Yekile 1:20 - BAEBOLO ANZƐƐ BULUKU NWUANZANWUANZA

²⁰ Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 1:20 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:37

Bɛyɛ ahɛnlaneɛ nsuu bɛziezie kɛnlaneɛ baka ne azo bɛmaa bɛda bɛgua ɔ nyunlu fɔɔnwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:23

Ɔyɛle kɛnlaneɛ baka ne anwo ahɛnlaneɛ nsuu, yɛɛ ɔvale ezukoa nvutuke tagyee ɔyɛle nwolɛ dabekɛ nee ahyɛnze ndɛbandɛba.

Zɛkalaya Buluku ne 4:2

Na ɔbizale me kɛ, “Duzu a ɛnwu ye a?” Membuale ye kɛ, “Menwu ezukoa nvutuke kɛnlaneɛbaka, dwora gyi zolɛ, na ahɛnlaneɛ nsuu gyigyi zolɛ. Kɛnlaneɛ ne mɔ mɔɔ gyigyi kɛnlaneɛbaka ne azo la, ko biala anloa nsuu.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Luku hɛlɛle la 8:10

na ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ mɔɔ vea la ali wienyi ɛhile bɛ, na menli mɔɔ ɛha la bɛte ye wɔ mrɛlɛ nu, amaa bɛnea a bɛannwu ye, yɛɛ bɛtie a bɛande ɔ bo.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Yekile 1:11

Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 17:5

Bɛhɛlɛ duma bie mɔɔ ye ndelebɛbo vea la bɛgua ɔ nwoma azo. Yemɔ a le, “Babelɔn mɔɔ ɛlie duma, tuutuuma bɛ nli nee ewiade bɛkyi ninyɛndane.”

Yekile 17:7

Nyamenle soanvolɛ ne bizale me kɛ, “Duzu ati a ɛhye ɛzi ɛ nwo ɛ? Mebahile wɔ raalɛ ne, nee nane ati nsuu ne mɔɔ lɛ mɛne bulu ne mɔɔ ɔde zolɛ la abo.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.