Yekile 11:5 - BAEBOLO ANZƐƐ BULUKU NWUANZANWUANZA

⁵ Saa awie se kɛ ɔsɛkye bɛ a, senle vi bɛ nloa anu finde na ɔsɛkye bɛ kpɔvolɛma ne mɔ; saa awie bɔ kpɔkɛ kɛ ɔsɛkye bɛ a bɛbahu ye.

Yekile 11:5 ပူးပေါင်းရင်းမြစ်များ

Edwɛndolɛ Buluku ne 18:8

Esike vi ɔ bonyi nu vindele, senle gɔhyee vi ɔ nloa anu vindele, samɛnlankɛ woonwu vi ɔ nwo kpomgbɔle guale.

Ayezaya Buluku ne 11:4

Ɔbabua ehyianvolɛma ndɛne pɛlepɛle nu, na yeabua awienvolɛma ndɛne pɛpɛ; ɔbava ɔ nloa yeayɛ baka yeadea azɛlɛ ye azo ɛtanema, yeava ɔ nloa edwɛkɛ yeahu amumuyɛma.

Gyɛlɛmaya Buluku ne 1:10

Ɔvi ɛnɛ kenle ye, memaa wɔ tumi wɔ maanle maanle nee arelemgbunli nwo zo kɛ ɛdudu na ɛbubu bɛ ɛgua, ɛzɛkye bɛ na ɛvuandi bɛ ɛgua, kɛ ɛkyekye na ɛlua.”

Gyɛlɛmaya Buluku ne 5:14

Yemɔti kɛ Ɛdɛnkɛma, Tumivolɛ Nyamenle ne se la ɛne, “Gyɛlɛmaya, kɛmɔ bɛha edwɛkɛ ɛhye la, memaa me edwɛkɛ ne ahakyi senle wɔ ɛ nloa anu na menli ɛhye mɔ ahakyi ɛyɛne, na senle ne ayela bɛ wee.”

Yizikeɛle Buluku ne 43:3

Na ɛnyelɛzodeɛnwunlɛ ne mɔɔ menwunle ye la ɛnee le kɛ mɔɔ menwunle ye wɔ mekɛ mɔɔ ɔrazɛkyele suakpole ne la. Eza ɔle kɛ mɔɔ menwunle ye wɔ Azule Kibaa ne anloa la. Na membutule mutule nu.

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

Zɛkalaya Buluku ne 1:6

Noko me mɛla ne nee me ngyehyɛlɛ ne mɔ, mɔɔ menvale menzoanle me sonvolɛma kpɔmanvolɛma la ɛhyɛ ɛdɛla bɛ ze mɔ. Yemɔti bɛnlunle bɛ nwo na bɛhanle kɛ, ‘Kɛ Tumivolɛ Ɛdɛnkɛma zile hyehyɛle kɛ ɔ nee yɛ di wɔ yɛ ndenle nee yɛ nyɛleɛ ne mɔ ati la, zɔhane ala yɛɛ ɔ nee yɛ ɛli a.’ ”

Zɛkalaya Buluku ne 2:8

Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

Yekile 13:13

Nane ɛhye mɔɔ tɔ zolɛ nwiɔ la yɛle nwanwane ninyɛne mgbole; ɔmanle senle bɔbɔ vi anwuma rale azɛlɛ ye azo manle menli kɔsɔɔti nwunle ye.

Yekile 9:17

Wɔ yekile ne anu, menwunle sogyama ne mɔ kɛ bɛdede mgbɔnwɔ ne mɔ azo, na kɛ bɛde la ɛne: bɛwulowula mbulalɛ akɛnrazo enyinlike mɔɔ le woonwu kɛ senle, buluwu kɛ “safaya”, yɛɛ guanye kɛ sɔlefa la. Mgbɔnwɔ ne mɔ ati le kɛ awenade ti, na senle, esike, yɛɛ sɔlefa vi bɛ nloa anu finde.