Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yekile 13:1 - BAEBOLO ANZƐƐ BULUKU NWUANZANWUANZA

1 Akee menwunle kɛ nane bie vi nyevile ne anu ɛlɛfo ara file zo. Ɔlɛ mɛne bulu yɛɛ ɔ ti le nsuu. Bɛbɔ ye mɛne ne mɔ ko biala abɔtile na bɛhɛlɛ duma ɛtane bie mɔɔ tia Nyamenle la bɛgua nwolɛ.

အခန်းကိုကြည့်ပါ။ ကော်ပီ




Yekile 13:1
21 ပူးပေါင်းရင်းမြစ်များ  

Duzu ati a bɛnzulo me ɛ? Duzu ati a bɛgyi me nyunlu a bɛ nwo ɛnwozo bɛ a? Menvale ɛnwea mengyale nyevile ɛweɛne mɔɔ ɔngola ye bɔ tɛla ɛlɛ la. Azɛlɛkye ne mɔ bu na bɛngola bɛndɛla ɛweɛne ne, bɛkulu mgbole na bɛngola bɛnli ɛweɛne ne bɔtɛla.


“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.


Na kɛmɔ ɛnwunle kɛ ananze ne agyakɛ babonle ne nee mrɛlɛsɛka ne mɔ foa ko le ɛva na foa ko le bulalɛ la, zɔhane ala yɛɛ maanle zɔhane bayɛ se noko eza nuhua bahyɛ nwiɔ a.


Saa bɛwie nrɛlaleɛ ne ka a, nane ne mɔɔ vi azɛlɛ kuma ne mɔɔ ɛnlɛ ɔ bo la anu la bavinde na ɔ nee bɛ araho. Ɔbali bɛ nwo zo konim na yeahu bɛ,


Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.


Akee menwunle kɛ nane ko noko vi azɛlɛ bo ɛlɛfinde ara. Ɔlɛ mɛne nwiɔ kɛ boane ɛdeɛ ne la, noko ɔtendɛ a ɔ ne le kɛ nane anwo ɛzulolɛ ne mɔɔ le kɛ ɛlɛnrɛne la.


Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.


Bɛmanle adenle bɛmanle nane ɛhye mɔɔ tɔ zolɛ nwiɔ la liele ɛnwomenle guale alumua nane ne ananze ne azo, amaa ananze ne adendɛ. Eza bɛmanle ye adenle bɛmanle ɔhunle bɛdabɛ mɔɔ bɛanzonle alumua nane ne ananze ne la amuala.


Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.


Na menwunle sunsum nsa bie mɔɔ anwo ɛnde na bɛle kɛ ahɛlɛne la kɛ bɛvi nane anwo ɛzulolɛ ne mɔɔ le kɛ ɛlɛnrɛne la anloa anu, nane ko ne noko anloa anu, yɛɛ kpɔmanvolɛ alane ne anloa anu bɛlɛfinde bɛara.


Mɛne bulu ne mɔɔ ɛnwunle bɛ la, nee nane ne bakpɔ tuutuunli ne; bɛbalie debie biala mɔɔ ɔlɛ la bɛamaa yealɛ ɔ nwo zɔ; bɛbali ye nwonane ne na bɛado ye senle nu bɛayela ye bɔkɔɔ.


Sunsum ne rawolole me, na Nyamenle soanvolɛ ne vale me hɔle ɛsɛlɛ bie azo. Ɛkɛ ne, menwunle raalɛ bie kɛ ɔde nane kɔkɔlɛ bie azo. Nane ne bɛhɛlɛhɛlɛ aluma ɛtane ɛtane mɔɔ tia Nyamenle la wɔ ɔ nwo. Nane ne ati le nsuu yɛɛ ye mɛne le bulu.


Bɛhɛlɛ duma bie mɔɔ ye ndelebɛbo vea la bɛgua ɔ nwoma azo. Yemɔ a le, “Babelɔn mɔɔ ɛlie duma, tuutuuma bɛ nli nee ewiade bɛkyi ninyɛndane.”


Na menwunle nane ne nee ewiade anu arelemgbunli kɔsɔɔti kɛ bɛ nee bɛ ɛlɔnema ɛboɔboa bɛ nloa kɛ bɛ nee mɔɔ de ɛkpɔnwɔ fufule ne azo la nee ye ɛlɔnema baho.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ