Yekile 11:4 - BAEBOLO ANZƐƐ BULUKU NWUANZANWUANZA

⁴ Dasevolɛma nwiɔ ne a le “ɔlivi” mbaka nwiɔ ne nee kɛnlaneɛ mbaka nwiɔ ne mɔɔ gyigyi Awulae mɔɔ lɛ azɛlɛ ye la anyunlu ɛkɛ ne la.

Yekile 11:4 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

Edwɛndolɛ Buluku ne 52:8

Na mame, mele kɛ ɔlivi baka amolɛ wɔ Nyamenle sua nu. Me rɛle wɔ Nyamenle ɛhulolɛ kpundii ne anu wɔ mekɛ mɔɔ ɛnlɛ awieleɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:22

Kenle zɔhane mebaye Gohyɛn, azɛlɛ ne mɔɔ me menli ne de zolɛ la meazie ahane, amaa nrɛzenra adɔka ne bie angɔ ɛkɛ, na bɛanwu kɛ medame a mele Ɛdɛnkɛma wɔ azɛlɛ ye azo a.

Ayezaya Buluku ne 54:5

Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.

Gyɛlɛmaya Buluku ne 11:16

Medame Ɛdɛnkɛma menvɛlɛle bɛ ‘ɔlivi baka buzuu mɔɔ lɛ ma ngɛnlɛma’ la. Na kɛkala, mekulu kokye meado senle nu meayela ye nya ne mɔ wee meamaa ye ngane ne mɔ abubu agua.

Maeka Buluku ne 4:13

Ɛdɛnkɛma se, “Gyɛlusalɛmma, bɛdwazo bɛwozo ma ne na mebamaa bɛ mɛne ne mɔ ayɛ mbulalɛ na bɛ ndwɛlɛ ndaboa ayɛ kɔbele. Bɛbatietia maanle maanle dɔɔnwo anwo zo bɛazɛkye bɛ, na bɛadu anwonyia mɔɔ bɛkɛnyia ye la bɛamaa medame Ɛdɛnkɛma, ewiade amuala Awulae.”

Edwɛkpa ne kɛmɔ Luku hɛlɛle la 11:33

“Awie biala ɛnzɔ kɛnlaneɛ na ɔnva bondo ɔmbutu zolɛ; ɔfa ɔsie kɛnlaneɛbaka zo anwuma, amaa bɛdabɛ mɔɔ bɛba sua ne anu la bɛanwu aze.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Mɛla 10:8

Mekɛ ne anu yɛɛ Ɛdɛnkɛma yele Livae abusua ekpunli ne kɛ bɛzoa Ɛdɛnkɛma Ngyekyeleɛ Ɛlɛka ne, na bɛgyinla ɔ nyunlu bɛzonle ye, na bɛva ye duma bɛyila menli ne a. Bɛyɛ debie zɛhae toonwo a yeradwu ɛnɛ a.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.