Yekile 11:3 - BAEBOLO ANZƐƐ BULUKU NWUANZANWUANZA

³ Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Yekile 11:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:34

Na Gyekɔbo suosuanle ye tɛladeɛ ne mɔɔ ɔwula la anu, ɔvale ɛrele ɔpɛle ɔ bo, na ɔzunle ɔ ra ne mekɛ dɔɔnwo.

2 Sam 3:31

Akee Devidi zele Dwowabe nee menli mɔɔ nee ye lua la kɛ, “Bɛsuosua bɛ adɛladeɛ ne mɔ anu. Bɛheda ɛrele na bɛzu Abenɛɛ.” Belemgbunli ɔdaye mumua ne ɔlile funli ɛlɛka ehwili ne anzi.

1 Arl 21:27

Yilaegya anloa dɔle ala la, Ehabe suosuanle ye adɛladeɛ mɔɔ ɔwula la anu na ɔvale ɛrele ɔhedale, ɔhyele ɛhɔne, ɔvale ɛrele ɔlale na ɔluale ye alɔbɔlɛ alɔbɔlɛ nu.

2 Arl 19:1

Belemgbunli Hɛzikaya dele edwɛkɛ ne la, nyane ngome manle ɔsuosuanle ye tɛladeɛ ne mɔɔ ɔwula la anu, ɔvale ɛrele tɛladeɛ ɔwulale na ɔhɔle Ɛdɛnkɛma Ɛzonlenlɛ Sua ne anu.

1 Edk 21:16

Devidi manle ɔ nye zo la, ɔnwunle Ɛdɛnkɛma soanvolɛ ne kɛ ɔgyi anwomanyunlu, na yehwe dadeɛ wɔ Gyɛlusalɛm anwo zo. Na Devidi nee ye mgbanyima ne mɔ kɔsɔɔti mɔɔ ɛnee wula ɛrele adɛladeɛ la butubutule bɛ nye aze.

Nihɛmaya Buluku ne 9:1

Siane ko ne ala anu, ye kenle abulanwiɔ nee nna ne azo, Yizilayɛma hedale ɛrele, vale mgbane wɔzale bɛ nwo, na bɛyiale nu bɛhyele ɛhɔne bɛlile bɛ ɛtane ne mɔ anwo nyane.

Dwobu Buluku ne 16:15

Mekpomgba ɛrele meheda, na mekpofo ndɛtɛlɛ nu.

Edwɛndolɛ Buluku ne 69:11

Menvale ɛrele mengedale la, menyɛle ɛfenle memanle bɛ.

Ayezaya Buluku ne 22:12

Mekɛ ne anu Tumivolɛ Awulae Nyamenle ne zele bɛ kɛ bɛzu na bɛli nyane, bɛkpa bɛ ti na bɛheda ɛrele;

Gyɛlɛmaya Buluku ne 1:10

Ɔvi ɛnɛ kenle ye, memaa wɔ tumi wɔ maanle maanle nee arelemgbunli nwo zo kɛ ɛdudu na ɛbubu bɛ ɛgua, ɛzɛkye bɛ na ɛvuandi bɛ ɛgua, kɛ ɛkyekye na ɛlua.”

Gyɛlɛmaya Awolɛyelɛ 2:10

Zayɔn mgbanyima dede ye ngungoonwu; bɛvula nzonle bɛgua bɛ ti zo na bɛheda ɛrele; Gyɛlusalɛm mbɛlɛra ɛsisi bɛ ti aze.

Yizikeɛle Buluku ne 4:6

Saa ɛwie ɛhye a, ɛbahakyi ɛ nwo wɔala ɛhyɛne zo wɔ wɔ fema zo, na wɔanwu amaneɛ kenle abulanla wɔ Dwudama ati, kenle ko biala le wɔ ɛvolɛ ko amaneɛnwunlɛ.

Daneɛle Buluku ne 12:7

Nyamenle soanvolɛ ne kpogyale ɔ sa amu nwiɔ zo anwomanyunlu; na mendele kɛ ɔlɛfa Tease Nyamenle ne yeaha ndane kɛ, “Saa ɛvolɛ nsa siane nsia ne dwu, na bɛwie Nyamenle menli ne kpɔdekpɔde yɛ a, ɛhye mɔ amuala bayɛ zɔhane.”

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 8:14

Ɔbuale ye kɛ, “Ɔbava kenle kɔkɔlɛ apenle ko ɛya ko abulanlu na ɛleka nwuanzanwuanza ne azia agyinla ye gyinlabelɛ dɛba ne.”

Dwowɛle Buluku ne 1:13

O sɛlɛvolɛma, bɛheda ɛrele na bɛzu, sonvolɛma mɔɔ sonle azukponle ne anwo, bɛzu. Bɛhɔ Ɛzonlenlɛ Sua ne anu, bɛheda ɛrele nɔe ne kɔsɔɔti, O me Nyamenle ne sonvolɛma! Ɔboalekɛ ma azubɔdeɛ nee nza azubɔdeɛ ɛwie bɛ Nyamenle ne Ɛzonlenlɛ Sua ne anu.

Dwona Buluku ne 3:5

Menli mɔɔ wɔ Nenɛvɛ la liele Nyamenle lile. Bɛ muala bɛliele bɛdole nuhua kɛ bɛkeda ɛrele, bɛahye ɛhɔne, mgbolema nee ahoahweabane, bɛ muala bɛhyele ɛhɔne bɛvale bɛhilele kɛ bɛnlu bɛ nwo.

Dwona Buluku ne 3:8

Awie biala ɛva ɛrele ɛheda, ɔva bie ɔhedɛheda ye nyɛmoa, na akee awie biala ɛyeye ye ahonle nu ɛzɛlɛ Nyamenle. Awie biala ɛgyakyi amumuyɛ nee ɛtane ɛyɛlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:26

Ɛnee mgbanyima abulasuu ne anu nwiɔ, Ɛledade nee Midade wɔ azokoɛleɛ ɛkɛ. Bɛmɛ, bɛangɔ Ɛdɛnkɛma Ndanlɛ Sua ne anu bie, noko sunsum ne dwule bɛ nwo zo wɔ azokoɛleɛ ɛkɛ ne manle bɛdabɛ bɛhanle Nyamenle nrɛlaleɛ.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Edwɛkpa ne kɛmɔ Mateyu hɛlɛle la 18:16

Saa yeamkponle a, fa sonla ko anzɛɛ menli nwiɔ boka ɛ nwo, amaa saa edwɛkɛ bie a menli nwiɔ ne anzɛɛ nsa ne ali wɔ daselɛ, kɛmɔ Nyamenle Edwɛkɛ ne se la.

Edwɛkpa ne kɛmɔ Luku hɛlɛle la 10:13

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Ɔluakɛ nwanwane ninyɛne mgbole mɔɔ bɛyɛle wɔ bɛ azua ne mɔ azo la saa bɛyɛle bie wɔ Taya nee Saedɛn a, anrɛɛ menli ne dɛnlanle aze, hedale ɛrele na bɛbɔle nzonle bɛhilele kɛ bɛnlu bɛ nwo wɔ bɛ ɛtane nwo.

Edwɛkpa ne kɛmɔ Luku hɛlɛle la 24:48

Bɛmɛ a bɛdi ninyɛne ɛhye mɔ anwo daselɛ a.

Dw 15:27

Na bɛdabɛ noko bɛbaha me nwo edwɛkɛ, ɔboalekɛ ɔvi mɔlebɛbo ne amuala, bɛ nee me a lua a.

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 13:31

na ɔyele ɔ nwo ɔhilele bɛdabɛ mɔɔ bɛ nee ye vi Galeli rale Gyɛlusalɛm la, na ɔmanle bɛnwunle ye fane dɔɔnwo. Na bɛmɛ yɛɛ kɛkala bɛdi ɔ nwo daselɛ bɛkile Yizilayɛma a.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

2 Kɔl 13:1

Ɛhye a tɔ zolɛ fane nsa mɔɔ melɛba mearakpɔla bɛ a. Nyamenle Edwɛkɛ ne se, “Ɔwɔ kɛ menli nwiɔ anzɛɛ nsa foa ɛzonle biala mɔɔ bɛkɛdo awie la azo di daselɛ.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

Mɛla 17:6

Saa bɛnyia menli nwiɔ anzɛɛ nsa di daselɛ tia ahenle mɔɔ ɔwɔ kɛ bɛku ye la ɛdeɛ a, ɛnee bɛhu ye; saa sonla ko ala di daselɛ tia ye a, yemɔ bɛmmaku ye.

Mɛla 19:15

“Saa bɛse awie ɛvo, anzɛɛ ɛdo mɛla bie anzɛɛ ɛyɛ nyɛleɛ ɛtane bie na dasevolɛ kokye ala a wɔ nwolɛ a, ɔnle kɛ bɛbua ahenle mɔɔ bɛdo ye ɛzonle ne la fɔlɛ. Saa menli nwiɔ anzɛɛ nsa di daselɛ tia ye a, ɛnee ɛzonle ne ɛli munli.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 11:2

Anrɛɛ mmasuzu alie nwo ɛkɛ ne ɛboka nwolɛ, ɔboalekɛ bɛva ɛkɛ ne bɛmaa bɛdabɛ mɔɔ bɛnzonle Nyamenle la. Zɛhae menli barava Suakpole Nwuanzanwuanza ye siane abulanla nee nwiɔ na bɛazie menli mɔɔ wɔ zolɛ la.

Yekile 11:6

Bɛlɛ tumi bɛto anwuma nu mɔɔ ezule ɛndɔ mekɛ tendenle biala mɔɔ bɛlɛka Nyamenle nrɛlaleɛ ne la. Eza bɛlɛ azɛlɛ ye azo nzule biala anwo zo tumi, bɛkola bɛkakyi ye bɛmaa ɔyɛ mogya; yɛɛ bɛlɛ tumi bɛfa ewule ngakyile biala bɛbato azɛlɛ ye azo wɔ mekɛ biala mɔɔ bɛkulo la.

Yekile 12:6

Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).

Yekile 13:5

Nane ne lile ɔ ti siane abulanla nee nwiɔ, na bɛmanle ye adenle bɛmanle ɔhehanle munzule edwɛkɛ ɛtane ɛtane ɔtietiale Nyamenle.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.