Yekile 12:7 - BAEBOLO ANZƐƐ BULUKU NWUANZANWUANZA

⁷ Akee konle zile anwuma lɔ. Nyamenle soanvolɛ kpanyinli Maekeɛle nee ɔ sa zo Nyamenle soanvolɛma nee nane anwo ɛzulolɛ ne nee ɔdaye ye soanvolɛma honle.

Yekile 12:7 ပူးပေါင်းရင်းမြစ်များ

Edwɛndolɛ Buluku ne 78:49

Ɔgyakyile ye ɛya ne anu ɔguale bɛ nwo zo, ɔvale ɛya, abodelɛ, yɛɛ nyane ɔ rale bɛ nwo zo kɛ anwuma soanvolɛma la ɔrazɛkyele bɛ.

Ayezaya Buluku ne 34:5

Ɛdɛnkɛma se ye dadeɛ ne ɛwie da wɔ anwumaneamra avinli, na nea, akee ɔlɛdwu yearadea Yidɔmma mɔɔ yeye bɛ yemaa kɛ bɛzɛkye bɛ la. Oba 1-14; Mal 1.2-5

Ayezaya Buluku ne 55:4

Bɛnlea, menyɛle ye maanle maanle ne mɔ dasevolɛ, maanle maanle ne mɔ safohyenlema kpanyinli mɔɔ li bɛ ti.

Daneɛle Buluku ne 10:13

Pɛhyea maanle ne awozinli nu soanvolɛ ne nee me dwudwule toonwo kenle abulanwiɔ nee ko. Nzinlii Nyamenle soanvolɛ mgbanyima ne mɔ ko mɔɔ bɛfɛlɛ ye Maekeɛle la raboale me, yemɔti mengyakyile ye ɛkɛ kɛ ɔ nee Pɛhyea maanle ne awozinli nu soanvolɛ ne ɛgyinla nwolɛ,

Daneɛle Buluku ne 12:1

Nyamenle soanvolɛ ne mɔɔ wula Lenen tɛladeɛ ne la hanle kɛ, “Mekɛ zɔhane Nyamenle soanvolɛ Maekeɛle mɔɔ nea wɔ menli ne mɔ anwo zo la badwazo. Mekɛ zɔhane amaneɛnwunlɛ mɔɔ bie ɛtɛsile ɛlɛ la basisi, noko bɛbalie wɔ menli ne mɔ anu biala mɔɔ bɛkɛnwu kɛ bɛhɛlɛ ye duma wɔ Nyamenle buluku ne anu la ngoane.

Edwɛkpa ne kɛmɔ Mateyu hɛlɛle la 13:41

Sonla Ra ne bamaa ye soanvolɛma araboɔboa bɛdabɛ mɔɔ bɛtwehwe menli bɛkɔ ɛtane nu nee bɛdabɛ mɔɔ bɛyɛ amumuyɛ la kɔsɔɔti anloa,

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 26:53

Ɛnze kɛ mekola mesɛlɛ Egya moalɛ, na ɛkɛ ne ala ɔmaa anwuma soanvolɛma mɔɔ bo ekpunli bulu nee nwiɔ la ba ɔ?

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

2 Tɛs 1:7

yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”

Yekile 12:8

Maekeɛle nee ɔ sa zo lile nane ne anwo zo konim. Yemɔti bɛdule nane ne nee ye soanvolɛma ne amuala bɛvile anwuma lɔ.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 20:2

Ɔhyele nane anwo ɛzulolɛ ne mɔɔ le kɛ ɛlɛnrɛne la, ɛwɔlɛ dɛba ne, mɔɔ bɛfɛlɛ ye Abɔnsam anzɛɛ Seetan la, na ɔguale ye anga mɔɔ kyesɛ ɛvolɛ apenle ko pɛ nu kolaa na bɛazianyi ye la.