Yekile 13:3 - BAEBOLO ANZƐƐ BULUKU NWUANZANWUANZA

³ Nane ne ati ne mɔ ko zɔho debie mɔɔ bɛbɔle ye hanlɛ kpole bie na hanlɛ ne ɛhɔ la. Ɔ nwo yɛle ewiade amra amuala ɛzulolɛ na bɛdule bɛdoale ye.

Yekile 13:3 ပူးပေါင်းရင်းမြစ်များ

Yizikeɛle Buluku ne 30:24

Mebamaa Babelonia belemgbunli ne asa anu ayɛ se na meava me konle dadeɛ ne meawula ɔ sa nu. Mebakpanekpane Yigyibiti belemgbunli ne asa, na yeakponle Babelonia belemgbunli ne anyunlu ɛkɛ ne kɛ sonla mɔɔ ɛboda kpole bie la.

Edwɛkpa ne kɛmɔ Luku hɛlɛle la 2:1

Mekɛ ne anu Wulomu Maanle Maanle Kpanyinli ne mɔɔ bɛfɛlɛ ye Ɔgɛsetɛse la lile mɛla kɛ bɛdia menli mɔɔ wɔ Wulomu maanle maanle ne mɔ anu la kɔsɔɔti.

Dw 12:19

Na Falasiima ne hanle hilele bɛ nwo kɛ, “Bɛnwu kɛ yɛangola ɛhwee yɛ ɛ! Nea kɛ ewiade amuala ɛdu doa ye ɛ!”

Ɛzoanvolɛma Gyima ne 8:13

Saemɔn ɔdaye ɔliele ɔlile na bɛzɔnenle ye. Nzinlii ɔvale ɔ nwo ɔbɔnenle Felepe, na ɔ nee ye luale. Mɔɔ ɔnwunle sɛkɛlɛneɛ nee nwanwane ninyɛne mɔɔ Felepe yɛle la, ɔyɛle ye azibɛnwo kpole.

Yekile 13:12

Tumi kpole ne mɔɔ alumua nane ne lɛ la yɛɛ ɔfa ɔyɛ gyima a. Na ɔmanle bɛdabɛ mɔɔ bɛde azɛlɛ ye azo la amuala zonlenle alumua nane ne mɔɔ bɛbɔle ye hanlɛ na hanlɛ ne ɛhɔ la.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 17:10

nuhua nnu ɛbɔ aze, ko tɛdi ye belemgbunli ne, yɛɛ ko ne mɔɔ ɛha la bɔ zo mɔɔ bara a. Saa ɔba a, ɔnrɛli agyinla biala.

Yekile 17:11

Na nane ne mɔɔ mekɛ bie ɛnee de aze, na kɛkala yewu la a le belemgbunli ne mɔɔ tɔ zolɛ mɔtwɛ la; na ɔdaye noko ɔbara yeamaa bɛazɛkye ye kɛ arelemgbunli nsuu ne mɔ la.

Yekile 17:13

Bɛdabɛ bulu ne bɛ muala bɛlɛ adwenle ko, yɛɛ bɛfa bɛ tumi ne nee bɛ belemgbunlililɛ ne bɛmaa nane ne.

Yekile 17:17

Ɔluakɛ Nyamenle ɛva ye gyimayɛlɛ nwo adwenle ɛwula bɛ ahonle nu, amaa bɛabɔ nu bɛayɛ ko, wɔ bɛ nyɛleɛ nu na bɛava bɛ tumi ne bɛamaa nane ne ali belemgbunli ahɔkpula mekɛ mɔɔ Nyamenle Edwɛkɛ ne kɛyɛ zɔhane la.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.