Yekile 13:10 - BAEBOLO ANZƐƐ BULUKU NWUANZANWUANZA

¹⁰ Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 13:10 ပူးပေါင်းရင်းမြစ်များ

Ayezaya Buluku ne 14:2

Maanle maanle mɔɔ bɛwɔ nu la anu amra baboa Yizilayɛma bɛamaa bɛazia bɛara. Na Yizilayɛma bava nyɛvolɛ ne mɔ ayɛ bɛ ahanra mraalɛ nee mrenya wɔ Ɛdɛnkɛma azɛlɛ ne azo. Bɛbahye menli mɔɔ hyele bɛ hɔle nlɔnu la nuokɛ na bɛazie menli ne mɔɔ sisile bɛ la.

Ayezaya Buluku ne 26:21

Ɔluakɛ bɛnlea, Ɛdɛnkɛma vi ɛleka mɔɔ ɔwɔ la ɔlɛba yearadea azɛlɛ ye azo amra wɔ bɛ ɛtane ne ati. Azɛlɛ ye baye mogya mɔɔ bɛha bɛgua ɔ nwo zo la amaa, yɛɛ ɔnrɛheda bɛdabɛ mɔɔ bɛhu bɛ la anwo zo bieko.

Ayezaya Buluku ne 33:1

Munzule ɛha bɛ, bɛmɛ sɛkyevolɛma mɔɔ bɛtɛsɛkyele bɛmɛ a; bɛmɛ ngunzima, mɔɔ bɛtɛyɛle bɛmɛ bɛ nwo ngunzi a! Saa bɛwie bɛ ɛzɛkyelɛ ɛbɛla ne mɔ bɔ a, bɛbazɛkye bɛdabɛ noko; yɛɛ saa bɛwie bɛ ngunzi nyɛleɛ ne mɔ yɛ a, bɛ nee bɛ bali ye ngunzi nu.

Gyɛlɛmaya Buluku ne 15:2

Saa bɛbiza wɔ kɛ nienwu ɛleka a bɛhɔ a, bua bɛ kɛ medame Ɛdɛnkɛma, mese: Bɛ nuhua mɔɔ fɛta anwonyane la bawu anwonyane nu, bɛ nuhua mɔɔ ɔwɔ kɛ tɔ dadeɛ nloa la badɔ dadeɛ nloa; bɛ nuhua mɔɔ ɔwɔ kɛ wu ɛhɔne nu la bawu ɛhɔne nu, yɛɛ bɛ nuhua mɔɔ fɛta nuokɛhyelɛ la, bɛbahye ye nuokɛ bɛahɔ.

Gyɛlɛmaya Buluku ne 43:11

Ɔbaradua Yigyibitima kakɛ. Bɛdabɛ mɔɔ bɛfɛta ewulenzane la, bɛbawu ewulenzane nu; bɛdabɛ mɔɔ ɔwɔ kɛ bɛkye bɛ nuokɛ la, bɛbahye bɛ nuokɛ, yɛɛ bɛdabɛ mɔɔ ɔwɔ kɛ bɛwu dadeɛ nloa la, bɛbawu dadeɛ nloa.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Habakɛke Buluku ne 2:3

Ɔluakɛ mekɛ ɛtɛdwule mɔɔ ɛnyelɛzodeɛnwunlɛ ne yɛ zɔhane a, noko mekɛ ne ɛlɛbikye, ɔnrɛyɛ adalɛ edwɛkɛ. Saa ɔkyɛ a kendɛ, ɔluakɛ nɔhalɛ nu, ɔbara, ɔnrɛhyɛ fee.

Edwɛkpa ne kɛmɔ Mateyu hɛlɛle la 26:52

Gyisɛse zele ye kɛ, “Fa wɔ dadeɛ ne wula ye boa ne anu, ɔluakɛ bɛdabɛ mɔɔ bɛtwe dadeɛ la, bɛwu dadeɛ nloa.

Edwɛkpa ne kɛmɔ Mateyu hɛlɛle la 7:2

ɔboalekɛ ndɛne mɔɔ bɛkɛva bɛkɛbua awie mɔ la yɛɛ Nyamenle bava abua bɛdabɛ noko a, yɛɛ mɔɔ bɛkɛzuzu bɛkɛmaa awie la yɛɛ bɛbanyia ye a.

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.

Yekile 16:6

Bɛhanle Nyamenle menli ne nee kpɔmanvolɛma mogya bɛguale, na ɛdawɔ noko wɔmaa bɛ mogya kɛ bɛnlo. Mɔɔ bɛnyia ye la fɛta bɛ!”

Yekile 17:11

Na nane ne mɔɔ mekɛ bie ɛnee de aze, na kɛkala yewu la a le belemgbunli ne mɔɔ tɔ zolɛ mɔtwɛ la; na ɔdaye noko ɔbara yeamaa bɛazɛkye ye kɛ arelemgbunli nsuu ne mɔ la.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

Yekile 2:19

Meze wɔ gyima. Meze wɔ ɛhulolɛ mɔɔ ɛlɛ ye, wɔ nɔhalɛ mɔɔ ɛdi, wɔ ɛzonlenlɛ mɔɔ ɛsonle, nee wɔ abotane mɔɔ ɛlɛ la amuala. Meze kɛ kɛkala ɛlɛbɔ mɔdenle wɔadɛla alumua ne.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.

Yekile 3:10

Kɛmɔ wɔli me edwɛkɛ zo, wɔnyia abotane la, ngyegyelɛ kpole ne mɔɔ ɛlɛba ewiade arazɔ menli kɔsɔɔti mɔɔ wɔ azɛlɛ ye azo anlea la, mebaye wɔ meavi nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.