Wulu 4:4 - BAEBOLO ANZƐƐ BULUKU NWUANZANWUANZA

⁴ Yemɔti medwenle nwolɛ kɛ meka meahile wɔ kɛ tɔ azɛlɛ ne maa menli mɔɔ wɔ ɛke nee mgbanyima mɔɔ mehɔvɛlɛvɛlɛ bɛ la ɛli nwolɛ daselɛ. Saa ɛkɛlie azɛlɛ ne a ɛnee die, saa ɛnrɛlie noko a ɛnee ka kile me maa menwu ye, ɔluakɛ awie bieko ɛnle ɛkɛ ne kɛ wɔmɔ yɛɛ mame.” Na nrenya ne mɔɔ di agya ne la zele Bowaze kɛ, “Mebalie azɛlɛ ne.”

Wulu 4:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:11

“Me menle, kyɛkyɛ, tie mɔɔ meka la. Mefa azɛlɛ ne memaa wɔ, yɛɛ bolɛ bɔne ne mɔɔ wɔ zolɛ la le wɔ ɛdeɛ. Mefa memaa wɔ, wɔ me menli ye mɔɔ ɛyia ɛke la amuala anyunlu. Fa sie wɔ funli ne.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:18

rayɛle Ebileham ɛdeɛ, kɛ ɔdaye ye agyadeɛ ɔ, wɔ Hɛtema mɔɔ rayiale la kɔsɔɔti anyunlu.

Gyɛlɛmaya Buluku ne 32:25

Noko, O Awulae Nyamenle, ɛdawɔ yɛɛ ɛzele me kɛ, ‘Su ezukoa tɔ azɛlɛ ne maa menli ɛli nwolɛ daselɛ a. Noko akee bɛye suakpole ne bɛmaa Babeloniama kɛ bɛho bɛva.’ ”

Wulo 12:17

Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.

2 Kɔl 8:21

Debie titile mɔɔ gyi yɛ nye zo la a le kɛ yɛkɛyɛ mɔɔ tenrɛ wɔ Nyamenle nee menli nyunlu la.

Mɛla 25:8

Ɔba ye zɔhane a suakpole ne azo mgbanyima ne mɔ ɛvɛlɛ nrenya ne na bɛbiza ye, na saa eza ɔsi zolɛ bieko kɛ, ‘Menrɛyɛ a’,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Wulu 2:20

Nawome buale ɔ ra ne aye ne kɛ, “Ɛdɛnkɛma ɛyila ye kɛ ɔdwenle menli mɔɔ ɛwu ɛhɔ nee anyewɔzoamra anwo la. Nrenya ne le yɛ nwo sonla. Ɔle sonla mɔɔ di agya a ɔyɛ boɛ a.”

Wulu 3:12

Ɔle nɔhalɛ kɛ mele kɔliagya, megya wɔ a ɔyɛ boɛ, noko ahenle mɔɔ di agya mumua ne la wɔ ɛkɛ.

Wulu 3:9

Na ɔbizale kɛ, “Ɛdawɔ nwane a ɛla ɛkɛ ne la?” Wulutu buale ye kɛ, “Yɛmenle, medame, wɔ sonvolɛ raalɛ Wulutu ɔ. Ɛle me hu kɔliagya mɔɔ wɔmɔ a ɔwɔ kɛ ɛnea me a; yemɔti gya me.”