Yekile 11:2 - BAEBOLO ANZƐƐ BULUKU NWUANZANWUANZA

² Anrɛɛ mmasuzu alie nwo ɛkɛ ne ɛboka nwolɛ, ɔboalekɛ bɛva ɛkɛ ne bɛmaa bɛdabɛ mɔɔ bɛnzonle Nyamenle la. Zɛhae menli barava Suakpole Nwuanzanwuanza ye siane abulanla nee nwiɔ na bɛazie menli mɔɔ wɔ zolɛ la.

Yekile 11:2 ပူးပေါင်းရင်းမြစ်များ

Edwɛndolɛ Buluku ne 79:1

O Nyamenle, menli mɔɔ ɛnzonle wɔ la ɛrawolo wɔ agyadeɛ ye anu, bɛgua wɔ Ɛzonlenlɛ Sua nwuanzanwuanza ne anwo evinli; bɛbɔ Gyɛlusalɛm bɔkɔbɔkɔ.

Ayezaya Buluku ne 48:2

Bɛfa suakpole nwuanzanwuanza ne duma bɛfɛlɛ bɛ nwo, na bɛfa bɛ ti bɛsɔ Yizilayɛ Nyamenle ne; ye duma a le Tumivolɛ Ɛdɛnkɛma.

Ayezaya Buluku ne 5:5

“Akee meka meahile bɛ, mɔɔ meyɛ me vanye egyinli ne la ɛne. Mebubu ɛhane ne mɔɔ mehye ye nwolɛ la meamaa nane ali vanye ne. Bane biala mɔɔ melie ye nwolɛ la, mebubu ye meamaa bɛaratietia ma ne mɔ azo.

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Gyɛlɛmaya Awolɛyelɛ 1:10

Kpɔvolɛ ne ɛva ɔ sa ɛbɔ ye ninyɛne mɔɔ sonle bolɛ la anu; ɛhɛe, yenwu kɛ maanle maanle ne mɔ ɛva ye ɛleka nwuanzanwuanza ne aze; menli mɔɔ Ɛdɛnkɛma kyi bɛ la wolo ɛzonlenlɛ ayia ne anu.

Yizikeɛle Buluku ne 4:6

Saa ɛwie ɛhye a, ɛbahakyi ɛ nwo wɔala ɛhyɛne zo wɔ wɔ fema zo, na wɔanwu amaneɛ kenle abulanla wɔ Dwudama ati, kenle ko biala le wɔ ɛvolɛ ko amaneɛnwunlɛ.

Yizikeɛle Buluku ne 42:20

Ɔzuzule Ɛzonlenlɛ Sua ne tɛbanu nna ne amuala; ɔnyianle ye tendenle nu mita ɛya nwiɔ abulanlu yɛɛ ye tɛtɛlɛ nu zɔhane ala. Bane ne mɔɔ wɔ avinli la gya mɔɔ le nwuanzanwuanza nee mɔɔ anwo ɛnde la ɛweɛne.

Daneɛle Buluku ne 12:7

Nyamenle soanvolɛ ne kpogyale ɔ sa amu nwiɔ zo anwomanyunlu; na mendele kɛ ɔlɛfa Tease Nyamenle ne yeaha ndane kɛ, “Saa ɛvolɛ nsa siane nsia ne dwu, na bɛwie Nyamenle menli ne kpɔdekpɔde yɛ a, ɛhye mɔ amuala bayɛ zɔhane.”

Daneɛle Buluku ne 7:19

“Ɛnee mekulo kɛ menwu deɛ mɔɔ yemɔti nane ne mɔɔ tɔ zolɛ nna la le ngakyile bɔkɔɔ tɛla ɛhendeɛ ne mɔ la. Duzu ati a ɔ nwo yɛ ɛzulolɛ, ɔlɛ mbulalɛ egyele nee kɔbele ɛweɛlɛ mɔɔ ɔfa ɔtete nane na yeava ɔ gyakɛ yeatia mɔɔ kɛha la azo a?

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 8:10

Ɔnyinle tendenle kpalɛ ɔdwule anwumaneamra anu, na ɔhanle nwɔlɔra ne mɔ bie ɔguale aze ɔtietiale bɛ nwo zo.

Daneɛle Buluku ne 8:13

Nzinlii mendele kɛ Nyamenle soanvolɛ ko ɛlɛtendɛ na ko ɛlɛbiza ye kɛ, “Kenlenzu, mekɛ ne boni yɛɛ dahuu ɛyelalɛ azubɔdeɛ ne, mɛladonlɛ mɔɔ maa debie biala yɛ mgbane, yɛɛ ɛleka nwuanzanwuanza ne nee nuhua menli ne anwo zo ɛtietialɛ ɛnyelɛzodeɛnwunlɛ ne kɛgua a?”

Daneɛle Buluku ne 8:14

Ɔbuale ye kɛ, “Ɔbava kenle kɔkɔlɛ apenle ko ɛya ko abulanlu na ɛleka nwuanzanwuanza ne azia agyinla ye gyinlabelɛ dɛba ne.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:34

Bɛbanwu bɛ ɛtane ne anwo amaneɛ toonwo ɛvolɛ abulanla, ɛvolɛ ko biala gyi ɛkɛ maa kenle ko wɔ kenle abulanla ne mɔɔ bɛvale bɛkpɔlale azɛlɛ ne la. Ɛhye bamaa bɛanwu kɛ me ɛyavalɛ si de la.

Edwɛkpa ne kɛmɔ Mateyu hɛlɛle la 27:53

Mɔɔ Nyamenle dwazole Gyisɛse vile ewule nu la, bɛdabɛ noko bɛvile bɛ nla ne mɔ anu bɛvindele na bɛhɔle Suakpole Nwuanzanwuanza Gyɛlusalɛm azo, na bɛyele bɛ nwo bɛhilele menli dɔɔnwo.

Edwɛkpa ne kɛmɔ Mateyu hɛlɛle la 4:5

Abɔnsam vale Gyisɛse hɔle suakpole nwuanzanwuanza Gyɛlusalɛm azo, ɔvale ye ɔziele Ɛzonlenlɛ Sua ne ati zo twɔɔnwo ne azo anwuma,

Edwɛkpa ne kɛmɔ Mateyu hɛlɛle la 5:13

“Bɛmɛ a bɛle azɛlɛ ye azo ngyenle a. Ngyenle mɔɔ kɛda la bɛyɛ ye menlemenle bieko a ɔnyɛ boɛ. Bɛfa bɛyɛ ɛhwee a ɔnyɛ boɛ. Bɛto bɛgua na menli tietia zolɛ.

Edwɛkpa ne kɛmɔ Luku hɛlɛle la 21:24

Bie mɔ badɔ dadeɛ nloa, bɛbahye bie mɔ nuokɛ bɛ nee bɛ ahɔ maanɔne; menli mɔɔ ɛnze Nyamenle la barava Gyɛlusalɛm azɛlɛ ye adɛnla zo kɔkpula kɛ bɛ mekɛ kɛdwu la.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Yekile 11:11

Na kenle nsa nee foa ne anzi, ngoane ɛnwomenle vi Nyamenle ɛkɛ rawolole bɛ nu, na bɛdwazole, na ɛzulolɛ kpole hanle bɛdabɛ mɔɔ bɛnwunle bɛ la amuala.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Yekile 12:6

Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).

Yekile 21:10

Sunsum ne wolole me, na Nyamenle soanvolɛ ne vale me hɔle boka tendenle bie azo. Ɔhilele me Suakpole Nwuanzanwuanza Gyɛlusalɛm, kɛ ɔvi Nyamenle anwo lɔ anwuma na bɛlɛdwula ye aze,

Yekile 21:2

Na menwunle Suakpole Nwuanzanwuanza ne, mɔɔ le Gyɛlusalɛm fofolɛ ne, kɛ ɔvi Nyamenle ɛkɛ ne wɔ anwuma na bɛlɛdwula ye aze, bɛziezie ye kɛ atɔfolɛ mɔɔ bɛyɛ ye hyeleenyi na ɔkayia ɔ hu adenle la.

Yekile 22:19

Saa awie noko ye bie fi Nyamenle nrɛlaleɛ ne mɔɔ wɔ buluku ɛhye anu la anu a, Nyamenle baye ye afoa nu ngoane baka ne nee ye ɛleka ne mɔɔ wɔ suakpole nwuanzanwuanza ne azo, mɔɔ bɛha nwolɛ edwɛkɛ wɔ buluku ɛhye anu la avi ɛkɛ.