mɔɔ le kɛ ɛlɛnrɛne la.

Yekile 13:15

Bɛmanle adenle bɛmanle nane ɛhye mɔɔ tɔ zolɛ nwiɔ la liele ɛnwomenle guale alumua nane ne ananze ne azo, amaa ananze ne adendɛ. Eza bɛmanle ye adenle bɛmanle ɔhunle bɛdabɛ mɔɔ bɛanzonle alumua nane ne ananze ne la amuala.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 18:18

na mɔɔ bɛnwunle kɛ sua ne ɛlɛsi azɔ la, bɛhanle kɛ, “Suakpole biala ɛnle ɛkɛ mɔɔ nee suakpole ɛhye sɛ a.”

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.

1 Sam 17:24

Mɔɔ Yizilayɛma ne nwunle Golayate la, bɛ ahonle dule na bɛnwenwenle.