Yekile 13:12 - BAEBOLO ANZƐƐ BULUKU NWUANZANWUANZA

¹² Tumi kpole ne mɔɔ alumua nane ne lɛ la yɛɛ ɔfa ɔyɛ gyima a. Na ɔmanle bɛdabɛ mɔɔ bɛde azɛlɛ ye azo la amuala zonlenle alumua nane ne mɔɔ bɛbɔle ye hanlɛ na hanlɛ ne ɛhɔ la.

Yekile 13:12 ပူးပေါင်းရင်းမြစ်များ

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 14:11

Senle ne mɔɔ yelɛyela bɛ la anu esike ne kɔ anwuma anwuma dahuu mɔɔ ɔ bo ɛmpɛ ɛlɛ a. Bɛdabɛ mɔɔ bɛsonle nane ne nee ye ananze ne, na bɛlɛ ye duma ne sɛkɛlɛneɛ ne bɛ nwo la anwo ɛnrɛdɔ bɛ ɛlɛ alehyenlɛ nee aledwolɛ muala.”

Yekile 14:9

Nyamenle soanvolɛ ne mɔɔ tɔ zolɛ nsa la ɔdaye ɔdoa alumua ɛdeɛ nwiɔ ne, na ɔlɛka ye kpole kpalɛ kɛ, “Mɔɔ kɛzonle nane ne nee ye ananze ne, na ɔkɛva ye sɛkɛlɛneɛ ne bie ɔkɛyɛ ɔ nwoma azo anzɛɛ ɔ sa anwo la

Yekile 16:2

Nyamenle soanvolɛ ne mɔɔ lumua la hɔle na ɔhɔwolale ye dwora ɛdeɛ ne anu ɛya ne ɔguale azɛlɛ ne azo. Na nganlɛ mgbole mɔɔ fofo na ɔbɔ la vindele bɛdabɛ mɔɔ bɛlɛ nane ne sɛkɛlɛneɛ ne wɔ bɛ nwo nee bɛdabɛ mɔɔ bɛzonlenle ye ananze ne la anwo.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.