Yekile 12:3 - BAEBOLO ANZƐƐ BULUKU NWUANZANWUANZA

³ Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 12:3 ပူးပေါင်းရင်းမြစ်များ

Ayezaya Buluku ne 27:1

Mekɛ ne anu Ɛdɛnkɛma bava ye dadeɛ ɛsesebɛ, kpole, nlane ne adua ɛwɔlɛ ne mɔɔ ɛlɛnriandi la, Lɛveatan mɔɔ wuluwulu kakyihakyi ɔ nwo la kakɛ. Ɔbahu Lɛveatan na yeahu nane anwo ɛzulolɛ ne mɔɔ le kɛ ɛlɛnrɛne mɔɔ la nyevile ne anu la.

Ayezaya Buluku ne 51:9

Dwazo, O Ɛdɛnkɛma, fa wɔ anwosesebɛ nee wɔ tumi ne dwazo boa yɛ. Dwazo, kɛmɔ mɔmoane ɛyɛle na ɛboale awolɛndoazo mɔɔ ɛze ɛhɔ la. Asoo tɛ wɔmɔ a ɛpepɛle nyevizonle Releehabe anu azinli azinli, na ɛwɔle nane anwo ɛzulolɛ ne mɔɔ le kɛ ɛlɛnrɛne la atwɛ la?

Ayezaya Buluku ne 9:15

Sonla mɔɔ le kpanyinli nee mɔɔ bɛdi ye eni la a le Yizilayɛma ati ne, yɛɛ Nyamenle kpɔmanvolɛ ne mɔɔ kilehile adalɛ ngilehilelɛ la a le dualɛ ne.

Daneɛle Buluku ne 2:41

Na kɛmɔ ɛnwunle kɛ ananze ne agyakɛ babonle ne nee mrɛlɛsɛka ne mɔ foa ko le ɛva na foa ko le bulalɛ la, zɔhane ala yɛɛ maanle zɔhane bayɛ se noko eza nuhua bahyɛ nwiɔ a.

Daneɛle Buluku ne 2:42

Eza kɛmɔ egyakɛ mrɛlɛsɛka ne foa ko le ɛva, foa ko le bulalɛ la, zɔhane ala yɛɛ maanle ne foa ko bayɛ se na foa ko ado a.

Daneɛle Buluku ne 7:20

Eza mekulo kɛ mete mɛne bulu ne mɔɔ gyigyi ɔ ti zo, mɛne ne mɔ mɔɔ nsa dudule guale aze, mɛne ekyi ne mɔɔ vile na ɔlɛ ɛnyelɛ nee ɛnloanlɛ kɛ sonla, na ɔhanle mgbole la anwo edwɛkɛ. Duzu ati a yemɔ ɔlɛ tumi ɔtɛla ɛhendeɛ ne mɔ a?

Daneɛle Buluku ne 7:24

Mɛne bulu ne kile kɛ arelemgbunli bulu a babu maanle ɛhye a. Nzinlii belemgbunli ko bie badwazo. Asolo belemgbunli ɛhye, na ɔbaha arelemgbunli nsa yeagua.

Yekile 12:1

Akee nwanwane sɛkɛlɛneɛ kpole bie vindele anwomanyunlu. Raalɛ bie mɔɔ ɛva sɛnzɛne ne ɛyɛ ɛdanlɛ ɛheda, ɔ gyakɛ gyigyi siane ne azo, na yeva nwɔlɔra bulu nee nwiɔ yeyɛ abɔtile yebɔ la

Yekile 12:13

Mɔɔ nane anwo ɛzulolɛ ne nwunle kɛ bɛvuandi ye bɛde azɛlɛ ye azo la, ɔbɔle ɔ bo kɛ ɔkpondɛ raalɛ ne mɔɔ wole ralɛ nrenya ne la yeahu ye.

Yekile 12:17

Nane anwo ɛzulolɛ ne vale raalɛ ne anwo ɛya kpole na ɔhɔle kɛ ɔkadoa ɔ mra mɔɔ ɛha, mɔɔ di Nyamenle mɛla ne azo na bɛdie nɔhalɛ ne mɔɔ Gyisɛse ɛye ɛhile la bɛdi la ɔ nee bɛ ahɔho.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 12:7

Akee konle zile anwuma lɔ. Nyamenle soanvolɛ kpanyinli Maekeɛle nee ɔ sa zo Nyamenle soanvolɛma nee nane anwo ɛzulolɛ ne nee ɔdaye ye soanvolɛma honle.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:1

Akee menwunle kɛ nane bie vi nyevile ne anu ɛlɛfo ara file zo. Ɔlɛ mɛne bulu yɛɛ ɔ ti le nsuu. Bɛbɔ ye mɛne ne mɔ ko biala abɔtile na bɛhɛlɛ duma ɛtane bie mɔɔ tia Nyamenle la bɛgua nwolɛ.

Yekile 13:2

Nane ɛhye anyunlu le kɛ sobolɛ nyunlu, ɔ gyakɛ le kɛ ezizile gyakɛ, yɛɛ ɔ nloa le kɛ awenade nloa. Na nane anwo ɛzulolɛ ne mɔɔ zɔho ɛlɛnrɛne la vale ye tumi ne, ye belemgbunli ebia ne, yɛɛ ye anwosesebɛ kpole ne manle ye.

Yekile 13:4

Menli zonlenle nane anwo ɛzulolɛ ne mɔɔ le kɛ ɛlɛnrɛne la, ɔluakɛ yemɔ a yeva tumi yemaa nane ɛhendeɛ ne a. Bɛzonlenle nane ne ɔdaye, na bɛhanle kɛ, “Nwane a nee nane ye sɛ a? Nwane a kɛhola kɛgyinla ɔ nyunlu a?”

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 16:13

Na menwunle sunsum nsa bie mɔɔ anwo ɛnde na bɛle kɛ ahɛlɛne la kɛ bɛvi nane anwo ɛzulolɛ ne mɔɔ le kɛ ɛlɛnrɛne la anloa anu, nane ko ne noko anloa anu, yɛɛ kpɔmanvolɛ alane ne anloa anu bɛlɛfinde bɛara.

Yekile 17:12

“Mɛne bulu ne mɔɔ ɛnwunle bɛ la le arelemgbunli bulu mɔɔ ɛtɛbɔle bɛ belemgbunlililɛ bo a; bɛbamaa bɛ adenle bɛamaa bɛ nee nane ne ali belemgbunli dɔnehwele ko ala.

Yekile 17:16

Mɛne bulu ne mɔɔ ɛnwunle bɛ la, nee nane ne bakpɔ tuutuunli ne; bɛbalie debie biala mɔɔ ɔlɛ la bɛamaa yealɛ ɔ nwo zɔ; bɛbali ye nwonane ne na bɛado ye senle nu bɛayela ye bɔkɔɔ.

Yekile 17:7

Nyamenle soanvolɛ ne bizale me kɛ, “Duzu ati a ɛhye ɛzi ɛ nwo ɛ? Mebahile wɔ raalɛ ne, nee nane ati nsuu ne mɔɔ lɛ mɛne bulu ne mɔɔ ɔde zolɛ la abo.

Yekile 19:12

Ɔ nye ma le kɛ senle tafinlima, na ɔbɔ abɔtile dɔɔnwo. Bɛhɛlɛ duma bie wɔ ɔ nwo, na awie biala ɛnze duma holɛ ko ne kɛ ɔdaye ɔ ngomekye ala.

Yekile 20:2

Ɔhyele nane anwo ɛzulolɛ ne mɔɔ le kɛ ɛlɛnrɛne la, ɛwɔlɛ dɛba ne, mɔɔ bɛfɛlɛ ye Abɔnsam anzɛɛ Seetan la, na ɔguale ye anga mɔɔ kyesɛ ɛvolɛ apenle ko pɛ nu kolaa na bɛazianyi ye la.