Yekile 10:6 - BAEBOLO ANZƐƐ BULUKU NWUANZANWUANZA

⁶ na ɔvuale ɔhilele tease Nyamenle ne mɔɔ bɔle anwuma nee nuhua debie biala, azɛlɛ nee zolɛ debie biala, nee nyevile nee nuhua ninyɛne muala la kɛ, “Aze ɛzilɛ bieko ɛnle ɛkɛ!

Yekile 10:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:22

Ebilam zele Sodɔm belemgbunli ne kɛ, “Meha ndane mehile Ɛdɛnkɛma, Anwuma Anwuma Nyamenle ne mɔɔ bɔle anwuma nee aze la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:11

Ɔluakɛ medame Ɛdɛnkɛma, menvale kenle nsia a membɔle anwuma nee aze a, nyevile nee nuhua ninyɛne muala, na menliele me ɛnwomenle wɔ kenle nsuu ne azo. Yemɔti medame Ɛdɛnkɛma, menyilale Ɛnwomenlelielɛ Kenle ne na menyɛle ye nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:8

Mebava bɛ meahɔ azɛlɛ ne mɔɔ menganle ndane kɛ mebava meamaa Ebileham, Ayezeke, nee Gyekɔbo la azo. Mebava meamaa bɛ meamaa yeayɛ bɛ ɛdeɛ bɔkɔɔ. Medame a mele Ɛdɛnkɛma a.’ ”

Yizikeɛle Buluku ne 20:5

Ka kile bɛ kɛ, medame Awulae Nyamenle mese: Kenle mɔɔ memkpale nu menyele Yizilayɛma la, menganle ndane mengilele Gyekɔbo abo zo amra ne, na mengilele bɛ kɛ mesi mede la wɔ Yigyibiti azɛlɛ zo. Menganle ndane na menganle kɛ mame a mele Ɛdɛnkɛma bɛ Nyamenle ne a.

Daneɛle Buluku ne 12:7

Nyamenle soanvolɛ ne kpogyale ɔ sa amu nwiɔ zo anwomanyunlu; na mendele kɛ ɔlɛfa Tease Nyamenle ne yeaha ndane kɛ, “Saa ɛvolɛ nsa siane nsia ne dwu, na bɛwie Nyamenle menli ne kpɔdekpɔde yɛ a, ɛhye mɔ amuala bayɛ zɔhane.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:30

Menvale membɔle ɛwɔkɛ kɛ memaa bɛahɔdɛnla ɛkɛ, noko bɛ nuhua ko bɔbɔ agyakɛ ba ɛnrɛtia azɛlɛ ne azo, kyesɛ Gyɛfɛni ara nrenya Kalɛbe yɛɛ Nɛn ara nrenya Dwɔhyua ala.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 12:12

Zɔhane ati bɛmɛ anwumaneamra, nee bɛdabɛ mɔɔ bɛwɔ zolɛ la amuala, bɛli fɛlɛko! Na bɛmɛ azɛlɛ nee nyevile, bɛ gyakɔ! Ɔluakɛ Abɔnsam ɛdwu ɛra bɛ nwo lɔ, na ɛya kpole wɔ ye nuhua, ɔboalekɛ ɔze kɛ ye mekɛ ɛha ekyi bie ala.”

Yekile 16:17

Akee Nyamenle soanvolɛ ne mɔɔ tɔ zolɛ nsuu la wolale ye ɛdeɛ ne guale anwoma ne anu. Na ɛnelɛ kpole bie vi belemgbunli ebia kpole ne mɔɔ gyi Ɛzonlenlɛ Sua ne anu la anwo zele kɛ, “Bɛyɛ bɛwie!”

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.