Yekile 11:9 - BAEBOLO ANZƐƐ BULUKU NWUANZANWUANZA

⁹ Menli vi maanle maanle zo, aneɛ aneɛ nu, mbusua ekpunli ekpunli nee menli ngakyile kɔsɔɔti anu baranlea bɛ avunli ne kenle nsa nee foa, na bɛnrɛmaa adenle bɛnrɛmaa bɛnrɛzie bɛ.

Yekile 11:9 ပူးပေါင်းရင်းမြစ်များ

1 Arl 13:22

Wɔzia wɔrali aleɛ, wɔnlo nzule wɔ ɛleka mɔɔ ɔduale wɔ kɛ ɛmmadi aleɛ ɛkɛ ne la. Ɛhye ati Ɛdɛnkɛma wɔ Nyamenle ne se, ‘Ɛnrɛwu bɛnrɛzie wɔ wɔ ɛleka mɔɔ bɛziele ɛ ze mɔ la.’ ”

Nolo 6:3

Saa sonla wo mralɛ ɛya ko, ɔnyi ɔdi ɛvolɛ dɔɔnwo, ɔyɛ kpanyinli kpalɛ na yeanlie ɔ nye wɔ ɛbɛla nu ninyɛne kpalɛ nwo, na ɔwu na ye ɛzielɛ nu anyɛ kɛnlɛma a, ɛnee ralɛ mɔɔ kɛkpɔne la tɛla ye ɛkpɔyɛɛ.

Ayezaya Buluku ne 33:1

Munzule ɛha bɛ, bɛmɛ sɛkyevolɛma mɔɔ bɛtɛsɛkyele bɛmɛ a; bɛmɛ ngunzima, mɔɔ bɛtɛyɛle bɛmɛ bɛ nwo ngunzi a! Saa bɛwie bɛ ɛzɛkyelɛ ɛbɛla ne mɔ bɔ a, bɛbazɛkye bɛdabɛ noko; yɛɛ saa bɛwie bɛ ngunzi nyɛleɛ ne mɔ yɛ a, bɛ nee bɛ bali ye ngunzi nu.

Gyɛlɛmaya Buluku ne 7:33

Na menli ne avunli bayɛ anwomanyunlu nloma nee azɛlɛ ye azo nanemgbole aleɛ, bɛnrɛnyia awie ɛnrɛvoa bɛ.

Edwɛkpa ne kɛmɔ Mateyu hɛlɛle la 7:2

ɔboalekɛ ndɛne mɔɔ bɛkɛva bɛkɛbua awie mɔ la yɛɛ Nyamenle bava abua bɛdabɛ noko a, yɛɛ mɔɔ bɛkɛzuzu bɛkɛmaa awie la yɛɛ bɛbanyia ye a.

Yekile 10:11

Na bɛzele me kɛ, “Ɔwɔ kɛ ɛkɔbɔ Nyamenle Edwɛkɛ ne mɔɔ fane maanle maanle, aneɛ aneɛ, menli ngakyile, nee arelemgbunli nwo la nolo bieko.”

Yekile 11:11

Na kenle nsa nee foa ne anzi, ngoane ɛnwomenle vi Nyamenle ɛkɛ rawolole bɛ nu, na bɛdwazole, na ɛzulolɛ kpole hanle bɛdabɛ mɔɔ bɛnwunle bɛ la amuala.

Yekile 13:7

Bɛmanle ye adenle kɛ ɔ nee Nyamenle menli ne ɛho na ɔli bɛ nwo zo konim, na bɛmanle ye tumi wɔ maanle biala, aneɛ biala, abusua ekpunli biala nee menli ngakyile kɔsɔɔti anwo zo.

Yekile 17:15

Nyamenle soanvolɛ ne eza zele me kɛ, “Azule ne mɔ mɔɔ ɛnwunle kɛ tuutuunli ne de ɔ nloa la le maanle maanle, menli, aneɛ ngakyile, yɛɛ mbusua kɔsɔɔti.

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.