Yekile 10:10 - BAEBOLO ANZƐƐ BULUKU NWUANZANWUANZA

¹⁰ Menliele nwoma ekyi ne wɔ Nyamenle soanvolɛ ne asa anu na menlile, na ɔyɛle me nloa anu menlemenle. Na mɔɔ ɔdwule me kunlu la ɔyɛle ɛnwonle.

Yekile 10:10 ပူးပေါင်းရင်းမြစ်များ

Edwɛndolɛ Buluku ne 104:34

Mesɛlɛ kɛ me nzɛlɛlɛ kɛzɔ ɔ nye, ɔluakɛ Ɛdɛnkɛma ati me nye die.

Edwɛndolɛ Buluku ne 119:103

Wɔ edwɛkɛ ne yɛ me fɛ somaa, ɔyɛ fɛ ɔtɛla wolɛ.

Edwɛndolɛ Buluku ne 19:10

Bɛ ɛkpondɛlɛ hyia tɛla ezukoa nvutuke, ɔtɛla ezukoa nvutuke tagyee bɔbɔ. Ɔyɛ fɛ ɔtɛla wolɛ, ɔpepe ɔtɛla wolɛ mɔɔ ɛwie da la.

Mrɛlɛbulɛ Buluku ne 16:24

Ɛdendɛlɛ kɛnlɛma le kɛ wolɛ ndɛlamoa, ɔyɛ ɛkɛla ne fɛ yɛɛ ɔmaa sonla te kpɔkɛ.

Yizikeɛle Buluku ne 2:10

Ɔdɛlɛle nwoma ne anu wɔ me nyunlu ɛkɛ, na ɛnee bɛhɛlɛ ɔ kunlu nee ɔ nzi amuala. Mɔɔ bɛhɛlɛle la le awolɛyelɛ, nyanelilɛ nee munzule edwɛkɛ ngome.

Yizikeɛle Buluku ne 3:14

Nyamenle Sunsum ne wolole me na ɔmanle me zo ɔhɔle. Ɛnee ɛya ɛhu me kpole. Na ɛnee Ɛdɛnkɛma Sunsum ne tumi ne wɔ me nwo zo kpole.

Yizikeɛle Buluku ne 3:3

Na ɔzele me kɛ, “Sonla ra, di nwoma ɛhye mɔɔ melɛfa meamaa wɔ la maa ɛ ko ɛyi.” Menlile, na ɔyɛle me nloa anu menlemenle kɛ wolɛ.

Yekile 10:11

Na bɛzele me kɛ, “Ɔwɔ kɛ ɛkɔbɔ Nyamenle Edwɛkɛ ne mɔɔ fane maanle maanle, aneɛ aneɛ, menli ngakyile, nee arelemgbunli nwo la nolo bieko.”

Yekile 10:9

Yemɔti mengɔle Nyamenle soanvolɛ ne anwo ɛkɛ na menzele ye kɛ ɔva nwoma ekyi ne ɔmaa me. Na ɔzele me kɛ, “Die na di. Ɔbayɛ ɛ nloa anu menlemenle kɛ dɔdɔ, na ɔdwu ɛ kunlu a ɔbayɛ ɛnwonle.”