Yekile 1:7 - BAEBOLO ANZƐƐ BULUKU NWUANZANWUANZA

⁷ Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 1:7 ပူးပေါင်းရင်းမြစ်များ

Dwobu Buluku ne 33:26

anrɛɛ sonla sɛlɛ Nyamenle a, ɔtie ye; na ɔfa fɛlɛkolilɛ ɔba Nyamenle anyunlu bieko. Ɔbɔ ye ngoanelielɛ ne nolo ɔkile menli,

Edwɛndolɛ Buluku ne 22:16

Ɛhɛe, ahwea ɛbɔ ɛyia me; amumuyɛma kpolane ɛbɔ ɛyia me; bɛfitifiti me sa nee me gyakɛ anu.

Edwɛndolɛ Buluku ne 68:1

Nyamenle ɛdwazo ɔmaa ye kpɔvolɛma ɛbɔ asande; menli mɔɔ kyi ye la ɛnriandi ɛvi ɔ nyunlu!

Edwɛndolɛ Buluku ne 97:2

Amungu nee awozinli kabii ɛbɛnra ɛyia ye; ye belemgbunli ebia ne adiabo a le tenleneyɛlɛ nee pɛlepɛlelilɛ.

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Nahum Buluku ne 1:3

Ɛdɛnkɛma ɛnva ɛya mgbane mgbane, noko ɔlɛ tumi kpole kpalɛ; ɔnrɛmaa mɔɔ di fɔlɛ la ɛnrɛva ɔ nwo dwɔɔ. Ye adenle la ahumu nee ahumuakyima nu, yɛɛ ɔ gyakɛ abo munlutu a le amungu.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Zɛkalaya Buluku ne 12:11

Mekɛ ne anu nyanelilɛ mɔɔ bara Gyɛlusalɛm la bayɛ kɛ nyane ne mɔɔ bɛlile wɔ Heedadelemɔn mɔɔ wɔ Mɛgedo fienemgbole nu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:17

Menwu ye, na tɛ kɛkala ɔ; Me nye gyi nwo, noko ɔmbikye. Belemgbunli bavinde Yizilayɛ, Tumi kpole badwazo Yizilayɛ. Ɔbali Mowabe mgbanyima anwo zo konim Na yeabɛlɛ Sɛte abo zo amra aze.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 24:30

Na akee medame Sonla Ra, me nwo sɛkɛlɛneɛ bavinde anwomanyunlu; menli muala mɔɔ wɔ aleɛabo la bali nyane wɔ mekɛ mɔɔ bɛkɛnwu medame Sonla Ra kɛ melua amungu nu na melɛ tumi nee anyunlunyia kpole melɛba la.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Maake hɛlɛle la 13:26

Akee bɛbanwu medame Sonla Ra kɛ melua amungu nu melɛba wɔ tumi bedevinli nee anyunlunyia nu.

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Luku hɛlɛle la 21:27

Na akee bɛbanwu medame, Sonla Ra kɛ melua amungu ne anu, melɛ tumi nee anyunlunyia kpole melɛba.

Dw 19:34

Na sogyama ne mɔ anu ko wɔle Gyisɛse anvenle atwɛ, na ɛkɛ ne ala mogyanzule hwinle guale.

Dw 19:37

Eza Nyamenle Edwɛkɛ ne ko noko se, “Menli anye banwu mɔɔ bɛwɔle ɔ nvenle atwɛ la.”

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Kɛlata mɔɔ bɛhɛlɛle bɛhɔmanle Hibuluma la 6:6

Ɔyɛ se kɛ awie kɛhola kɛmaa bɛkɛnlu bɛ nwo bieko a, ɔboalekɛ bɛbɔ Nyamenle Ara ne meanubaka nu dahuu na bɛgua ɔ nyunlu aze wɔ menli nu.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

Dwuudu Kɛlata ne 1:14

Yinɔko mɔɔ le Adam angabɛnzo mɔɔ tɔ zolɛ nsuu la hanle bɛ nwo edwɛkɛ dɛba kɛ, “Awulae nee ye soanvolɛma nwuanzanwuanza apenle apenle bara

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 22:4

Bɛnwu ɔ nyunlu, yɛɛ ye duma wɔ bɛ nwoma azo.

Maanlebuvolɛma Buluku ne 5:31

O Ɛdɛnkɛma, maa menli mɔɔ kpɔ wɔ la abo zo ɛbɔ, na maa bɛdabɛ mɔɔ bɛkulo wɔ la ɛda wienyi kɛ mangyee sɛnzɛne. Na anzonudwolɛ rale maanle ne anu ɛvolɛ abulanla.