Yekile 13:16 - BAEBOLO ANZƐƐ BULUKU NWUANZANWUANZA

¹⁶ Nane ne manle menli kɔsɔɔti, ngakula nee mgbanyinli, sukoavolɛma nee ehyianvolɛma, ahanra nee alehelɛ, nyianle nzonlɛ wɔ bɛ sa fema ne anwo anzɛɛ bɛ nwoma azo.

Yekile 13:16 ပူးပေါင်းရင်းမြစ်များ

2 Edk 15:13

Bɛkyekyele ɔ bo kɛ awie biala mɔɔ anzonle Yizilayɛ Ɛdɛnkɛma Nyamenle ne la, saa ɔle kakula o, kpanyinli o, raalɛ o, nrenya o, ɔwɔ kɛ bɛku ye.

Dwobu Buluku ne 34:19

Ɔnnea mgbanyima nyunlu ɔnli mɔguazo, yɛɛ ɔmbu sukoavolɛma ɔndɛla ehyianvolɛma, ɔluakɛ bɛ kɔsɔɔti bɛle ɔ sa anloa gyima.

Edwɛndolɛ Buluku ne 115:13

ɔbayila bɛdabɛ mɔɔ bɛsulo Ɛdɛnkɛma la, mgbolema nee koahweabanema amuala.

Edwɛndolɛ Buluku ne 49:2

bɛmɛ awienvolɛma nee mgbolema, sukoavolɛma nee ehyianvolɛma, bɛdie!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Zɛkalaya Buluku ne 13:6

Na saa awie biza ye kɛ, ‘Na nganlɛ ɛhye mɔ mɔɔ wɔ ɛ nzi la noko ɛ?’ a, ɔbaha kɛ, ‘Bɛle nganlɛ mɔɔ me gɔnwo mɔ mɔɔ mengɔle bɛ sua nu la bɔle me a.’ ”

Ɛzoanvolɛma Gyima ne 26:22

Noko Nyamenle moalɛ ti, ɛnɛ megyi ɛke metɛdi daselɛ metɛkile bɛ mgbanyinli nee bɛ ngakula muala. Mɔɔ Mosisi nee Nyamenle kpɔmanvolɛma hanle dole ɛkɛ ne kɛ ɔbazi la, yemɔ ala a le mɔɔ melɛka la.

1 Kɔl 12:13

Zɔhane ala yɛɛ bɛlua Nyamenle Sunsum ne azo bɛzɔne yɛ muala, bɛyɛ yɛ sonlabaka ko, na bɛmaa yɛ muala, Dwuuma nee bɛdabɛ mɔɔ bɛnle Dwuuma, ahanra nee alehelɛ, Nyamenle Sunsum ko ne ala a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:17

Ɔvi ɛnɛ mɔɔ kɔ la awie biala mmagyegye me bieko, ɔboalekɛ ahapenle mɔɔ wɔ me nwo la kile kɛ mele Kelaese Gyisɛse akɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:8

Bɛhakye kɛ gyima kpalɛ mɔɔ awie biala kɛyɛ la, saa akɛlɛ o, saa dehelɛ o, Awulae bamaa ye nwolɛ ahatualɛ.

Mɛla 11:18

“Yemɔti bɛva me edwɛkɛ ɛhye mɔ bɛzie bɛ ti anu kpalɛ na bɛhɛlɛ bɛ debie zo bɛkyekye bɛ sa, bɛva bie bɛhendɛhenda bɛ ndo avinli.

Mɛla 6:8

Bɛhɛlɛ ye debie zo bɛbobɔ bɛ sa, bɛva bɛhendɛhenda bɛ ndo avinli,

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 19:18

Bɛrɛla bɛrali arelemgbunli nwonane, safohyenlema, nee ɛlɔnema nwonane, mgbɔnwɔ nane nee menli mɔɔ dede zo la nwonane, menli ngakyile kɔsɔɔti, ahanra nee alehelɛ, mgbole nee ngyikyi muala nwonane!”

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 19:5

Ɛnelɛ bie vi belemgbunli ebia kpole ne anwo hanle kɛ, “Bɛmaa menli muala, mgbole nee ngyikyi, nee sonvolɛma mɔɔ sonle yɛ Nyamenle ne la ɛye yɛ Nyamenle ne ayɛlɛ!”

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

Yekile 6:15

Ewiade arelemgbunli, mgbanyima, sogya mgbanyinli, sukoavolɛma nee tumivolɛma amuala nee menli kɔsɔɔti, ahanra nee alehelɛ, nriandile veɛveale awolɛ mbɔne nu nee awolɛ mɔɔ wɔ awoka ne mɔ azo la abo.

Yekile 7:3

na ɔzele bɛ kɛ, “Bɛmmafa bɛ sa bɛka azɛlɛ ye, nyevile, anzɛɛ mbaka biala bɛsɛkye bɛ, kɔkpula kɛ yɛkɛwie yɛ Nyamenle ne sonvolɛma ne mɔ amuala nzonlɛ yɛ wɔ bɛ nwoma zo la.”