Yekile 10:3 - BAEBOLO ANZƐƐ BULUKU NWUANZANWUANZA

³ na ɔvale ɛnelɛ mɔɔ dielie kɛ awenade ne la ɔdeanle nu kpole bie. Ɔdeanle nu ala la, maanle nu hulule fane nsuu.

Yekile 10:3 ပူးပေါင်းရင်းမြစ်များ

Edwɛndolɛ Buluku ne 29:3

Ɛdɛnkɛma ane dielie azule ne mɔ anye; anyunlunyia Nyamenle ne kuluhulu, Ɛdɛnkɛma ane dielie azule ne mɔ anye.

Mrɛlɛbulɛ Buluku ne 19:12

Belemgbunli fa ɛya a ɔle kɛ awenade mɔɔ ɛlɛkpo la, noko ye nyeleyɛlɛ le kɛ ɛbɔlɛ mɔɔ ɛdɔ ndile zo la.

Ayezaya Buluku ne 31:4

Ɔluakɛ Ɛdɛnkɛma zele me kɛ, “Kɛmɔ awenade, saa ɔle ekyi bɔbɔ na ɔkye nane na ɔlɛdi a, mboaneneavolɛma ekpunli ɛdeɛdeanlɛ ɛmkputi ye ahonle la, zɔhane ala yɛɛ medame Tumivolɛ Ɛdɛnkɛma mebaraho wɔ Zayɔn Boka nee ye awoka ngyikyi ne mɔ azo a.

Ayezaya Buluku ne 42:13

Ɛdɛnkɛma tudu ɔ gyakɛ kɛ ɔle katakyie, ɔle kɛ ɛlɔnenli mɔɔ ɛva ɛya; ɔtea nu, ɔtea nu ɛsesebɛ, ɔkile ye katakyie tumi ne wɔ ye kpɔvolɛma anwo zo.

Ayezaya Buluku ne 5:29

Bɛ ne alɛra le kɛ awenade mɔɔ ɛlɛtea la, na bɛtea kɛ awenade ngakula la. Bɛkulu bɛ bo na bɛtɔ mɔɔ bɛkye ye la anwo zo, bɛkye ye na bɛtwe ye bɛkɔ, yɛɛ awie ɛngola ɛnlie ye.

Gyɛlɛmaya Buluku ne 25:30

“Gyɛlɛmaya, ka nrɛlaleɛ ɛhye kɔsɔɔti tia menli ne kɛ: Medame Ɛdɛnkɛma, mebadea nu wɔ anwuma, mebadendɛ meavi me ɛleka nwuanzanwuanza ne; mebadea me menli ne nu kpole kpalɛ, kɛ sonla mɔɔ twihwi vanye ma nu nzule la meatia aleɛabo amra kɔsɔɔti.

Yizikeɛle Buluku ne 10:5

Saa awie wɔ findezo alie nwo nehane na ɔte abɔdeɛ ne mɔ andɛba mɔɔ bɛlɛbɔ nu la ane a, ɔle kɛ Nyamenle Bedevinli ne ɛlɛtendɛ la.

Hozia Buluku ne 11:10

“Saa metea me menli ne kpɔvolɛma ne mɔ nu kɛ awenade a, me menli ne akee badoa me bo zo. Saa metea nu a bɛbava anwowozolɛ bɛvi adɔleɛ bɛara.

Dwowɛle Buluku ne 3:16

Ɛdɛnkɛma kulu wɔ Zayɔn Boka; ɔ ne kpusu wɔ Gyɛlusalɛm, na anwuma nee azɛlɛ kpusu. Ɛdɛnkɛma le ye menli ne ɛvealeka, ɔle aranemgbole ɔmaa Yizilayɛma.

Emɔzo Buluku ne 1:2

Emɔso hanle kɛ, “Ɛdɛnkɛma kulu wɔ Zayɔn Boka; ɔ ne kpusu Gyɛlusalɛm. Mboaneneavolɛma adidileka ne mɔ ɛwe, Kamɛle Boka ne azo ndile ne mɔ ɛwu.”

Emɔzo Buluku ne 3:8

Awenade ne ɛkpo, nwane a ɛzulolɛ ɛnga ye a? Awulae Nyamenle ne ɛdendɛ, nwane a kɛkpo kɛ ɔnrɛha ye nrɛlaleɛ ne a?

Yekile 14:2

Na mendele ɛnelɛ bie vi anwuma mɔɔ dielie kɛ azule mɔɔ lua awolɛ zo ɛlɛsonyi agua na ɔlɛkulu kɛ bokile ezule la. Eza ɛnelɛ ne mɔɔ mendele la le kɛ menli dɔɔnwo ɛlɛbɔ getaa,

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 15:7

Tease abɔdeɛ nna ne anu ko vale ezukoa nvutuke dwora nsuu ne mɔɔ Damɛnlangoate Nyamenle ne mɔɔ wɔ ɛkɛ dahuu la ɛya ne wɔ nu la manle bɛ.

Yekile 4:5

Ɛsɛlɛmanye kpakye fi belemgbunli ebia kpole ne anwo finde, yɛɛ ɛnelɛ mgbole mɔɔ kulu kɛ bokile ezule la vi ebia kpole ne anwo finde. Tɛkɛ nsuu sɔ belemgbunli ebia kpole ne anwo, na bɛmɛ a le Nyamenle Sunsum nsuu ne.

Yekile 8:5

Nyamenle soanvolɛ ne akee vale azu mokyea ne anu samɛnlankɛ ne bie guale ɛyɛlɛ dwora ne anu na ɔvuandinle dwora ne ɔdole azɛlɛ ye azo. Na maanle nu hulule mgbole bie, ɛsɛlɛmanye kpakyele, na azɛlɛ kpusule.