Yekile 1:16 - BAEBOLO ANZƐƐ BULUKU NWUANZANWUANZA

¹⁶ Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 1:16 ပူးပေါင်းရင်းမြစ်များ

Dwobu Buluku ne 38:7

Kenle ko ne aleɛbahye nwɔlɔra bɔle nu dole edwɛne, na Nyamenle amra kɔsɔɔti vale fɛlɛkolilɛ deɛdeanle nu.

Edwɛndolɛ Buluku ne 45:3

Fa wɔ dadeɛ ne kenda ɛ bo anwo, O katakyie, wɔ wɔ anyunlunyia nee wɔ belemgbunlililɛ nu.

Sɔlɔmɔn Edwɛne 6:10

Nwane ɔ, mɔɔ ɔ nye pɛ kɛ aleɛbahye la? Ɔle kɛnlɛma kɛ siane, na ɔta kɛ sɛnzɛne, ɔ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Ayezaya Buluku ne 11:4

Ɔbabua ehyianvolɛma ndɛne pɛlepɛle nu, na yeabua awienvolɛma ndɛne pɛpɛ; ɔbava ɔ nloa yeayɛ baka yeadea azɛlɛ ye azo ɛtanema, yeava ɔ nloa edwɛkɛ yeahu amumuyɛma.

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Ayezaya Buluku ne 49:2

Ɔmanle me nloa edwɛkɛ yɛle nla kɛ konle dadeɛ, ɔvale me ɔveale ye tumi bo; ɔmanle menyɛle kɛ ɛda baka, ɔvale me ɔveale ye boa nu.

Daneɛle Buluku ne 12:3

Nrɛlɛbɛvolɛma mɔɔ wɔ nu la bada kɛ sɛnzɛne, yɛɛ bɛdabɛ mɔɔ bɛhilehile menli kpalɛyɛlɛ adenle la bada kɛ nwɔlɔra la wɔ mekɛ mɔɔ ɛnlɛ awieleɛ.

Daneɛle Buluku ne 8:10

Ɔnyinle tendenle kpalɛ ɔdwule anwumaneamra anu, na ɔhanle nwɔlɔra ne mɔ bie ɔguale aze ɔtietiale bɛ nwo zo.

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Ɛzoanvolɛma Gyima ne 26:13

Na wɔ adevinli ne, kɛyɛ sɛnzɛngyinla, Nana, yɛɛ menwunle kɛ wienyi mɔɔ ta tɛla sɛnzɛne la, vi anwuma ɛrabɛnra ɛyia me nee menli mɔɔ me nee bɛ lua la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:17

Bɛva ngoanelielɛ ahyɛlɛdeɛ ne bɛyɛ bulalɛ kyɛlɛ bɛzoa na bɛva Nyamenle Edwɛkɛ ne kɛ konle dadeɛ mɔɔ Sunsum ne fa maa la.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 12:1

Akee nwanwane sɛkɛlɛneɛ kpole bie vindele anwomanyunlu. Raalɛ bie mɔɔ ɛva sɛnzɛne ne ɛyɛ ɛdanlɛ ɛheda, ɔ gyakɛ gyigyi siane ne azo, na yeva nwɔlɔra bulu nee nwiɔ yeyɛ abɔtile yebɔ la

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 19:21

Na mɔɔ de ɛkpɔnwɔ fufule ne azo la vale dadeɛ ne mɔɔ zia ɔ nloa anu la hunle nane ne ɛlɔnema mɔɔ hale la amuala; na nloma ne mɔ amuala ralile bɛ nwonane ne manle bɛ ko yile.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:16

Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

Maanlebuvolɛma Buluku ne 3:16

Yihɛde bɔle dadeɛ anye nwiɔ, mɔɔ ye tendenle kɛyɛ mita foa ko la, na ɔvale ɔkyekyele ye ɛzɔlɛ fema ne anwo na ɔwulale ye tɛladeɛ ne ɔguale zolɛ.

Maanlebuvolɛma Buluku ne 5:31

O Ɛdɛnkɛma, maa menli mɔɔ kpɔ wɔ la abo zo ɛbɔ, na maa bɛdabɛ mɔɔ bɛkulo wɔ la ɛda wienyi kɛ mangyee sɛnzɛne. Na anzonudwolɛ rale maanle ne anu ɛvolɛ abulanla.