Yekile 12:9 - BAEBOLO ANZƐƐ BULUKU NWUANZANWUANZA

⁹ Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 12:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:1

Ɛwɔlɛ le mɛlɛbɛla tɛla ɛbɔ nu nane biala mɔɔ Ɛdɛnkɛma Nyamenle bɔle la. Ɔbizale raalɛ ne kɛ, “Yemɔti Nyamenle ɛze bɛ kɛ, ‘Bɛmmadi mbakama mɔɔ wɔ tola ye anu la biala bie’ ɔ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:13

Ɛdɛnkɛma Nyamenle bizale raalɛ ne kɛ, “Duzu debie a wɔyɛ la?” Raalɛ ne buale kɛ, “Ɛwɔlɛ ne bɛlɛbɛlale me, lile me adwenle yɛɛ menlile bie a.”

1 Edk 21:1

Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

2 Edk 18:21

Na ɔbuale kɛ, ‘Mekɔ na meamaa ye Nyamenle kpɔmanvolɛma ne mɔ amuala abɔ adalɛ.’ Na Ɛdɛnkɛma zele ye kɛ, ‘Kɔbɛlɛbɛla ye na ɛ sa baha ye; kɔ na kɔyɛ ye zɔhane.’

Edwɛndolɛ Buluku ne 109:6

Ye amumuyɛnli bie maa ɔho ɔtia me kpɔvolɛ ne, maa awie ɛdo ye ɛzonle ɛva ye ɛhɔ edwɛkɛlilɛ.

Ayezaya Buluku ne 14:12

“O Alehyenlɛ Ɛwɔlɔra, Aleɛbahye Ralɛ Nrenya, ɛvi anwuma wɔdɔ aze kpole o! Wɔmɔ mɔɔ anrɛɛ ɛka maanle maanle aze fɛɛnye la, nea aze ko mɔɔ bɛvuandi wɔ bɛdo a!

Ayezaya Buluku ne 27:1

Mekɛ ne anu Ɛdɛnkɛma bava ye dadeɛ ɛsesebɛ, kpole, nlane ne adua ɛwɔlɛ ne mɔɔ ɛlɛnriandi la, Lɛveatan mɔɔ wuluwulu kakyihakyi ɔ nwo la kakɛ. Ɔbahu Lɛveatan na yeahu nane anwo ɛzulolɛ ne mɔɔ le kɛ ɛlɛnrɛne mɔɔ la nyevile ne anu la.

Ayezaya Buluku ne 65:25

Bedi nee boane ralɛ babɔ nu adidi, awenade bali ndile kɛ ɛnlankɛ la, yɛɛ ɛwɔlɛ bali ndɛtɛlɛ. Bɛnrɛboda awie yɛɛ bɛnrɛzɛkye debie wɔ me boka nwuanzanwuanza ne azo, medame Ɛdɛnkɛma a mese a.”

Yizikeɛle Buluku ne 28:16

Wɔ gualilɛ ne yɛle kpole la ati, ɛbɔle kɔdiawu ɛbɛla na ɛyɛle ɛtane. Yemɔti ɛyɛle bɛkyi debie wɔ me sa nu, na menvuandinle wɔ wɔ Nyamenle boka nwuanzanwuanza ne azo mendele aze, na tease abɔdeɛ ne mɔɔ sinza wɔ la voanle wɔ vile awolɛ guaanye ne mɔ avinli.

Edwɛkpa ne kɛmɔ Mateyu hɛlɛle la 13:39

Kpɔvolɛ ne mɔɔ luale bɛ la a le Abɔnsam. Ɛbuhenle ne a le ewiade awieleɛ, yɛɛ menli mɔɔ bu bɛyɔba ne la a le Nyamenle soanvolɛma.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 4:1

Akee Sunsum ne vale Gyisɛse hɔle fienemgbole ne anu kɛ abɔnsam ɛzɔ ye ɛnlea.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Mateyu hɛlɛle la 4:5

Abɔnsam vale Gyisɛse hɔle suakpole nwuanzanwuanza Gyɛlusalɛm azo, ɔvale ye ɔziele Ɛzonlenlɛ Sua ne ati zo twɔɔnwo ne azo anwuma,

Edwɛkpa ne kɛmɔ Mateyu hɛlɛle la 4:8

Eza abɔnsam vale Gyisɛse hɔle boka tendenle bie azo na ɔvale aleɛabo arelemgbunli maanle maanle ne mɔ amuala nee bɛ anyunlunyia ɔhilele ye,

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

Edwɛkpa ne kɛmɔ Luku hɛlɛle la 13:16

Na raalɛ ɛhye mɔɔ le Ebileham abo zo sonla, na Seetan ɛva ewule ɛkyekye ye toonwo ɛvolɛ bulu nee mɔtwɛ la, yɛɛ ɔnle kɛ bɛsianyi ye wɔ Ɛnwomenlelielɛ Kenle a?”

Edwɛkpa ne kɛmɔ Luku hɛlɛle la 22:3

Seetan wolole Dwudase, mɔɔ eza bɛfɛlɛ ye Yesekaleɔto na ɔle ɛdoavolɛma bulu nee nwiɔ ne anu ko la.

Edwɛkpa ne kɛmɔ Luku hɛlɛle la 22:31

Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Edwɛkpa ne kɛmɔ Luku hɛlɛle la 8:12

Mɔɔ guale adenle nu la gyi ɛkɛ ne maa bɛdabɛ mɔɔ bɛtie edwɛkɛ ne, na Abɔnsam baye edwɛkɛ ne wɔ bɛ ahonle nu, amaa bɛanlie bɛanli na bɛanyia ngoane la.

Dw 12:31

Mekɛ ɛdwu mɔɔ akee ɔwɔ kɛ bɛbua ewiade ndɛne a; akee bɛbadu Seetan mɔɔ sie ɛtane ewiade ɛhye la bɛavi ɛkɛ.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 16:11

yɛɛ bɛvo wɔ Nyamenle ndɛnebualɛ ne anwo, ɔboalekɛ mɔɔ sie ɛtane ewiade ɛhye la bɛbua ye ndɛne dɛbadɛba.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

2 Kɔl 11:14

Na ɔnyɛ nwanwane. Seetan bɔbɔ kola kakyi ɔ nwo yɛ kɛ ɔle wienyi nu soanvolɛ.

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

2 Tɛs 2:3

Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.

1 Tem 2:14

yɛɛ tɛ Adam a ɛwɔlɛ ne bɛlɛbɛlale ye a. Raalɛ ne a ɛwɔlɛ ne bɛlɛbɛlale ye mɔɔ ɔdonle Nyamenle mɛla ne a.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

Kɛlata mɔɔ bɛhɛlɛle bɛhɔmanle Hibuluma la 2:14

Zɔhane ati kɛmɔ ngakula ne mɔ le nwonane nee mogya la, Gyisɛse ɔdaye ɔyɛle ɔ nwo kɛ bɛdabɛ la na ɔnyianle bɛ nwonane ne bie, amaa yealua ye ewule zo yeazɛkye Abɔnsam, mɔɔ ɛnee lɛ tumi wɔ ewule nwo zo la,

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”

Yekile 12:12

Zɔhane ati bɛmɛ anwumaneamra, nee bɛdabɛ mɔɔ bɛwɔ zolɛ la amuala, bɛli fɛlɛko! Na bɛmɛ azɛlɛ nee nyevile, bɛ gyakɔ! Ɔluakɛ Abɔnsam ɛdwu ɛra bɛ nwo lɔ, na ɛya kpole wɔ ye nuhua, ɔboalekɛ ɔze kɛ ye mekɛ ɛha ekyi bie ala.”

Yekile 12:3

Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 12:7

Akee konle zile anwuma lɔ. Nyamenle soanvolɛ kpanyinli Maekeɛle nee ɔ sa zo Nyamenle soanvolɛma nee nane anwo ɛzulolɛ ne nee ɔdaye ye soanvolɛma honle.

Yekile 12:8

Maekeɛle nee ɔ sa zo lile nane ne anwo zo konim. Yemɔti bɛdule nane ne nee ye soanvolɛma ne amuala bɛvile anwuma lɔ.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 16:14

Bɛle sunsum ɛtane mɔɔ kola yɛ nwanwane ninyɛne a. Na bɛluolua nu bɛkpɔsa arelemgbunli mɔɔ wɔ ewiade la amuala anwo zo na bɛboɔboa bɛ nloa kɛ bɛbaho Nyamenle Bedevinli ne Kenle kpole ne anu.

Yekile 18:2

Ɔvale ɛnelɛ kpole ɔhanle kɛ, “Yebɔ! Suakpole Babelɔn ɛbɔ bɔkɔɔ! Yeyɛ suadu, ɛnɛ sunsum ɛtane nee mbɔnsam a wɔ zolɛ a, yɛɛ nloma ɛtane anwo kpokpɔtɔɔ a wɔ zolɛ a.

Yekile 18:23

Bɛnrɛzɔ kɛnlaneɛ wɔ zolɛ bieko ɛlɛ, yɛɛ bɛnrɛde atɔfolɛ nee ɔ hu bɛ ne wɔ zolɛ. Wɔ gualilɛma a ɛnee le menli mgbole wɔ ewiade a, na ɔvale ngonyia ɔbɛlɛbɛlale menli mɔɔ wɔ ewiade la amuala.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 2:24

“Bɛdabɛ noko mɔɔ bɛha, mɔɔ bɛwɔ Tayataela, mɔɔ bɛanli ngilehilelɛ ɛtane zɛhae anzi, bɛanzukoa mɔɔ ɔyɛ a bie mɔ fɛlɛ ye ‘Seetan ngonyia’ la, bɛmɛ yɛɛ meka meahile bɛ kɛ, menrɛva ɛzonle kpole biala menrɛzoa bɛ.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.

Yekile 20:8

na ɔbahɔ yeahɔbɛlɛbɛla maanle maanle mɔɔ wɔ aleɛabo la amuala, meka Gɔgo nee Magɔgo, na ɔ nee bɛ ahɔ konle. Bɛ somaa bayɛ kɛ ɛnweazo anwea.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.

Yekile 9:1

Akee Nyamenle soanvolɛ ne mɔɔ tɔ zolɛ nnu la bɔle ye aweɛne tendenle ne anu. Na menwunle kɛ ɛwɔlɔra bie vi anwuma ɛdu ɛradɔ azɛlɛ ye azo, na bɛva azɛlɛ kuma ne mɔɔ ɛnlɛ ɔ bo la sanvɛ ne bɛwula ɔ sa nu.

Yekile 9:20

Aleɛabo amra mɔɔ hale, mɔɔ ewule ɛhye angu bɛ la, annu bɛ nwo, angyakyi bɛ ɛbɛla ɛtane ne mɔ mɔɔ bɛbɔ la. Bɛangyakyi awozonle ɛzonlenlɛ nee mmonle mɔɔ bɛva ezukoa nvutuke, dwɛtɛ fufule, ayera, bolɛ, nee baka a bɛyɛ, mɔɔ bɛnnwu debie, bɛnde edwɛkɛ na bɛadia la ɛzɔlɛ.