Yekile 1:13 - BAEBOLO ANZƐƐ BULUKU NWUANZANWUANZA

¹³ Debie mɔɔ le kɛ sonla la gyi bɛ avinli, ɔwula tɛladeɛ tendenle mɔɔ dwu ye aze na yeva ezukoa nvutuke akyeso yehye ye avinli.

Yekile 1:13 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:5

Bɛvale ninyɛne ko ne ala bie bɛnwonle akyeso bɛzɔle yifɔdo ne bɛmanle ɔ nee ye yɛle debie ko, kɛmɔ Ɛdɛnkɛma hanle hilele Mosisi ala la.

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Daneɛle Buluku ne 10:16

Na Nyamenle soanvolɛ bie mɔɔ le kɛ sonla la vale ɔ sa hanle me nloa na membukele me nloa mendendɛle. Menganle mengilele ahenle ne mɔɔ gyi me nyunlu ɛkɛ ne la kɛ, “Me menle, ɛnyelɛzodeɛnwunlɛ ɛhye ɛmaa me nwo amuala ɛlɛfofo me, menlɛ anwosesebɛ biala.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Sɛlɛ 8:7

Ɔvale Sɛlɛvolɛ Kpanyinli tɛladeɛ ɔwulale Aalɔn, na ɔvale tabule ne ɔhyele zo, ɔvale tɛladeɛ aguzo ne ɔkpolole ye, ɔvale yifɔdo ne ɔwulale ye na ɔvale ye akyeso ne mɔɔ bɛnwo ye kɛnlɛma bie la ɔhyele zolɛ.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.

Yekile 14:14

Akee mendole me nye, na menwunle amungu fufule nwohyee bie, na debie bie mɔɔ le kɛ sonla la de zolɛ, ɔbɔ ezukoa abɔtile na ɔlɛ ɛdedadeɛ nlane bie ɔ sa nu.

Yekile 15:6

Nyamenle soanvolɛma nsuu ne mɔɔ wula adɛladeɛ fufule nwohyee na bɛva ezukoa nvutuke akyeso bɛhye bɛ avinli la vi Ɛzonlenlɛ Sua ne anu vindele, bɛdedɛ amaneɛnwunlɛ ngakyile nsuu ne bɛ sa nu.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.