Yekile 11:6 - BAEBOLO ANZƐƐ BULUKU NWUANZANWUANZA

⁶ Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.

Yekile 11:6 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

Edwɛkpa ne kɛmɔ Luku hɛlɛle la 4:25

“Bɛdie mɔɔ meka la. Ɔle nɔhalɛ kɛ Yilaegya mekɛ zo, ezule andɔ toonwo ɛvolɛ nsa siane nsia, na sane kpole zile maanle ne kpokpoti anu.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Yekile 16:3

Nyamenle soanvolɛ ne mɔɔ tɔ zolɛ nwiɔ la wolale ye ɛdeɛ ne guale nyevile nu. Nyevile ne hakyile kɛ sonla mɔɔ ɛwu la mogya, na debie biala mɔɔ lɛ ngoane mɔɔ wɔ nyevile nu la wule.

Yekile 16:4

Nyamenle soanvolɛ ne mɔɔ tɔ zolɛ nsa la wolale ye dwora ɛdeɛ ne anu ɛya ne guale azule nee nzubula nu, na bɛhakyile mogya.

Yekile 8:8

Nyamenle soanvolɛ ne mɔɔ tɔ zolɛ nwiɔ la bɔle ye aweɛne tendenle ne anu. Na bɛvuandinle debie bie mɔɔ le kɛ boka kpole bie, mɔɔ senle la nu la bɛdole nyevile ne anu. Nyevile ne anu hyɛle nsa, na ko hakyile mogya manle nuhua ninyɛne wule, na nlɛne mɔɔ gua ɔ nye la zɛkyele bɔkɔɔ.

1 Sam 4:8

Yɛwie! Nwane a kɛhola kɛlie yɛ kɛvi nyamenle anwo ɛzulolɛ ɛhye mɔ asa anu a? Bɛmɛ a bɛhunle Yigyibitima bɔkɔɔ wɔ fienemgbole ne anu la.