Yekile 10:1 - BAEBOLO ANZƐƐ BULUKU NWUANZANWUANZA

¹ Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 10:1 ပူးပေါင်းရင်းမြစ်များ

Edwɛndolɛ Buluku ne 104:3

wɔzi wɔ sua wɔ anwuma nzule ne mɔ azo. Wɔva amungu ne mɔ wɔyɛ wɔ ɛkpɔnwɔ ehwili, na ɛtɛnla anwoma zo ɛkpɔsa.

Edwɛndolɛ Buluku ne 97:2

Amungu nee awozinli kabii ɛbɛnra ɛyia ye; ye belemgbunli ebia ne adiabo a le tenleneyɛlɛ nee pɛlepɛlelilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:10

Na mɔɔ Aalɔn dendɛle hilele Yizilayɛma ne la, bɛdole bɛ nye fienemgbole ne anu lɔ, na nea, Ɛdɛnkɛma anyunlunyia ne dale amungu ne anu.

Sɔlɔmɔn Edwɛne 5:15

Ye ɛzɔlɛ le kɛ alabaseta adoba mɔɔ gyigyi ezukoa nvutuke zo. Ɔgyi zo sengɔɔnwo kɛ Lɛbanɔn awoka nee sida mbaka.

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Ayezaya Buluku ne 54:9

“Ɔluakɛ ɛhye kakye me Nowa mekɛ zo, mɔɔ menganle ndane kɛ menrɛmaa nzule mɔɔ le kɛ Nowa mekɛ zo ɛdeɛ ne la ɛnrɛyi ɛnrɛva azɛlɛ ye bieko la. Yemɔti meha ndane kɛ menrɛva ɛ nwo ɛya bieko, yɛɛ menrɛhwi ɛ nyunlu bieko.

Gyɛlɛmaya Awolɛyelɛ 3:44

wɔva amungu wɔheda ɛ nwo, yemɔti ɛnde yɛ nzɛlɛlɛ biala.

Yizikeɛle Buluku ne 1:28

Wienyi ne le kɛ ezule mɔɔ ɛmunla la nyangondonle ne mɔɔ kɛdo la. Kɛ Ɛdɛnkɛma anyunlunyia ne sɔhovolɛ de la ɛne. Mɔɔ menwunle ɛhye la, membutule me nye aze, na mendele awie ane kɛ ɔlɛtendɛ.

Daneɛle Buluku ne 10:6

Ye sonlabaka ne ta kɛ bɛlele ezukoa bolɛ, yɛɛ ɔ nyunlu maanle ne ta kɛ ɛsɛlɛmanye, ɔ nye sɔ kɛ tɛkɛ, yɛɛ ɔ sa nee ɔ gyakɛ anwo ta kɛ kɔbele mɔɔ bɛdu nu la; ɔ ne dielie kɛ menli ɛwolaa bie ane la.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Edwɛkpa ne kɛmɔ Luku hɛlɛle la 21:27

Na akee bɛbanwu medame, Sonla Ra kɛ melua amungu ne anu, melɛ tumi nee anyunlunyia kpole melɛba.

Ɛzoanvolɛma Gyima ne 26:13

Na wɔ adevinli ne, kɛyɛ sɛnzɛngyinla, Nana, yɛɛ menwunle kɛ wienyi mɔɔ ta tɛla sɛnzɛne la, vi anwuma ɛrabɛnra ɛyia me nee menli mɔɔ me nee bɛ lua la a.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 18:1

Ɛhye anzi menwunle kɛ Nyamenle soanvolɛ ko noko vi anwuma ɛlɛdwu aze. Ɔlɛ tumi kpole, na kɛ ɔ nwo si ta la manle ewiade ye amuala yɛle wienyi.

Yekile 18:21

Akee Nyamenle soanvolɛ anwo ɛzulolɛ ko manle bolɛ totohyia ko mɔɔ le kɛ ɛdibolɛ la zo na ɔvuandinle ɔdole nyevile ne anu, ɔse: “Kɛ bɛbavuandi suakpole Babelɔn bɛado la ɛne, na bɛnrɛnwu ye bieko.”

Yekile 20:1

Akee menwunle kɛ Nyamenle soanvolɛ ko vi anwuma ɛlɛdwu, na ɔlɛ azɛlɛ kuma ne mɔɔ ɛnlɛ ɔ bo la sanvɛ ne nee nwɔnzɔnwɔnzɔ kpole bie ɔ sa nu.

Yekile 4:3

Ahenle ne mɔɔ de belemgbunli ebia kpole ne azo la anyunlu ta kɛ ezukoa awolɛ ne mɔɔ bɛfɛlɛ bɛ “gyasepa” nee “kanɛlea” la, na nyangondonle kɛnlɛma mɔɔ zɔho ezukoa bolɛ ne mɔɔ bɛfɛlɛ ye “ɛmelade” la ɛdo ɛbɛnra ɛyia belemgbunli ebia kpole ne.

Yekile 5:2

Na menwunle Nyamenle soanvolɛ mɔɔ anwo yɛ ɛzulolɛ la ko, na ɔhanle ye kpole kpalɛ kɛ, “Nwane a fɛta na ɔkɛhola ɔkɛwaye ɛyɛlɛ ne na ɔkɛbuke nwoma ne anu a?”

Yekile 8:13

Na memanle me ti zo la, mendele kɔleɛ kpole bie mɔɔ ɛdu faa la ane wɔ nyamenle ne ako abo nehane kɛ ɔlɛtea nu yeaha kɛ, “Bɛ gyakɔ! Bɛ gyakɔ! Bɛ gyakɔ! Saa Nyamenle soanvolɛma nsa ne mɔɔ ɛha la bɔ bɛ aweɛne ndendenle ne mɔ anu a, bɛdabɛ mɔɔ bɛde azɛlɛ ye azo la, bɛ gyakɔ!”