Yekile 12:2 - BAEBOLO ANZƐƐ BULUKU NWUANZANWUANZA

² ɛvo awolɛ zo, na ye awolɛ nyane ne ɛmaa ɔlɛsu yeadeɛdea nu.

Yekile 12:2 ပူးပေါင်းရင်းမြစ်များ

Ayezaya Buluku ne 26:17

O Ɛdɛnkɛma, wɔmɔ ɛ ti, yɛyɛle kɛ raalɛ mɔɔ ɛlɛnrenzɛ, mɔɔ ye awolɛ mekɛ ɛdwu, na ɔ ko ɛha ye, na ɔlɛte nyane la.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 54:1

Ɛdɛnkɛma se, “O motanli mɔɔ anwo ralɛ a, to edwɛne; to edwɛne na maa ɛ ne ɛhɔ anwuma, wɔmɔ mɔɔ ɛtɛtele awolɛ nyane ɛlɛ a! Ɔluakɛ raalɛ ne mɔɔ bɛkpo ye la amra bazo dɔɔnwo adɛla raalɛ ne mɔɔ de agyalɛ ne abo la. Medame Ɛdɛnkɛma a mese a.

Ayezaya Buluku ne 66:6

Bɛdie alɛra kpole ne mɔɔ wɔ suakpole ne azo lɔ la! Ɛnelɛ ne vi Ɛzonlenlɛ Sua ne anu! Ɛdɛnkɛma ane ɔ, na ɔlɛtea ye kpɔvolɛma ne!

Maeka Buluku ne 4:9

Na duzu ati a ɛsu kpole zɛhae a? Ɛnlɛ belemgbunli ɔ? Asoo wɔ folɛdulɛma ɛwie wu la ati a ɛlɛte nyane kɛ raalɛ mɔɔ ɛvo awolɛ zo la ɔ?

Maeka Buluku ne 5:3

Yemɔti Ɛdɛnkɛma baye bɛ amaa bɛ kpɔvolɛma kɔkpula mekɛ mɔɔ raalɛ ne mɔɔ ɛvo awolɛ zo la kɛwo la. Ɛhye anzi, ɔ mediema mɔɔ ɛha la bazia ara bɛ maanle nu Yizilayɛ.

Edwɛkpa ne kɛmɔ Mateyu hɛlɛle la 24:8

Ɛhye mɔ amuala le kɛ awolɛ nyane ɛdelɛ bo ɛbɔlɛ.

Dw 16:21

Saa raalɛ fo awolɛ zo a, ye adwenle sɛkye, ɔboalekɛ ye nyanedelɛ mekɛ ɛdwu; na saa ɔwo a, ɔ rɛle fi ye nyane ne, ɔboalekɛ ɛnee ɔlɛdi fɛlɛko kɛ yewo ralɛ yedo ewiade a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:27

Nyamenle Edwɛkɛ ne se, “Wɔmɔ raalɛ mɔɔ ɛtɛwole ɛlɛ a, wɔmɔ mɔɔ ɛtɛtele awolɛ nyane ɛlɛ a, di fɛlɛko, maa ɛ nye ɛlie, ɔluakɛ raalɛ ne mɔɔ bɛkpole ye la, lɛ mralɛ dɔɔnwo tɛla raalɛ ne mɔɔ lɛ agyalɛ mumua ne la.”

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.