Yekile 13:2 - BAEBOLO ANZƐƐ BULUKU NWUANZANWUANZA

² Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:2 ပူးပေါင်းရင်းမြစ်များ

2 Arl 2:24

Yilaehya hakyile ɔ nwo nleanle bɛ na ɔvale Ɛdɛnkɛma ɔwale bɛ amonle; na ɛkɛ ne ala bɛdi mbelɛ nwiɔ vi kpɔkɛ ne anu vindele ratetele bɛ nuhua abulanla nee nwiɔ anu.

Edwɛndolɛ Buluku ne 22:21

Die me fi awenade ne anloa anu, die me fi nlankɛ nyinli ahohonyinli sa nu.

Mrɛlɛbulɛ Buluku ne 17:12

Ɔle kpalɛ kɛ sonla nee bedi belɛ mɔɔ bɛwua ɔ mra la kɛyia tɛla kɛ ɔkɛyia koasea mɔɔ ɛlɛyɛ ngoaseade la.

Mrɛlɛbulɛ Buluku ne 28:15

Maanlebuvolɛ mɔɔ le amumuyɛ na ɔsie ehyianvolɛma la le kɛ awenade mɔɔ ɛlɛkpo anzɛɛ bedi mɔɔ ɛnwu nane na ɔlɛkye ye la.

Ayezaya Buluku ne 5:29

Bɛ ne alɛra le kɛ awenade mɔɔ ɛlɛtea la, na bɛtea kɛ awenade ngakula la. Bɛkulu bɛ bo na bɛtɔ mɔɔ bɛkye ye la anwo zo, bɛkye ye na bɛtwe ye bɛkɔ, yɛɛ awie ɛngola ɛnlie ye.

Gyɛlɛmaya Buluku ne 13:23

Asoo sonla bile kola kakyi ye bile ne, anzɛɛ sobolɛ mɔɔ ɛtane ala a bɛdi la, bɛdabɛ noko bɛkola bɛdi boɛ.

Gyɛlɛmaya Buluku ne 5:6

Yemɔti awenade vi kpɔkɛ nu barahu bɛ, bedi vi ɛsɛlɛ zo barazɛkye bɛ. Sobolɛ ɛhɔ bɛ azuamgbole ne mɔ anwo nzia, awie biala mɔɔ vi biala azo kɛvinde la bɛbatete ye nzokanzoka, ɔboalekɛ bɛ ɛtane ne mɔ zonle somaa, yɛɛ bɛkpo Nyamenle bɛhyɛ.

Hozia Buluku ne 11:10

“Saa metea me menli ne kpɔvolɛma ne mɔ nu kɛ awenade a, me menli ne akee badoa me bo zo. Saa metea nu a bɛbava anwowozolɛ bɛvi adɔleɛ bɛara.

Emɔzo Buluku ne 3:12

Ɛdɛnkɛma se, “Kɛmɔ awenade kye boane na mboaneneavolɛ ne kɔ ye ɛlielɛ a debie mɔɔ ɔnwu ye ala la a le ye ndwɛlɛ nwiɔ anzɛɛ ɔ nzo ko la, zɔhane ala yɛɛ Yizilayɛma mɔɔ de Samɛlea la ɛlielɛ bayɛ a; bɛbanwu ebia mɔɔ bɛda nu la ebule na bɛanwu ɛkpa sinli.

Emɔzo Buluku ne 5:19

Ɔbayɛ kɛ sonla mɔɔ ɛnriandi awenade na yehɔyia bedi la! Anzɛɛ sonla mɔɔ ɛhɔ ye sua nu, ɔhisa bane ne na yeva ɔ sa yedo bane ne azo na ɛwɔlɛ ɛha ye la!

Habakɛke Buluku ne 1:8

“Bɛ mgbɔnwɔ nwo yɛ ndɛ tɛla boboduma, bɛ nwo yɛ ɛzulolɛ tɛla nɔsolɛ nu bedi; bɛ menli mɔɔ ka mgbɔnwɔ la ɛnzulo ɛhwee yɛɛ bɛ nyunlu ala a bɛkɔ a. Bɛvi moa moa a bɛbara a, yɛɛ bɛtu hyee kɛ kɔleɛ mɔɔ ɛlɛkye nane la.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 12:13

Mɔɔ nane anwo ɛzulolɛ ne nwunle kɛ bɛvuandi ye bɛde azɛlɛ ye azo la, ɔbɔle ɔ bo kɛ ɔkpondɛ raalɛ ne mɔɔ wole ralɛ nrenya ne la yeahu ye.

Yekile 12:15

Nane ne kpule nzule kɛ azule la kɛ ɔmaa yeava raalɛ ne.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:12

Tumi kpole ne mɔɔ alumua nane ne lɛ la yɛɛ ɔfa ɔyɛ gyima a. Na ɔmanle bɛdabɛ mɔɔ bɛde azɛlɛ ye azo la amuala zonlenle alumua nane ne mɔɔ bɛbɔle ye hanlɛ na hanlɛ ne ɛhɔ la.

Yekile 13:4

Menli zonlenle nane anwo ɛzulolɛ ne mɔɔ le kɛ ɛlɛnrɛne la, ɔluakɛ yemɔ a yeva tumi yemaa nane ɛhendeɛ ne a. Bɛzonlenle nane ne ɔdaye, na bɛhanle kɛ, “Nwane a nee nane ye sɛ a? Nwane a kɛhola kɛgyinla ɔ nyunlu a?”

Yekile 16:10

Nyamenle soanvolɛ ne mɔɔ tɔ zolɛ nnu la wolale ye dwora ne anu ɛya ne guale nane ne belemgbunli ebia ne azo. Awozinli rahedale nane ne belemgbunlililɛ zo, na menli vale abodelɛ kposale bɛ tafinlima.

Yekile 17:12

“Mɛne bulu ne mɔɔ ɛnwunle bɛ la le arelemgbunli bulu mɔɔ ɛtɛbɔle bɛ belemgbunlililɛ bo a; bɛbamaa bɛ adenle bɛamaa bɛ nee nane ne ali belemgbunli dɔnehwele ko ala.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 20:2

Ɔhyele nane anwo ɛzulolɛ ne mɔɔ le kɛ ɛlɛnrɛne la, ɛwɔlɛ dɛba ne, mɔɔ bɛfɛlɛ ye Abɔnsam anzɛɛ Seetan la, na ɔguale ye anga mɔɔ kyesɛ ɛvolɛ apenle ko pɛ nu kolaa na bɛazianyi ye la.