Yekile 1:11 - BAEBOLO ANZƐƐ BULUKU NWUANZANWUANZA

¹¹ Ɔse, “Kɛlɛ mɔɔ ɛkɛnwu ye la wɔ buluku nu na fa buluku ne kɔmaa asɔne nsuu ne mɔ mɔɔ wɔ azuamgbole ɛhye mɔ azo la: Ɛfɛsɛse, Semɛna, Pɛgamɛm, Tayataela, Saadese, Feladɛlefea, yɛɛ Lawɔdesia.”

Yekile 1:11 ပူးပေါင်းရင်းမြစ်များ

Ayezaya Buluku ne 30:8

Nyamenle zele me kɛ akee mengɔ na mengɛlɛ ye bɛ nyunlu ɛkɛ ne wɔ bolɛ ɛdɛbaa zo nee buluku nu, amaa yeayɛ daselɛ yeatia bɛ dahuu.

Gyɛlɛmaya Buluku ne 30:2

ɔse, “Kɛlɛ edwɛkɛ mɔɔ medame Ɛdɛnkɛma meha mehile wɔ la amuala wɔ buluku nu.

Habakɛke Buluku ne 2:2

Na Ɛdɛnkɛma buale me kɛ, “Kɛlɛ ɛnyelɛzodeɛnwunlɛ ne; kɛlɛ ye wɔ bolɛ ndɛbandɛba zo maa ɔ nye ɛvinde kpalɛ, amaa mɔɔ kɛgenga la adɔ ɛbɔ nu.

Ɛzoanvolɛma Gyima ne 16:14

Mraalɛ mɔɔ diele yɛ edwɛkɛ ne la ko a le Ledea mɔɔ vi Tayataela na ɔtɔnedɔne arelemgbunli ndanlɛ la. Ɔle raalɛ mɔɔ Nyamenlezonlenlɛ wɔ ye nu a. Na Awulae bukele ye adwenle nu manle ɔdiele mɔɔ Pɔɔlo ɛlɛka la kpalɛ.

Ɛzoanvolɛma Gyima ne 18:24

Dwuunli bie mɔɔ bɛfɛlɛ ye Apɔlɔso, mɔɔ bɛwole ye Alɛzandelea, na ɔ nloa ɛde, eza ɔze Nyamenle Edwɛkɛ ne kpalɛ la rale Ɛfɛsɛse.

Ɛzoanvolɛma Gyima ne 20:17

Pɔɔlo dole Ɛfɛsɛse asɔne mgbanyima ne mɔ nrɛlaleɛ kɛ bɛyia ye wɔ Maelitɛse.

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

1 Kɔl 16:8

Mebadɛnla Ɛfɛsɛse ɛke kɔkpula Pɛntekɔso Ɛvoyia ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:1

Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la yɛɛ ɛlɛkɛlɛ kɛlata ɛhye a. Ɔlɛ ɔkamaa Nyamenle menli ne mɔɔ wɔ Ɛfɛsɛse mɔɔ Kelaese Gyisɛse ati bɛdi nɔhalɛ wɔ bɛ ɛbɛlabɔlɛ nu la.

Mɛla 31:19

“Zɔhane ati, kɛlɛ edwɛne ɛhye na kile Yizilayɛma. Maa bɛdo ye dahuu bɛmaa ɔkokoa bɛ nloa anu, amaa yeayɛ daselɛ wɔ me nee bɛ yɛ avinli.

Kɔlɔ 2:1

Bɛmaa menga gyima ɛsesebɛ mɔɔ meyɛ memaa bɛ nee menli mɔɔ wɔ Lawɔdesia, nee bɛdabɛ mɔɔ bɛtɛnwunle me nyunlu ɛlɛ la mengile bɛ.

1 Tem 1:3

Mekpondɛ kɛ ɛtɛnla Ɛfɛsɛse, kɛmɔ mesia meahɔ Masidonea mɔɔ menganle mengilele wɔ la. Menli bie wɔ ɛkɛ ne ɛlɛkilehile ngilehilelɛ mɔɔ ɛnle nɔhalɛ a, na tua bɛ.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 1:19

Zɔhane ati, kɛlɛ ninyɛne mɔɔ wɔnwu bɛ la, ninyɛne mɔɔ wɔ ɛkɛ ne kɛkala nee mɔɔ li ɛhye mɔ anzi bara la amuala.

Yekile 1:2

Dwɔn ɛha mɔɔ ɔnwunle ye la amuala. Ɔhanle nɔhalɛ ne, kɛmɔ Gyisɛse Kelaese yele hilele ye la nee nrɛlaleɛ mɔɔ ɔdele ɔvile Nyamenle ɛkɛ ne la amuala.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 10:4

Mɔɔ maanle nu hulule fane nsuu la, menyɛle kɛ mekɛlɛ, na mendele kɛ ɛnelɛ vi anwuma, ɔse, “Mɔɔ ɛdele wɔ ɛhululɛ fane nsuu ne anu la maa ɔha ɛ ti anu, mmakɛlɛ!”

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 19:9

Na Nyamenle soanvolɛ ne zele me kɛ, “Kɛlɛ ɛhye: Nyilalɛ ɛha bɛdabɛ mɔɔ bɛdo ɛsalɛ bɛvɛlɛ bɛ kɛ bɛrɛla Boaneralɛ ne atɔfolɛlielɛ ne abo la.” Ɔzele medame noko kɛ, “Ɛhye le Nyamenle ɔdaye ɔ nloa edwɛkɛ fɔɔnwo.”

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Yekile 2:12

“Kɛlɛ ɛhye kɔmaa Pɛgamɛm asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ dadeɛ anye nwiɔ ne mɔɔ yɛ nla la ɛkɛ.

Yekile 2:18

“Kɛlɛ ɛhye kɔmaa Tayataela asɔne ne Nyamenle soanvolɛ ne. “Nrɛlaleɛ ɛhye vi Nyamenle Ara ne mɔɔ lɛ ɛnyelɛ mɔɔ sɔ kɛ senle, na ɔ gyakɛ anwo ta kɛ ayera mɔɔ bɛhwi nwolɛ la ɛkɛ ne.

Yekile 2:24

“Bɛdabɛ noko mɔɔ bɛha, mɔɔ bɛwɔ Tayataela, mɔɔ bɛanli ngilehilelɛ ɛtane zɛhae anzi, bɛanzukoa mɔɔ ɔyɛ a bie mɔ fɛlɛ ye ‘Seetan ngonyia’ la, bɛmɛ yɛɛ meka meahile bɛ kɛ, menrɛva ɛzonle kpole biala menrɛzoa bɛ.

Yekile 2:8

“Kɛlɛ ɛhye kɔmaa Semɛna asɔne ne Nyamenle soanvolɛ ne. “Nrɛlaleɛ ɛhye vi alumua ne nee awieleɛ ne, mɔɔ wule na ɔziale ɔrale ngoane nu bieko la ɛkɛ.

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”

Yekile 22:10

Eza ɔzele me kɛ, “Mmafa Nyamenle edwɛkɛ ne mɔɔ wɔ buluku ɛhye anu la ɛfea, ɔluakɛ mekɛ mɔɔ ɛha na ɛhye azi la le ekyi.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 3:1

“Kɛlɛ, ɛhye kɔmaa Saadese asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ Nyamenle Sunsum nsuu ne nee nwɔlɔra nsuu ne la ɛkɛ ne. Meze mɔɔ ɛlɛyɛ la amuala; meze kɛ wɔlie duma kɛ ɛ nye gyi zo, noko wɔwu.

Yekile 3:14

“Kɛlɛ ɛhye kɔmaa Lawɔdesia asɔne ne Nyamenle soanvolɛ ne. “Nrɛlaleɛ ɛhye vi Amen, nɔhalɛnli ne mɔɔ yɛkola yɛfa yɛ rɛle yɛto ɔ nwo zo, nɔhalɛ dasevolɛ ne, mɔɔ le ninyɛne mɔɔ Nyamenle ɛbɔ la amuala abobɔlɛ la ɛkɛ.

Yekile 3:4

Noko menli ekyi bie wɔ Saadese ɛkɛ ne mɔɔ bɛli bɛ nwo eni a. Bɛtɛyɛle bɛ ndanlɛ ne mɔ evinli. Bɛbayɛ fufule, na bɛ nee me alua, ɔluakɛ bɛfɛta.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.