Yekile 12:4 - BAEBOLO ANZƐƐ BULUKU NWUANZANWUANZA

⁴ Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 12:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:16

“Saa bɛlɛdie Hibulu raalɛ biala awolɛ na bɛnwu kɛ adɔma ne le nrenya a, bɛhu ye, na saa ɔle raalɛ a, bɛmmaku ye.”

Ayezaya Buluku ne 27:1

Mekɛ ne anu Ɛdɛnkɛma bava ye dadeɛ ɛsesebɛ, kpole, nlane ne adua ɛwɔlɛ ne mɔɔ ɛlɛnriandi la, Lɛveatan mɔɔ wuluwulu kakyihakyi ɔ nwo la kakɛ. Ɔbahu Lɛveatan na yeahu nane anwo ɛzulolɛ ne mɔɔ le kɛ ɛlɛnrɛne mɔɔ la nyevile ne anu la.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

1 Pit 5:8

Bɛyɛ bɛ nye gyɛlɛmgbɛɛnye na bɛzinza! Na bɛ kpɔvolɛ ne, mɔɔ le Abɔnsam, lua nu ɛlɛkpo kɛ awenade, ɔlɛkpondɛ awie yeahye ye yeali.

Yekile 12:7

Akee konle zile anwuma lɔ. Nyamenle soanvolɛ kpanyinli Maekeɛle nee ɔ sa zo Nyamenle soanvolɛma nee nane anwo ɛzulolɛ ne nee ɔdaye ye soanvolɛma honle.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:4

Menli zonlenle nane anwo ɛzulolɛ ne mɔɔ le kɛ ɛlɛnrɛne la, ɔluakɛ yemɔ a yeva tumi yemaa nane ɛhendeɛ ne a. Bɛzonlenle nane ne ɔdaye, na bɛhanle kɛ, “Nwane a nee nane ye sɛ a? Nwane a kɛhola kɛgyinla ɔ nyunlu a?”

Yekile 16:13

Na menwunle sunsum nsa bie mɔɔ anwo ɛnde na bɛle kɛ ahɛlɛne la kɛ bɛvi nane anwo ɛzulolɛ ne mɔɔ le kɛ ɛlɛnrɛne la anloa anu, nane ko ne noko anloa anu, yɛɛ kpɔmanvolɛ alane ne anloa anu bɛlɛfinde bɛara.

Yekile 17:18

“Raalɛ ne noko mɔɔ ɛnwunle ye la a le suakpole ne mɔɔ sie arelemgbunli mɔɔ wɔ azɛlɛ ye azo la amuala la.”

Yekile 20:2

Ɔhyele nane anwo ɛzulolɛ ne mɔɔ le kɛ ɛlɛnrɛne la, ɛwɔlɛ dɛba ne, mɔɔ bɛfɛlɛ ye Abɔnsam anzɛɛ Seetan la, na ɔguale ye anga mɔɔ kyesɛ ɛvolɛ apenle ko pɛ nu kolaa na bɛazianyi ye la.

Yekile 8:10

Nyamenle soanvolɛ ne mɔɔ tɔ zolɛ nsa la bɔle ye aweɛne tendenle ne anu. Na ɛwɔlɔra kpole bie, mɔɔ ɛlɛsɔ kɛ tɛkɛ la dule vi anwomanyunlu radɔle azudenle, nzubula nee tandane nu.

Yekile 8:11

Ɛwɔlɔra ne duma a le “Subo.” Na azule, nzubula nee tandane mɔɔ wɔ ewiade la anu hyɛle nsa, na ko yɛle kɛ subo, na ye ɛnwonle manle menli dɔɔnwo mɔɔ nlonle bie la wule.

Yekile 8:12

Akee Nyamenle soanvolɛ ne mɔɔ tɔ zolɛ nna la bɔle ye aweɛne tendenle ne. Sɛnzɛne ne anu hyɛle nsa, bɛbɔle ko, na ye ɛdalɛ ne nlunle; siane ne anu hyɛle nsa, yɛɛ nwɔlɔra ne mɔ anu hyɛle nsa na bɛ nuhua ngoko nlunle. Yemɔti alehyenlɛ nu hyɛle nsa mɔɔ sɛnzɛne ɛnvinde ko anu a, yɛɛ aledwolɛ noko anu hyɛle nsa mɔɔ siane nee nwɔlɔra ɛnda ko anu a.

Yekile 8:7

Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.

Yekile 8:8

Nyamenle soanvolɛ ne mɔɔ tɔ zolɛ nwiɔ la bɔle ye aweɛne tendenle ne anu. Na bɛvuandinle debie bie mɔɔ le kɛ boka kpole bie, mɔɔ senle la nu la bɛdole nyevile ne anu. Nyevile ne anu hyɛle nsa, na ko hakyile mogya manle nuhua ninyɛne wule, na nlɛne mɔɔ gua ɔ nye la zɛkyele bɔkɔɔ.

Yekile 9:10

Bɛlɛ dualɛ kɛ nyamenleakɛlɛ, yɛɛ bɛbɔ. Bɛ dua ne mɔ a bɛfa bɛabɔ menli toonwo siane nnu a.

Yekile 9:19

Mgbɔnwɔ ne mɔ anwosesebɛ wɔ bɛ nloa anu nee bɛ dua ati. Bɛ dua ne mɔ le kɛ nwɔlɛ. Dualɛ ne mɔ dedɛ bɛ ti, na yemɔ yɛɛ bɛfa bɛkeka menli ne mɔ a.