Yekile 1:3 - BAEBOLO ANZƐƐ BULUKU NWUANZANWUANZA

³ Nyilalɛ ɛha sonla ne mɔɔ kɛkpogya ɔ ne zo kɛgenga Nyamenle nrɛlaleɛ ɛhye kɛhile awie mɔ la, yɛɛ nyilalɛ ɛha bɛdabɛ noko mɔɔ bɛkɛdie na bɛkɛva mɔɔ wɔ nu la bɛkɛzie na bɛkɛli zolɛ la! Ɔluakɛ mekɛ mɔɔ ɛhye mɔ basisi la ɛbikye.

Yekile 1:3 ပူးပေါင်းရင်းမြစ်များ

Mrɛlɛbulɛ Buluku ne 8:34

Sonla mɔɔ tie me ne, mɔɔ dahuu gyi me nlenkɛ mgbole nloa, na ɔkendɛ me wɔ me anuhɔlɛ la bali fɛlɛko.

Gyɛlɛmaya Buluku ne 51:61

Na ɔhanle ɔhilele Sɛlaya kɛ, “Saa ɛdwu Babelɔn a nea na kenga edwɛkɛ ɛhye mɔ amuala,

Edwɛkpa ne kɛmɔ Mateyu hɛlɛle la 24:15

“Saa bɛnwu ‘Munzudeɛ ne mɔɔ bɔ maanle’, mɔɔ Nyamenle kpɔmanvolɛ Daneɛle hanle nwolɛ edwɛkɛ la kɛ ɔgyi ɛleka nwuanzanwuanza ne a, (Kengavolɛ, te ɛhye abo!)

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

Wulo 13:11

Ɛhye mɔ amuala anzi, ɔwɔ kɛ bɛnwu kɛ mekɛ ɛdwu mɔɔ ɔwɔ kɛ bɛfi nafelɛ nu bɛdwazo a. Ɔluakɛ ngoanelielɛ mekɛ ne ɛbikye ɛdɛla kɛmɔ yɛzuzule ye wɔ mekɛ mɔɔ yɛlumuale yɛnyianle diedi ne la.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.

Yekile 22:10

Eza ɔzele me kɛ, “Mmafa Nyamenle edwɛkɛ ne mɔɔ wɔ buluku ɛhye anu la ɛfea, ɔluakɛ mekɛ mɔɔ ɛha na ɛhye azi la le ekyi.

Yekile 22:12

Gyisɛse zele kɛ, “Bɛdie! Ɔnrɛhyɛ biala na meara! Melɛ me sa nu ahatualɛ mebara na mearadua awie biala kakɛ wɔ gyima mɔɔ yeli la anwo.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.