Yekile 11:8 - BAEBOLO ANZƐƐ BULUKU NWUANZANWUANZA

⁸ na bɛ avunli baha suakpole ne mɔɔ bɛbɔle bɛ Awulae ne meanubaka nu wɔ zolɛ la guabile ne azo. Suakpole zɔhane duma, bɛbavɛlɛ ye kɛ, sɛbe, Sodɔm anzɛɛ Yigyibiti.

Yekile 11:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:13

Sodɔmma le amumuyɛ; bɛyɛle ɛtane mgbole bɛtiale Ɛdɛnkɛma.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:24

Na Ɛdɛnkɛma manle sɔlefe nee senle vi anwuma dɔle kɛ ezule guale Sodɔm nee Gomɔla azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:7

Akee Ɛdɛnkɛma zele kɛ, “Menwu me menli mɔɔ wɔ Yigyibiti la amaneɛnwunlɛ ne, eza mede bɛ ɛzunlɛ ne, ɔlua abodelɛ mɔɔ bɛ gyima zo neavolɛma ne ɛlɛfa ahile bɛ la.

Ayezaya Buluku ne 3:9

Bɛ mɔguazo ne di daselɛ tia bɛ. Bɛka bɛ nyɛleɛ ɛtane ne mɔ baguasee kɛ Sodɔm la. Bɛnvea nwolɛ. Munzule ɛha bɛ! Ɔluakɛ bɛhwe munzule bɛmaa bɛ nwo.

Gyɛlɛmaya Buluku ne 23:14

Menwu debie ɛzulolɛ bie wɔ Gyɛlusalɛm Nyamenle kpɔmanvolɛma avinli: bɛto awuvolɛvalɛ mɛla ne, bɛbɔ adalɛ, bɛsi amumuyɛma adua, yemɔti biala ɛngyakyi amumuyɛ ɛyɛlɛ; bɛ kɔsɔɔti bɛyɛ kɛ Sodɔmma nee Gomɔlama wɔ me nye zo.

Gyɛlɛmaya Buluku ne 26:23

bɛhɔhyele Yulaya bɛrɛlɛle ye. Belemgbunli Gyɛhɔyakem manle bɛhunle ye na bɛvuandinle ye funli ne bɛdole maanle azie ne azo.)

Yizikeɛle Buluku ne 16:46

“Ɛ diema raalɛ kpanyinli a le Samɛlea, nee ye namunamu ne mɔ, mɔɔ gua sɔlɔ la, yɛɛ ɛ diema raalɛ kakula a le Sodɔm, nee ye namunamu ne mɔ, mɔɔ gua nyiakɛ la.

Yizikeɛle Buluku ne 16:49

Nea, ɛ diema raalɛ Sodɔm fɔlɛ mɔɔ lile la a le kɛ, ɔ nee ye namunamu ne mɔ dule bɛ nwo kɛ bɛlɛ mɔɔ sa bɛ di la, bɛkpazi na bɛde anzonudwolɛ nu, noko bɛamboa anwunvɔnema nee ehyianvolɛma.

Yizikeɛle Buluku ne 23:19

Noko ɔ ti minle tuutuulilɛ nu kpalɛ kpalɛ; ɔhakyele mekɛ mɔɔ ɛnee ɔle bɛlɛra, mɔɔ ɔbɔ ye tuutuu ɛbɛla ne wɔ Yigyibiti la.

Yizikeɛle Buluku ne 23:27

Mebayɛ ɛhye meava meadua wɔ tuutuulilɛ nee wɔ adwɔmanebɔlɛ atiakunluwɔzo ne mɔɔ ɛ nee ye vi Yigyibiti rale la. Ɛnrɛhola ɛ nye zo maa nea Yigyibitima, yɛɛ ɛnrɛhakye bɛ bieko.”

Yizikeɛle Buluku ne 23:3

Bɛbɔle tuutuu ɛbɛla wɔ Yigyibiti. Mekɛ ne anu ɛnee bɛle mbɛlɛra, na bɛmanle bɛmiemianle bɛ nyɛfo na bɛminlinle bɛ belamunliyɛlɛ ne.

Yizikeɛle Buluku ne 23:8

Yeangyakyi ye tuutuulilɛ ne mɔɔ ɔlile wɔ Yigyibiti la anzi ɛlilɛ, ɔluakɛ ɔvi ye mbɛlɛra nu, mrenya nee ye lale na bɛsosɔle ɔ nyɛfo, na bɛyɛle ye kɛmɔ bɛkɛyɛ tuutuunli ala la.

Yizikeɛle Buluku ne 37:11

Akee Nyamenle zele me kɛ, “Sonla ra, mbowule ɛhye mɔ a le Yizilayɛma amuala. Nea, bɛ edwɛkɛ a le kɛ, ‘Yɛ mbowule ɛwe, yɛnlɛ anyelazo biala; bɛpɛ yɛ bɛgua bɔkɔɔ ala ɛne.’

Emɔzo Buluku ne 4:11

“Menzɛkyele bɛ bie mɔ, kɛmɔ menzɛkyele azuamgbole Sodɔm nee Gomɔla la. Bɛdabɛ mɔɔ bɛvile ɛsalɛ la le kɛ ɛyɛne mɔɔ bɛdu bɛvi senle nu la. Noko bɛanzia bɛamba me ɛkɛ.

Edwɛkpa ne kɛmɔ Mateyu hɛlɛle la 10:15

Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

Kɛlata mɔɔ bɛhɛlɛle bɛhɔmanle Hibuluma la 13:12

Zɔhane ala yɛɛ Gyisɛse wule suakpole ne kandiba lɔ, amaa yeava ye mogya ne yeanrinzi menli ne ɛtane ne mɔ.

Kɛlata mɔɔ bɛhɛlɛle bɛhɔmanle Hibuluma la 6:6

Ɔyɛ se kɛ awie kɛhola kɛmaa bɛkɛnlu bɛ nwo bieko a, ɔboalekɛ bɛbɔ Nyamenle Ara ne meanubaka nu dahuu na bɛgua ɔ nyunlu aze wɔ menli nu.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 11:9

Menli vi maanle maanle zo, aneɛ aneɛ nu, mbusua ekpunli ekpunli nee menli ngakyile kɔsɔɔti anu baranlea bɛ avunli ne kenle nsa nee foa, na bɛnrɛmaa adenle bɛnrɛmaa bɛnrɛzie bɛ.

Yekile 14:20

Melahyinli ne hwihwinle vanye ma ne anu nzule guale suakpole ne kandiba lɔ, na mogya mɔɔ ye kuma kɛyɛ mita nwiɔ la denrɛle zenle kɛ azule mɔɔ ye tendenle kɛyɛ kilomita ɛya nsa (300) la.

Yekile 14:8

Nyamenle soanvolɛ ko noko ɔdaye ɔdoa ye na ɔse, “Yebɔ! Suakpole Babelɔn mɔɔ ɛlie duma la ɛbɔ bɔkɔɔ! Ɔmanle maanle maanle kɔsɔɔti anu amra zukoale ye na bɛvale adwɔmanebɔlɛ bɛhakyile nza bɛnlonle!”

Yekile 16:19

Suakpole ne anu hyɛle nsa, yɛɛ maanle maanle azuamgbole ne mɔ kɔsɔɔti bɔle tɔɔ. Nyamenle hakyele mɔɔ suakpole Babelɔn ɛyɛ la, na ɔkpokpole ye ɛya ne kɔsɔɔti ɔguale ɔ ti zo.

Yekile 17:1

Nyamenle soanvolɛma nsuu ne mɔɔ dedɛ dwora ne mɔ la anu ko rale me nwo ɛkɛ na ɔzele me kɛ, “Bɛla maa mengile wɔ kɛ bɛsi bɛadea tuutuunli ne mɔɔ ɛlie duma la, meka suakpole ne mɔɔ ɛlie duma mɔɔ bɛhye ye wɔ azudenle ne mɔ anloa la.

Yekile 17:18

“Raalɛ ne noko mɔɔ ɛnwunle ye la a le suakpole ne mɔɔ sie arelemgbunli mɔɔ wɔ azɛlɛ ye azo la amuala la.”

Yekile 17:5

Bɛhɛlɛ duma bie mɔɔ ye ndelebɛbo vea la bɛgua ɔ nwoma azo. Yemɔ a le, “Babelɔn mɔɔ ɛlie duma, tuutuuma bɛ nli nee ewiade bɛkyi ninyɛndane.”

Yekile 18:10

Bɛ ahonle badu wɔ ye amaneɛnwunlɛ ne ati na bɛagyinla amozi bɛaha kɛ, “Ɔyɛ ɛzulolɛ! Ɔyɛ nwanwane! Sua bɔdenle mɔɔ le kɛ Babelɔn! Bɛva dɔnehwele ko ala bɛdea wɔ, bɛbɔ wɔ tɔɔ!”

Yekile 18:18

na mɔɔ bɛnwunle kɛ sua ne ɛlɛsi azɔ la, bɛhanle kɛ, “Suakpole biala ɛnle ɛkɛ mɔɔ nee suakpole ɛhye sɛ a.”

Yekile 18:2

Ɔvale ɛnelɛ kpole ɔhanle kɛ, “Yebɔ! Suakpole Babelɔn ɛbɔ bɔkɔɔ! Yeyɛ suadu, ɛnɛ sunsum ɛtane nee mbɔnsam a wɔ zolɛ a, yɛɛ nloma ɛtane anwo kpokpɔtɔɔ a wɔ zolɛ a.

Yekile 18:21

Akee Nyamenle soanvolɛ anwo ɛzulolɛ ko manle bolɛ totohyia ko mɔɔ le kɛ ɛdibolɛ la zo na ɔvuandinle ɔdole nyevile ne anu, ɔse: “Kɛ bɛbavuandi suakpole Babelɔn bɛado la ɛne, na bɛnrɛnwu ye bieko.”

Yekile 18:24

Ɔluakɛ Babelɔn yɛɛ bɛnwunle Nyamenle kpɔmanvolɛma nee Nyamenle menli ne mogya a, yɛɛ bɛdabɛ mɔɔ bɛhunle bɛ wɔ ewiade la amuala mogya wɔ zolɛ.