Yekile 1:18 - BAEBOLO ANZƐƐ BULUKU NWUANZANWUANZA

¹⁸ Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 1:18 ပူးပေါင်းရင်းမြစ်များ

Dwobu Buluku ne 19:25

Ɔluakɛ meze kɛ me Dievolɛ ne de aze, na ɔka kenle ko a ɔbalie me;

Dwobu Buluku ne 38:17

Asoo bɛye ɛbolɔ nlenkɛ ne mɔ bɛhile wɔ ɛlɛ, anzɛɛ wɔnwu awozinli kabikabi nlenkɛ ne mɔ ɛlɛ?

Edwɛndolɛ Buluku ne 18:46

Ɛdɛnkɛma de aze! Ayɛlɛyelɛ ɛha me Pepɛdievolɛ ne! Bɛbɔ me ngoanelielɛ Nyamenle ne kpoleyɛlɛ ne nolo!

Edwɛndolɛ Buluku ne 68:20

Yɛ Nyamenle ne le ngoanelielɛ Nyamenle; na yɛ Awulae Nyamenle ne ati, yɛɛ yɛkola yɛnriandi ewule a.

Ayezaya Buluku ne 22:22

Mebava Devidi awuke nu sanvɛ ne meamaa ye; ɔbabuke, na awie biala ɛnrɛhola nuhua to; ɔbado nu, na awie biala ɛnrɛhola ye buke.

Edwɛkpa ne kɛmɔ Mateyu hɛlɛle la 11:23

Na bɛmɛ mɔɔ bɛwɔ Kapɛnayɛm la, bɛkpondɛ kɛ bɛkɔ Nyamenle maanle ne anu ɔ? Kyɛkyɛ! Bɛbavuandi bɛ bɛagua ɛbolɔ senle nu. Nwanwane gyima mɔɔ bɛyɛle wɔ bɛ sua zo la, saa bɛyɛle bie wɔ Sodɔm a, anrɛɛ ɛnɛ nee ɛnɛ ala sua zɔhane tɛbɔ ɛkɛ.

Edwɛkpa ne kɛmɔ Mateyu hɛlɛle la 16:19

Mebava Anwuma Belemgbunlililɛ ne azanvɛ ne meawula ɛ sa nu; mɔɔ ɛkɛkyekye ye wɔ aze ɛke la, bɛkɛkyekye ye wɔ anwuma lɔ, mɔɔ ɛkɛtulu ye wɔ aze ɛke noko la, bɛkɛtulu ye wɔ anwuma lɔ.”

Edwɛkpa ne kɛmɔ Luku hɛlɛle la 24:5

Ɛzulolɛ hanle bɛ la ati, bɛbutubutule bɛ nye aze, na menli ne mɔ bizale bɛ kɛ, “Duzu ati a bɛlɛkpondɛ mɔɔ de aze la wɔ mɔwuamra anu ɛ?

Dw 11:25

Gyisɛse zele ye kɛ, “Mame a mele ewudwazo ne nee ngoane ne a. Mɔɔ kɛlie me kɛli la, saa ɔwu bɔbɔ a ɔkɛnyia ngoane;

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Wulo 6:9

Yɛze kɛ bɛdwazo Kelaese bɛvi ewule nu na ɔnrɛwu bieko; ewule ɛnlɛ ɔ nwo zo tumi bieko.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 7:16

Tɛ sonla ngyehyɛlɛ nee amaamuo zo a ɔlua mɔɔ bɛyɛle Mɛlekezidɛke sɛlɛvolɛ a, na ɔlua tumi mɔɔ ngoane mɔɔ ɛnlɛ awieleɛ la lɛ ye la azo a bɛwulale ye sɛlɛvolɛ a.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Yekile 10:6

na ɔvuale ɔhilele tease Nyamenle ne mɔɔ bɔle anwuma nee nuhua debie biala, azɛlɛ nee zolɛ debie biala, nee nyevile nee nuhua ninyɛne muala la kɛ, “Aze ɛzilɛ bieko ɛnle ɛkɛ!

Yekile 15:7

Tease abɔdeɛ nna ne anu ko vale ezukoa nvutuke dwora nsuu ne mɔɔ Damɛnlangoate Nyamenle ne mɔɔ wɔ ɛkɛ dahuu la ɛya ne wɔ nu la manle bɛ.

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 20:13

Nyevile kpule menli mɔɔ yeva bɛ la. Ewule nee Ɛbolɔ yele bɛ ɛdeɛ mɔɔ bɛvale bɛziele la vindele, na bɛbuale bɛ muala ndɛne wɔ mɔɔ bɛyɛle la anwo.

Yekile 20:14

Akee bɛvuandinle Ewule nee Ɛbolɔ bɛguale senle tandane ne anu. Senle ɛhye a le ewule ne mɔɔ tɔ zolɛ nwiɔ la.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.

Yekile 4:9

Saa tease abɔdeɛ nna ɛhye mɔ to bɛ anyunlunyia, enililɛ nee moyɛlɛ edwɛne ne maa mɔɔ de aze dahuu na ɔde belemgbunli ebia kpole ne azo la a,

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.

Yekile 6:8

Meneanle, na menwunle sonla bie mɔɔ bɛfɛlɛ ye Ewule, kɛ ɔde ɛkpɔnwɔ nzonle bie azo ɔlɛba. Ɛbolɔ li ɔ nzi ɛkɛ ne ala. Bɛhyɛle azɛlɛ ye anu nna na bɛmanle bɛ tumi kɛ bɛva dadeɛ, ɛhɔne, anwonyane nee nanemgbole bɛhu menli mɔɔ wɔ ko azo la amuala.

Yekile 9:1

Akee Nyamenle soanvolɛ ne mɔɔ tɔ zolɛ nnu la bɔle ye aweɛne tendenle ne anu. Na menwunle kɛ ɛwɔlɔra bie vi anwuma ɛdu ɛradɔ azɛlɛ ye azo, na bɛva azɛlɛ kuma ne mɔɔ ɛnlɛ ɔ bo la sanvɛ ne bɛwula ɔ sa nu.

1 Sam 2:6

Ɛdɛnkɛma a ku a yɛɛ ɔdaye a ɔmaa ngoane a; ɔmaa menli kɔ mɔwuamra sua zo, na ɔfa bɛ ɔsia ɔba file zo.