Yekile 11:18 - BAEBOLO ANZƐƐ BULUKU NWUANZANWUANZA

¹⁸ Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 11:18 ပူးပေါင်းရင်းမြစ်များ

Edwɛndolɛ Buluku ne 103:11

Ɔluakɛ kɛ anwuma nee azɛlɛ avinli si de tendenle nee kpole la, zɔhane ala yɛɛ ye ɛhulolɛ kpundii ne de maa menli mɔɔ sulo ye la a.

Edwɛndolɛ Buluku ne 110:5

Awulae gyi wɔ fema zo, ɔfa ɛya a ɔbabubu arelemgbunli.

Edwɛndolɛ Buluku ne 147:11

na Ɛdɛnkɛma anye die bɛdabɛ mɔɔ bɛsulo ye la anwo, bɛdabɛ mɔɔ bɛ anyelazo wɔ ye ɛhulolɛ kpundii ne anu la.

Edwɛndolɛ Buluku ne 2:5

Ɔfa ɛya ɔtendɛ ɔkile bɛ, ɔ nwo yelɛyela ye na ɔka bɛ ɛzulolɛ.

Edwɛndolɛ Buluku ne 85:9

Nɔhalɛ, ye ngoanelielɛ ne ɛbikye bɛdabɛ mɔɔ bɛsulo ye la, amaa anyunlunyia aha yɛ maanle ye.

Nolo 12:13

Bɛmaa yɛdie edwɛkɛ ne adwulaleɛ: Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.

Nolo 8:12

Ɛtanevolɛ yɛ ninyɛmunli fane ɛya na ye ngoane yɛ tendenle, noko meze kɛ ɔbayɛ boɛ yeamaa menli mɔɔ sulo Nyamenle la, ɔboalekɛ ɔ nyunlu, bɛsulo ye;

Daneɛle Buluku ne 11:44

Noko nrɛlaleɛ mɔɔ ɔbade yeavi aduduleɛ nee sɔlɔ la bamaa ye ahonle adu na yeava ɛya kpole yeahɔ bɛ nwo zo yeahɔzɛkye menli dɔɔnwo.

Daneɛle Buluku ne 7:26

Na ndɛnebuavolɛ ne baradɛnla aze, abua ndɛne alie ye belemgbunlililɛ ne ɔ sa nu, na bɛabɔ ɔ bo zo bɔkɔɔ.

Daneɛle Buluku ne 8:25

Kɛmɔ ɔ nwo yɛ ɛvɛlɛ la ati, ɔbamaa adalɛ alie ebia wɔ ye mekɛ zo. Ɔ ti akunlu bayɛ ye fɛ yeamaa yeamemaa ɔ nwo zo. Ɔnrɛbɔ menli kɔkɔ na yeava konle yeadoa bɛ. Ɔbamia ɔ nwo bɔbɔ yeava konle yeadoa arelemgbunli Belemgbunli ne. Noko awie ɛnrɛva ɔ sa ɛnrɛha ye bɔbɔ na yeakpo aze.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

Yekile 10:7

Saa Nyamenle soanvolɛ ne mɔɔ tɔ zolɛ nsuu la bɔ ye aweɛne tendenle ne anu a, Nyamenle ngyehyɛlɛ ne mɔɔ vea ɛkɛ ne la bara nuhua, kɛmɔ ɔhanle ɔhilele ye sonvolɛma kpɔmanvolɛma la.”

Yekile 11:2

Anrɛɛ mmasuzu alie nwo ɛkɛ ne ɛboka nwolɛ, ɔboalekɛ bɛva ɛkɛ ne bɛmaa bɛdabɛ mɔɔ bɛnzonle Nyamenle la. Zɛhae menli barava Suakpole Nwuanzanwuanza ye siane abulanla nee nwiɔ na bɛazie menli mɔɔ wɔ zolɛ la.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 13:16

Nane ne manle menli kɔsɔɔti, ngakula nee mgbanyinli, sukoavolɛma nee ehyianvolɛma, ahanra nee alehelɛ, nyianle nzonlɛ wɔ bɛ sa fema ne anwo anzɛɛ bɛ nwoma azo.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 15:7

Tease abɔdeɛ nna ne anu ko vale ezukoa nvutuke dwora nsuu ne mɔɔ Damɛnlangoate Nyamenle ne mɔɔ wɔ ɛkɛ dahuu la ɛya ne wɔ nu la manle bɛ.

Yekile 18:6

Bɛva mɔɔ ɔvale ɔyɛle bɛ la bie bɛyɛ ɔdaye, bɛdua ye kakɛ fane nwiɔ wɔ ye nyɛleɛ nwo, bɛmaa ɔnwu amaneɛ fane nwiɔ ɔdɛla mɔɔ ɔvale ɔhilele bɛ la.

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 19:18

Bɛrɛla bɛrali arelemgbunli nwonane, safohyenlema, nee ɛlɔnema nwonane, mgbɔnwɔ nane nee menli mɔɔ dede zo la nwonane, menli ngakyile kɔsɔɔti, ahanra nee alehelɛ, mgbole nee ngyikyi muala nwonane!”

Yekile 19:5

Ɛnelɛ bie vi belemgbunli ebia kpole ne anwo hanle kɛ, “Bɛmaa menli muala, mgbole nee ngyikyi, nee sonvolɛma mɔɔ sonle yɛ Nyamenle ne la ɛye yɛ Nyamenle ne ayɛlɛ!”

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.

Yekile 22:12

Gyisɛse zele kɛ, “Bɛdie! Ɔnrɛhyɛ biala na meara! Melɛ me sa nu ahatualɛ mebara na mearadua awie biala kakɛ wɔ gyima mɔɔ yeli la anwo.