Yekile 1:8 - BAEBOLO ANZƐƐ BULUKU NWUANZANWUANZA

⁸ Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 1:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:3

Nyamenle Bedevinli ne ɛyila wɔ na ɔmaa wɔ mralɛ dɔɔnwo na bɛyɛ mɔnwo amaa bɛayɛ ɛlɔne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:11

Na Nyamenle zele ye kɛ, “Mame a mele Nyamenle Bedevinli ne a. Ɛbanyia ɛ bo zo amra dɔɔnwo na bɛ nwo azo. Ɛbayɛ maanle na maanle maanle dɔɔnwo vi wɔ nuhua bavinde, na arelemgbunli vi wɔ nuhua avinde.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:14

Nyamenle Bedevinli ne ɛmaa nrenya ne ɛnwu bɛ anwunvɔne na ɔmaa bɛ nee bɛ diema ko ne nee Bɛngyaman ɛzia ɛrɛla. Saa me mra ne mɔ fi me sa ala a, ɛnee mewie ala ɛne.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:3

Gyekɔbo zele Dwosefi kɛ, “Nyamenle Bedevinli ne yele ɔ nwo hilele me wɔ Lɛze mɔɔ wɔ Keena maanle nu la na ɔyilale me, ɔzele me kɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:25

Ɛ ze Nyamenle ne ɛnlea ɛ nwo zo, Nyamenle Bedevinli ne ɛdɔ nyilalɛ dɔɔnwo vi anwuma ɛgua ɛ nwo zo. Ɔva nyilalɛ ɔvi azɛlɛ buma nu ɔrɛlɛ wɔ, Ɔmaa wɔ nyɛfonlɛ nloa nee ɛkolɛ nu nyilalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14

Nyamenle zele Mosisi kɛ, “Medame a le Medame.” Na ɔzele kɛ, “Ka ɛhye kile Yizilayɛma kɛ, ‘Medame ɛzoa me bɛ nwo ɛke!’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:3

Menyele me nwo mengilele Ebileham, Ayezeke, nee Gyekɔbo kɛ Tumivolɛ Nyamenle, noko me duma, Ɛdɛnkɛma ne, meammaa bɛannwu ye.

Ayezaya Buluku ne 41:4

Ɔvi tete, wɔ awolɛndoazo muala anu, nwane a ɛyɛ ɛhye a? Medame Ɛdɛnkɛma ɔ, mele mɔlebɛbo, mele awieleɛ. Medame mumua ne ɛne.

Ayezaya Buluku ne 43:10

Ɛdɛnkɛma se, “Bɛmɛ Yizilayɛma, bɛle me alasevolɛ nee me sonvolɛma mɔɔ mekpa nu meye bɛ, amaa bɛanwu ye na bɛalie me bɛali, na bɛade ɔ bo kɛ medame a mele Nyamenle a. Ɛye me a, nyamenle biala ɛnle ɛkɛ mɔɔ li me nyunlu, yɛɛ bie vi me nzi ɛnrɛra.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Ayezaya Buluku ne 48:12

Ɛdɛnkɛma se, “O Gyekɔbo abo zo amra, bɛdie me! Yizilayɛma mɔɔ medame mevɛlɛ bɛ, bɛdie me! Medame a mele Nyamenle a, medame a mele mɔlebɛbo ne nee awieleɛ ne a.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:4

Yemɔ a ɔte Nyamenle edwɛkɛ, Na ɔnwu Tumivolɛ ne ɛnyelɛzodeɛnwunlɛ ne la, Yedɔ aze, noko ɔ nye ɛtɛkedale.

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 11:17

bɛhanle kɛ, “Awulae Nyamenle Bedevinli mɔɔ ɛnee ɛwɔ ɛkɛ na ɛwɔ ɛkɛ kɛkala a! Yɛyɛ wɔ mo kɛ wɔmaa wɔ tumi ne zo na wɔbɔ ɔ bo kɛ ɛdi belemgbunli a!

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 16:14

Bɛle sunsum ɛtane mɔɔ kola yɛ nwanwane ninyɛne a. Na bɛluolua nu bɛkpɔsa arelemgbunli mɔɔ wɔ ewiade la amuala anwo zo na bɛboɔboa bɛ nloa kɛ bɛbaho Nyamenle Bedevinli ne Kenle kpole ne anu.

Yekile 16:7

Na mendele ɛnelɛ bie vi azukponle ne anwo ɛkɛ, ɔse, “Awulae Nyamenle Bedevinli, wɔ ndɛnebualɛ le nɔhalɛ, ɔle fɔɔnwo amgba!”

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 19:6

Akee mendele debie bie mɔɔ le kɛ menli dɔɔnwo ane, kɛ azule kpole bie mɔɔ lua awolɛ zo ɛlɛsonyi gua, na ɔlɛkulu kɛ bokile ezule la, bɛse, “Bɛye Nyamenle ayɛlɛ! Ɔluakɛ Awulae, yɛ Nyamenle Bedevinli ne le Belemgbunli!

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 22:13

Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne.”

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”