Yekile 11:1 - BAEBOLO ANZƐƐ BULUKU NWUANZANWUANZA

¹ Akee bɛvale baka mɔɔ zɔho kpɔma na bɛfa bɛsuzu debie la bɛmanle me na bɛzele me kɛ, “Dwazo na suzu Nyamenle Ɛzonlenlɛ Sua ne nee azukponle ne, na tia menli mɔɔ ɛlɛsonle sua ne anu la.

Yekile 11:1 ပူးပေါင်းရင်းမြစ်များ

Ayezaya Buluku ne 28:17

Mebamaa pɛlepɛlelilɛ ayɛ ɛzuzulɛ nyɛma ne na tenleneyɛlɛ ayɛ ɔ ti bolɛ ne. Ezuawolɛ ahumu bapia ɛvealeka ɛtane ne ahɔ na nzule ayi ava bodane ne.”

Daneɛle Buluku ne 7:27

Ewiade belemgbunlililɛ ne nee tumi kɔsɔɔti bapɛ ali Anwuma Anwumanli ne menli ne asa anu. Bɛ belemgbunlililɛ ne ɛnrɛbɔ aze ɛlɛ, yɛɛ maanle maanle kɔsɔɔti barazonle bɛ ayɛ tieyɛ amaa bɛ.’

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

Yekile 10:11

Na bɛzele me kɛ, “Ɔwɔ kɛ ɛkɔbɔ Nyamenle Edwɛkɛ ne mɔɔ fane maanle maanle, aneɛ aneɛ, menli ngakyile, nee arelemgbunli nwo la nolo bieko.”

Yekile 21:15

Nyamenle soanvolɛ ne mɔɔ dendɛle hilele me la lɛ ezukoa nvutuke baka ɛzuzudeɛ kɛ ɔfa yeazuzu suakpole ne, anuhɔlɛ ne mɔ, yɛɛ ye bane ne mɔ.